Joel 2:20 - Godigo dwagi yai po buku

²⁰ Tialima, eno te kuli mano dabe te not pedaiba gudulaibao, meba te wa pai tǫ bulu pesageba sela sąwaibao. Te hasia mu asali kuli mano hani eno te sigi ąį Detsiba gudulaibao, te nosali asali hani eno te genuai tamu ąį Mediterenianba sela sąwaibao,” wali. “Tama te kuli mano hani tigi te isila pelama, te damubo kugumini yaibao. Eno te tama tebo te augwaligo dageba yali dwai sę tigidali wei ponoyu, tama tiaibao,” Genuai Bidigo te po wai.

Joel 2:20 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 8:13

Hasaelgo te po odobo si, tama te Elisago po wei ponoyu, e tama wali, “Ena olo bidi dao. Tama te genuai sęgę yai sę eno ma mena tama usu nama yaibawe?” wali. Awe, tama Elisago agabolo e tama po wai, “Genuai Bidigo enabolo e tama ola mawai dao, nage Siria hani tonaluabo king bidi nigaibao,” wali.

Godigo Nogi Ugwaba Sabo Tęąbi Po Wabo Buku Dabe 126:3

Mu dao, Genuai Bidigo te genuai sę mu da tau siyu yai dao. Tama tibaso, da bugai haliga mu ebo dao.

Ma Dobola Sali 10:19

Tama Genuai Bidigo te wali hasegelama, te bomai wali te sia ge dega sabo badu asomainogo yai. Tama waligo te kuli mano tigidali te mama yai tamu ąįba selasa pai. Tama te Isipde te kuli mano tede me deli bidibeo. Menio.

Ma Dobola Sali 8:14

Tama te Isip bidi dabe augwaligo te gedeli dabe deliba sisinama, pesage holai, tama te gedeli dabe damuyu, kugumini dwai mu pedelai.

Aisaia 34:3

Te augwali tigi dabe te bidi dabego pubalubo usugobeo. Menio. Te bulu tǫ dabede danamu pelayu, te bulude dwai kugumini mu yaibao wali. Te augwaligo kaneme dabe te bulu du dabede pągąnalueibao wai dao.

Esekiel 47:18

“Tama giliga asobo badu tǫ dąį te Damaskus taun me distrik Hauran tǫdu pelama, Jordan ąį dulu pelama, tama saut badu Israel dabego tǫdu me distrik Gileat tǫdu pali dao. Tama pelama, sautba saboligi pelama, te sigi ąį Detsiba usu nigi pali,” wali.

Amos 4:10

Genuai Bidigo po ma weyu, te tama wali, “Eno dage dolabo dwai gasi mu tagala palali, eno te Isip dabe augwaliba yali tiwai yalio. Te boi hwįbode eno dage gesi ogwa bidi ela muyu, eno dagego hwįbo hos dabe te boi bidi dabego somainu ilalio. Te eno dagego te hwįbode isali bidi dabego tigigo te dage bidibo pesagede te dwai kugumini ebo dagego denami odomainu ilalio. Tiali goli, tede me dage enaba ma geasa me asobeo. Mu menio,” wali.

Sekaraia 14:8

Te sogo te wiegi yai ąį te Jerusalemde pedelama te soaibao. Te ąį me badu bugai te sigi ąį Detsiba peyu, te bugai me badu te genuai tamu ąį nogi Mediterenianba paibao. Te soabo ąį te tulubage tulubo sogo me te giliga nanobo sogo soaibao. Te ąį me sula sogobeo wali.

Malakai 3:11

Dagego tama tibaso da, teda eno te dwai osogani dabe paniama, te dagego gi nai me dologobeo. Te ni wain du te dagego wain gide mu pągąna paibao wai dao.

Bomai Po 11:24

Tama tigidali tǫ dage bilaiba tǫ, te tigidali tǫ duga tǫ gagawaibao. Dagego tǫ dąį te olo kemi sane bulu te saut badu gagalama, tama pelama, te Lebanon bulu duba usu nigi paibao, te not badu usu nigi paibao. Tama dąį te giliga asobo badu te wę Yufretisdu gagalama, tama pelama, te genuai tamu ąį Mediterenian te giliga dega sabo badu te usu nigi paibao.