Joel 2:23 - Godigo dwagi yai po buku

²³ “Te Saion we bidi dabe, dage wiegi yai pemene iyąo. Dagego te duga Genuai Bidi ena Godigo dage tau sali sęde wiegi yai pemene yao,” wai. “Eno dageba te tulubage te nai bulabo sogo usu nama mawai, tama dageba te polobadu yali tiwai te tulubage hauwa mawai.

Joel 2:23 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 8:36

teda Genuai Bidi, nage te dagalude bidiyu, te gedu haluasa po odoyu, tama nago te da Israel naga sę ebo we bidi dabego sęgę sela sąyu yao. Nago dabolo te doloba pai kolesaga wali pomainu ola mao. Tama te dago tǫ da olama bidimainu nago te polobadu naga we bidi dabolo mani tǫba te tulubage ma mayu tagala palao,” te po wai.

Jopgo Po Asęani Elalubo Buku 33:23

“Tiali goli, ma te Godigo ensel mobo bidi hauwa mu tomode deli digi aselama, te bidi tau sagasobaso da, teda agai dwagi yai kolesaga naga wali pomainu yaibao.

Jopgo Po Asęani Elalubo Buku 37:13

Me sogo da, agai we bidigo kolesaga dodolomainu tagala palobo dao. Tama me sogo da, augwali dwagi yai sę elama, tau somainu ebo dao. Tama me sogo da, agai tǫ ma usu ilimainu te dagalu pǫ dabe tagala palobo dao,” Elihugo te po wai.

Godigo Nogi Ugwaba Sabo Tęąbi Po Wabo Buku Dabe 104:34

Agai ena dwagi yai homu ilai, tama eno homugo agai eno tęąbi ebo godolo emainogo ebao.

Godigo Nogi Ugwaba Sabo Tęąbi Po Wabo Buku Dabe 147:8

Agai te dagalude pǫ pedalumainu elama, tama te tulubage tagala palama, tama te bulu du dabede te nosa pedalumainu ebo dao.

Godigo Nogi Ugwaba Sabo Tęąbi Po Wabo Buku Dabe 149:2

Dage Israel dabe, te Godigo dage nigalide te dagego bugai haliga iyąo. Awe, te Saion we bidi dabe, te duga kingba wiegi yai pemene yao.

Godigo Nogi Ugwaba Sabo Tęąbi Po Wabo Buku Dabe 28:7

Godigo naga ena seselaluyu, tama ena bobegela sai elalubo dao. Tama tiyu, eno konealubo homu agaba muani da. Genuai Bidigo ena tau sobaso, tama eno wiegi yai homu pemene agaba ebao, tama eno aga nogi ugwaba sabo balia po dabe obao.

Godigo Nogi Ugwaba Sabo Tęąbi Po Wabo Buku Dabe 32:11

Dage te doloba pai we bidi, dage te bugai haliga elama, tama te Genuai Bidigo wiegi yai sę tigidali yalide te wiegi yai homu pemene yao. Dage tigidali we bidi, dage te God gedude doloba pai mu yali, dage te wiegi yai homu pemene elama, tama hae weyu, nogo eleyu yao.

Godigo Nogi Ugwaba Sabo Tęąbi Po Wabo Buku Dabe 84:6

Augwa pelayu, te wa pai bulu odogo pesageba dulama, tama te bulude te wę ulu hauwa pedalubo pesage elalubao. Tama te kigamu tulubage tulama, tama te dedageba te węgo pągąbo dao.

Bugagia Bidibo Kolesagade Po Asęai Buku 16:15

Te kingo bugai haliga pemene te bidi me deli dali ebaso da, teda agai te bidiba wiegi yai sę eyu, tama aga te bugagia bidaibao. Kingo te tebo kolesagago te pǫgo tulubage selasa aselama, tama te nai tau emainu ebo tiwai ebo dao.

Aisaia 30:21

Tama dage peyu, te mena sunumide geda muainu ebaso da, te dolo nogo badu sunumi badu, o pobase nogo badu sunumi badu me, teda agai dage tudi badu bidama, tama mena sunumidu painu yali, agai dage ola mawaibao.

Aisaia 30:23

Tama Godigo tulubage te dagego bulali nai wai dabeba mawaibao. Tama te węgo dagego nai wai dabe bugagia mu holaibao. Tama dagego nai dabe hauwa mu elaluaibao. Tama te sogo dagego kau kibu dabego tuabo nosai dabe hauwa me elaluaibao.

Aisaia 41:16

Dagego te sęgę elalusiąyu, te bidigo te bo dabe ugwaba sąnama, te waligo tolasa pabo tiwai yaibao. Tialima, dagego wiegi yai pemene te Genuai Bidi enaba yaibao. Te dagego ena nogi ugwaba saibao, te Israel God da, ena te Wiegi Yai Doloba Pai Kolesaga Ebo God dao,” wali.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Jeremaia 5:24

Dagego ena Genuai Bidi duga God dologoba me pisąma tebao. Dagego te homu isąbao, ena digi eno te tulubage te dagego nai wai bulubo sogo tagala paliyu, te nai inabo sogo tagala palu ebao. Te ena digi eno te nai aga inayabo sogode inamainu eyu, te tigidali kibu bede dagego sela tumainu tebo dao.

Esekiel 34:26

“‘Tama eno te bulude wiegi yai sę iliyu, me eno bulu du bagualubo tǫ wiegi yai ilaibao. Tama tulubage side da, eno te tǫba tulubage hauwa te tǫba tulumainu yaibao, tama te tulubagego te tǫ wiegi yai mu pedelemainu ilaibao.

Hosea 6:3

Dago te Genuai Bidi koneabo sę bomo inao. Dago koneani, tigidali sogo kigamu te giliga pedalubao. Tama dago koneani, te tigidali sogo tulubage tulubo, tulubage te tǫba tulubao. Tama te tiwai naga dago koneao, Genuai Bidi te aselama, te da wiegi yai bugagia ma ilaibao,” augwaligo te po wai.

Pris Sę Ebo Bomai Po 26:4

teda eno te tulubage tulubo sogo te tulubage tulumainogo ilaibao. Tama eno dagego tǫde nai wiegi yai mu holomainogo elama, te ni dabego nai hauwa walaibao.

Amos 4:7

Genuai Bidigo te po wali, “Ena digi eno te tulubage paliali, te tulubage tulubo sogo te nai wiegi yai pedalumainu ilibo tulubage te eno paliali. Eno te tulubage te taun mebaba tagala palali, te gasaba me tebeo. Menio. Te gi mebago tulubage sali. Tialima, te gasa gi dabego me sabeo, menio, tama tigidali te sasia palio.

Sekaraia 10:1

Te gide nai dabe pedalubo sogo dagego te Genuai Bidiba hanaluyu, te agai tulubage tagala palomainu emainao. Genuai Bidigo te pǫ hauwa dabe tagala palama, te tulubage tulumainu ilibaso, tama te nai dabe pedelama holobo dao.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.

Sekaraia 9:13

Te Juda dabe augwali eno te enesigi tolalubo tiwai eyu, tama te Israel dabe augwali te eno enesigide ene daganalubo tiwai elalueibao, tama te Jerusalem bidi dabe augwali da te hwą ge bainat gelalubo tiwai elalu, tama eno te Grik dabe dali boi hwįaibao,” te po wali.

Sekaraia 9:9

Dage Saion taun Jerusalem we bidi dabeo, dage homu pemene umagia mu eyu, hae wao. Suiąo. Dagego king te asobao. Te agai bidi dabe aiyaba elaluali genuai nogi elalubao. Tiali goli, agai nogi aga digi ugala me sabeo. Menio. Aga te nogi meni yai bidi asobo tiwai eyu, aga te donki kibu me deli daide ugadu dugulasa asaibao. Aga te ogwa bidi donki kibude dugulasa asaibao wali.

Godigo Sęba Tagala Palai Bidigo Po 14:17

Tiali goli, agai tigidali sogo tigidali we bidi augwaligo aga bidibo konemainu, dwagi yai nai dabe we bidi tomode mubo dao. Agai te dagaludu tulubage me, giliga nanobo sogo me, agai dąį ilibo dao. Tama agai nai pedalama, tama dage bugai homu emainogo te sę ebo dao,” augwali sigo te po wai.

Bomai Po 11:14

Tama dagego te tama tiyu da, teda agai tulubage te gi bugagia tau sabo sogo tulubage dagego giba dabe tagala palaibao. Tama tiyu, dagego nai dabe hauwa mu elaluyu, me wain dabe, me oliv wel dabe usu me elama, mu elaluaibao.

Bomai Po 28:12

God aga digi tulubage tonalubo dao, tama agai tulubage bugagia tagala palaibao, te tulubage side naga. Tama agai dagego tigidali sę dabe wiegi yai mu pedalomainogo yaibao. Tama tiyu, dagego gasa we bidi hanigo dageba negeli emainogo yaibao. Tiali goli, dagego doado bage usu genuai baso da, dagego augwaliba negeli emainogo me egobeo.

Bomai Po 32:2

Eno pogo te dage we bidi bugagia sę mu ilaibao, te tulubage tulama, tama te nosai dabe bugagia holobo tiwai yaibao. Eno pogo da, te tulubage tulama, tama te tubo nai dabe hogodo gesi ma holama, dila pelama, tama genuai ebo tiwai yaibao.

Filipai 3:1

Eno ama dede, eno po silainogo e po obao, eno homugo te dage te dago Genuai Bidi dali wadolobaso, te dage dwagi yai homu pemene yao. Te eno dagebolo polobadu pusali po, te po megi ma asębo eno hagelabo menio. Te po dagebolo ma asębogo dage tau siyu, tama gasa bidigo ola mabo pogo dage dologobeo.

Filipai 3:3

Magi baso meni. Augwali meni, te dago naga te Godigo sa mubo dąį mu sai dao. Augwaligo homu te augwa tigiwali togobaso augwali Godigo gedude doloba pai bidi dao, tede geda muyu augwaligo te homu ebo dao. Tiali goli dago te doloba pai bidi nogi sabo tų koneai. Magi baso meni. Godigo Mobo Bidigo da tau siyu, tama dago Godibolo lotu po wabo dao. Da Krais Jisas dali wadolama bidiyu, tama tede da dwagi yai homu mu pemene ebo dao. Tama bidiyu, dago Godigo sa mubo dąį elalubao. Dago te dena tigiwali togobo sęde te da tau sabo kolesaga dao, te homu mu ebo menio.

Filipai 4:4

Eno homugo dage te Genuai Bidi dali wadolali we bidi dage sesemane sogo dwagi yai homu pemene eyu bidao. Awe, eno te po ma obao, dagego homu dwagi yai pemene yao.