Joel 2:16 - Godigo dwagi yai po buku

¹⁶ Tigidali we bidi sisinama, te augwali genuai lotu omainu sisinao. Te tigidali monu dabe, mosi dabe me, tigidali wai puluba me, te idago ame tubo dwasianu wai bǫų dabe me, sela asiąo. Te tamadi gesi selama bidibo we bidi dabe me, tigidali we bidi te be tagalama, asiąo wai dao.

Joel 2:16 Iomraidhean Croise

Tuni Bidi Dabego Po Elalubo Buku Si 20:13

Te Juda bulu bidi dabe me we wai dabe augwali Genuai Bidigo gedude doligiluali, te Genuai Bidigo tempel be pąde.

Tuni Bidi Dabego Po Elalubo Buku Si 29:5

Tama agai augwalibolo te po wali, “Dage Livai dabe, dage duga digi Genuai Bidibolo maiąo, te dago wąį dabego Godibolo. Tama te tempel be te agaduba be mu sa muao. Tama dagego Godigo gedude te be meda ilibo doado bage dabe sese buluba sela sąyao.

Tuni Bidi Dabego Po Elalubo Buku Si 30:17

We bidi hauwago augwa digi augwa Godigo gedude wiegi yai pedalobo kolesaga yai menio. Tama tibaso, augwaligo augwa ofa yabo sipsip kibu gǫų elabo usu meni yai. Tialima te Livai dabego te we bidigo sipsip kibu gǫų dabe elama, tama Genuai Bidigo nai dolo mu dao olama mu sa muani.

Tuni Bidi Dabego Po Elalubo Buku Si 35:6

Dagego duga digi Godigo gedude wiegi yai pedaliąo. Tama dagego sipsip kibu gǫų dabe eliąo, te Godigo Israel Dabe Augwali Isipde Bugagia Bidimainu Ilali Sogo, te Pasova Sogo kone paliyu ofa yabo. Tama dagego te ofa yabo nai dabe dola muao. Te meba Israel dabe augwaligo te ofa ebo bomai po bugagia wali pomainao, te Genuai Bidigo Mosesbolo walali gilama,” king Josaiago te po wali.

Jopgo Po Asęani Elalubo Buku 1:5

Tama te wai pulubago nai ula tubo si ela silibo si da, teda augwali sisi elaluama, te Jopgo augwali i olama, aselama, te aga wai dabe Godigo gedude dwagi yai ma emainogo te ofa nai mayu yai. Aga kigamu hulide mu hodaluama, te nai sese bugagia mu demainu ebo dao. Te bidi agai te nai ofa aga wai dabe deli delide usu nama ulubo dao. Augwaligo te nai da tula silibo si, Jopgo tama sę naga ebo dao. Magi baso meni, agai te homugo tibo dao, agai wai dego dwai sę eyu, augwa homude Godibolo dwai po me waliwe weyu, tibo dao. Tama te kolesaga Jopgo hauwa sogo idu geai dao.

Godigo Nogi Ugwaba Sabo Tęąbi Po Wabo Buku Dabe 19:5

Siago buluba teda soai, te bidi we siyu, dwagi yai ebo gilama, tama aga bidibo be tagalama, buluba teda soai. Giligago aga dwagi yai homu eyu, aga pabo tų wali pabo dao, te bidi udawainogo sisi elama, dolalubo tiwai ebo dao.

Ma Dobola Sali 19:10

Tama Genuai Bidigo Mosesbolo te po wai, “Nago te we bidi augwalibolo te po wagi pelama, megi de do si te augwaligo homu kolesaga me dodolama, tama ugwa wę tedelama, tama augwaligo enaba lotu po wainogo sisilaluao.

Ma Dobola Sali 19:15

Tama Mosesgo augwalibolo te po wali, “Dagego do digi sisi ela muao. Tama megi e side gagalama, do tama te sogo dage we dabe dali me pilamo dao,” wali.

Ma Dobola Sali 19:22

Te pris dabe augwali ena pąba asobo bage, augwali me te augwaligo homu kolesaga dwai meda elalubo dabe geselama, tama augwali eno gedude wiegi yai pedelao. Ma, te kolesaga isąyu da, teda eno augwali dene ilaibao,” wali.

Joel 1:14

Dagego te tigidali we bidiba wao, augwa te nai habu selemainao. Tama tigidali we bidi sisinagasomainu i olama, te lotu wagasomainao wali. Te polalubo tobolu bidi, me tigidali Juda we bidi, tama dage te Godigo be tomoba pelama, te dena Genuai Bidi, agaba i waiąo.

Matyu 21:16

Tama tibaso, te genuai bage augwaligo homu dwai eyu, agabolo te po wai, “Te nago augwaligo te wabo po nago odaliwe?” Tama Jisasgo augwalibolo te po wai, “Ao, eno odalio. Tiali goli dagego te bidi me deligo te Godide polobadu asęani po me deli nedebewe? Te po e dao, ‘Nago te gilama, tama te dwasianu wai puluba augwaligo nago nogi ugwaba sabo wiegi yai po wai dao.’ Dagego te po nedebewe?”

Matyu 9:15

Tama Jisasgo te po digi begelai po me deli augwalibolo weyu te po wai, “Te gesi we tamadi sai bidi te aga abagi dabe dali bidibaso da, teda augwali homu te sogo homu sęgę elaluaibawe? Menio. Tiali goli nosali te we sai bidi augwaligo selama, gasaba pabo sogo da, tama aga abagi dabe dali me bidigobeo. Tama te sogo augwali homu sęgę eyu nai osogo gisilaibao,” wali.

1 Korin 7:5

Dage we de bidi si taluama bidibo, te me deligo me tudiba muyu tama aga tigi dąų weyu geą siyu me elamuo. Te kolesaga ebo tagalao. Mu tama, duga si homu deliba munama, tama duga si tigi te pęwadage sogo habu selabo homu elama, te duga si Godibolo gedu haluasa po wabo sę yainu osogo habu selabo homu ebaso da, te usu da. Tiali goli nosali te duga si homu deli elama te duga si tigi deliba ma taluao. Tiyu duga digi te duga tigi ma tonaluabo usu isąyu, tama Satango dage usu siyu, te dagego dwai penani sę emainogo sinabuo.

Josua 7:13

“Tialima, hodaluao! Nage pelama, te we bidi dwagi yai ilama, tama augwali ena gesabidiba do asomainu sisi wiegi yai iligi pao. Magi baso meni, ena dagego God te eno po te elalubao, ‘Dage Israel dabe, dagego eno dagebolo te habu selali nai dabe meba salio. Dagego te nai dabe sela sąsiąbaso da, teda dagego te boi bidi dabe aiyaba me elalugobeo.

Josua 8:35

Megi da, Josuago te Mosesgo asęani bomai po tigidali mu nedama, tama tigidali Israel we bidigo odai. Te we dabe sibi me, te wai puluba me, te gasa buludu aselama augwali dali bidibo we bidi, augwaligo me te nedali po odai.

1 Samuel 16:5

Tama Samuelgo te po wali, “Ena te Genuai Bidiba naga ofa ilagasu asali. Dage te duga digi te God gedude wiegi yai bolo ilama da, tama nosali dage ena dali asama, te ofa yagasao,” wali. Tama aga te Jesiba pelama, tama te Jesi dali aga ogomani me te Genuai Bidi gedude dwagi yai ilama, tama augwaliba hanalu te ofa yaboba asao wai.