Joel 1:4 - Godigo dwagi yai po buku

⁴ Te me si me si te tobage kuli mano hani pedelama, tama te tigidali nai yabe mu silalio. Tama hasia te polasa pali kuli mano hanigo te taga pali nai yabe, te si wali nosali asobo kuli mano hanigo tula silali. Tama te sela wali, me te me si me si wali hani, te hani sigo te tama tiwai naga yali, tama te tigidali nai mu silalio.

Joel 1:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 8:37

“Tama te genuai nasi te dago tǫba pedalubaso, ma te genuai gasi me deli pedalubaso, ma te posolai wali asu, tama te gide nai dabe dolabo gasi me deli pedalubaso, ma te kuli mano hauwa umabo mu asiyu, te nai dabe silibaso, ma te boi bidi dabego hwįagasu te dago hanude te da bagua sagasobaso, ma te haniani gasigo da dolobaso,

Tuni Bidi Dabego Po Elalubo Buku Si 6:28

“Tialima genuai nasi dago kantride pedalobaso, o genuai gasi me deli pedalobaso, o te genuai bomai wali me pedalama, tama gide nai dabe gasi selama dolobaso, o te kuli mano dabe hauwa mu elama tama te nai dabe dolobaso, ma te boi bidi dabe aselama, tama da dena taun dabe tomoba bagua sagasobaso, o te haniani gasi dabego da dolagasobaso,

Tuni Bidi Dabego Po Elalubo Buku Si 7:13

Tiali goli dagego eno po sela sąnama tama sęgę siyu eyu da, teda eno tulubage palibawe o kuli mano dabe tagala palama, dagego gide nai dabe tuagasomainu yaibao, o eno gasi dwai me dage eno hani we bidiba tagala palaibao. Tama te sogo tialima dage eno we bidi sa muani we bidi dagego duga yali dwai sę dabe kone palama, hobede elama, tama dage ena pageba aselama, gedu haluasa po wagasiyu, tama dagego te yali dwai kolesaga tagaliyu da, teda ena dagalude bidiyu, dagego gedu haluasa po wabo odama, dagego sęgę sela sąyu me dagego tǫ wiegi yai ma iliyu yaibao.

Godigo Nogi Ugwaba Sabo Tęąbi Po Wabo Buku Dabe 105:34

Agai po obadi, te kuli mano dabe pedelai, te hauwa mu pedelai, dago nedebo usu egobeo wai.

Godigo Nogi Ugwaba Sabo Tęąbi Po Wabo Buku Dabe 78:46

Tama Godigo te suma digi me, kauwa bidi dabe me, te kuli mano dabe dali tagala palama, tama augwaligo te augwa gide nai dabe tula silai.

Ma Dobola Sali 10:4

Te nago tama tisąbaso da, teda do eno te kuli mano dabe tagala palama, tama nago tǫba pągąna sagasaibao.

Ma Dobola Sali 10:5

Te augwaligo tigidali habu badu mesega sagaselama, tama nago te tǫ me sugobeo. Tama te nai dabe, me te ni dabe, te talua ge tulubagego dolisiąwani nai, te kuli mano dabe augwaligo te tigidali mu tula silaibao.

Aisaia 33:4

Tama augwaligo te taga pabo nai dabe da, te gasa bidi hani dabego polo sagasaibao. Teda te gide mano dabego gide nai dabe tula silibo tiwai yaibao.

Jeremaia 51:14

Tigidali Bomo Elalubo Genuai Bidi aga nogide digi mu po weyu, te sę yaibao po wali. Agai e tiwai po wali, “Babilon, te eno genuai hani bidi odasa asu, nageba hwįagaselama, te nage aiyaba elalueibao. Te augwaligo nago tǫ pągąna sagasaibao, te genuai kuli mano hanigo ebo tiwai yaibao. Te augwaligo nage aiyaba elalubo si da, teda augwali wiegi yai pemene elama, te bomonama i waibao,” te po wali.

Jeremaia 51:27

Te plak ugwaba selama, te hauwa tǫ kantri we bidi hani dabe tomode biugel bu wao, tama augwa te Babilonba hwįagasabo sisi emainao. Te hani dabe augwali te Ararat, me Mini, me Askenas, te augwali asomainu i wao. Te hwįbo tonaluabo ofisa bidi me deli nigilao. Te ami hani bidi dabe augwa hosde dugulama, te genuai kuli mano hani tiwai asomainao.

Joel 2:25

“Ena digi eno te kuli mano dabe dageba te ami bidi tiwai elama tagala palali. Tama tialima, te dagego nai tigidali te kibu bede te genuai hani kuli mano dabego te tula silali nai tigidali te eno wei pona silaibao,” wai dao.

Amos 4:9

Te Genuai Bidigo te tama po wai, “Hauwa sogo eno te dagego gi dolomainu eyu, eno te posolai wali tagala palai. Me, te hauwa sogo eno te dagego gi nai yabe aminawai holomainogo ilai. Te kuli mano dabego dagego gi nai dabe, me wain gi dabe, me ni kaya fik, me oliv ni dabe tula silimainu yai. Tiali goli, dage enaba ma geasa me asobeo. Mu menio,” wali.

Amos 7:1

Me sogo God Genuai Bidigo te nai me deli te nade tiwai enabolo ola mawai. Eno suali, Genuai Bidigo te kuli mano hani genuai me deli pedalumainu ilali. Te sę bidi dabego te kingo bulmakau dabeba maiabo nosai togolama, te gesi nosai kulubi ma pedalubo sogo da, teda te kuli mano dabe me pedelalio.

Malakai 3:11

Dagego tama tibaso da, teda eno te dwai osogani dabe paniama, te dagego gi nai me dologobeo. Te ni wain du te dagego wain gide mu pągąna paibao wai dao.

Bomai Po 28:38

“Dagego nai hauwa bulaibao, tiali goli manogo tula siliyu, mu menia saibao, tama tiyu dagego dwasianu bugai naga saibao.

Bomai Po 28:42

Tama me te mano dabego dagego gide nai dabe me ni dabe tigidali dola silaibao,” wali.