Joel 1:6 - Godigo dwagi yai po buku

⁶ Genuai kuli mano hani te genuai ami hani me deli tiwai yali, te dago tǫ kantri tigidali mu halua sigulali. Augwali bomai mu, te hauwa umabo, te nedabo usu egobeo. Te augwaligo kele te laiongo kele tiwai te mu poa pai dao.

Joel 1:6 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Bugagia Bidibo Kolesagade Po Asęai Buku 30:14

Te meba bidigo te magi nai meni yai bidi dabeba te dwai sę mu ilaibao. Te hwą bainat me ge hwą me te augwa pedauwalide pągąnalubo tiwai eyu, tama augwaligo te magi nai meni yai bidi dabe tulama, tama tigidali silabo homu ebo dao.”

Aisaia 32:13

Tama dagego eno we bidigo tǫ hagede dage hobedai gela waiagameo. Magi baso meni. Te dwai sesane bono me dwai nosai dabe te bulu tǫde koliaibao. Awe, dagego duga te gana peyu ebo te be dabe homu kone elama, tama dage hobedai gela waiąo. Tama me, dage te duga te gawelama bidibo te hanu dabede me hobeda gela waiąo.

Hosea 9:3

Tama dage Israel te Genuai Bidigo mani tǫde me bidigobeo. Tama dage te Isipba kalabus ma igi peyu, te Asiria bulu tǫba me kalabus igi paibao. Tama te bulude te Godigo dageba te habu selali nai dabe tueibao.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.