Joel 1:2 - Godigo dwagi yai po buku

² Dage monu dabe we bidigo, odiąo. Te dage tigidali Judago, odao. Eno dageba megi te pedelali nai po hanalu obao. Te tobage nai te polobadu dage bidali sogo me pedelai dawe? Te duga wąį nǫų bidali sogo me pedelai dawe? Eno homugo te menio.

Joel 1:2 Iomraidhean Croise

Jopgo Po Asęani Elalubo Buku 12:12

Te mu tama, te polo monu dabego da, te dwagi yai kolesaga dali, dwagi yai homu kolesaga si hauwa mu konealubo.

Jopgo Po Asęani Elalubo Buku 15:10

Da tomode ili nisi yai monu dabe bidibo. Tama augwaligo kibu bego nago ayago kibu be me edelai dao,” wali.

Jopgo Po Asęani Elalubo Buku 21:7

“Magi baso Godigo dwai kolesaga ebo bidi dabe sula tagalama, tama augwali bugagia bidama, augwali monu dabe ebo da, agawe? Tama magi baso agai augwali genuai nogi selama, nai dabe hauwa elalumainu sula tagalaliwe?

Jopgo Po Asęani Elalubo Buku 8:8

Nago polobadu bidali genuai bidi dabego dwagi yai doloba pai kolesaga page nago gega suao. Tama polobadu wąį dabego kolesaga me osola suao,” wali.

Godigo Nogi Ugwaba Sabo Tęąbi Po Wabo Buku Dabe 49:1

Dage tigidali we bidigo, odao. Dage tigidali tǫde bidibo we bidigo, eno wabo poba olo bugagia muao.

Aisaia 34:1

Dage tigidali tǫ habu we bidi dabe, asiąo. Dage sisinagaselama, te po odagasiąo. Tǫde me tigidali elalubo nai me, dagego me olo muiąo wai.

Aisaia 7:17

Tama Genuai Bidigo dwai sogo taga palama, tama nage me, naga we bidi me, naga ayago togali seseba taga palaibao. Te sęgęgo da, te polobadu yali te sęgę mu edelama, mu yaibao, te Israel dabego Juda tagalama, taga palidu gagalasa, megiba usu nagasali. Te sęgę e dao, Genuai Bidigo Asiria tuni bidi Juda buluba sela asaibao,” Aisaiago te po wali.

Jeremaia 30:7

Homu dene mu ebao, te dwai sogo mu me deli pedelaibao. Te dwai sogogo te gasa dwai sogo ebo tigidali aiyaba elalueibao. Eno we bidi dabe, te Israel dabe, augwali te sogo genuai sęgę elalueibao. Tiali digi, te eno augwali ma saibao.

Jeremaia 5:21

“Dage we bidi dabe te wiegi yai homu kolesaga meni yai. Duga gedu elalubao, tiali goli te elalubo nai dagego me susiąwai. Te dagego olo elalubao, tiali te dagego po me odobeo. Tiali te dagego olo eno te poba bugagia muiąo,

Daniel 12:1

Tama te bidi te da tǫde bidi tiwai, agai te Danielba te tama po ma wali, “Te sogo te polalubo ensel Maikel te pedelaibao, te dage Israel dabe tonalubo ensel dao. Te sogo te genuai sęgę mu pedelaibao. Polobadu te tobage sęgę tiwai te bulu tǫ kantri me delide pedalubeo. Te sęgę pedalubo sogo, teda te Godigo dage te Israel we bidi tigidali dobola ma saibao, augwali nogi te agai bukude elalualio, tama te augwali bugagia bidaibao.

Hosea 4:1

Genuai Bidigo te kantri tǫde bidibo we bidi dabeba po kisilama wali. Dage Israel, te Genuai Bidigo po odao. Agai te tama po wai, “Te bulu tǫ kantride bidibo we bidi dabego te mu po wabo kolesaga konesiąma, tama augwa abagi dabe digi te godolo homu me ebeo. Augwaligo te ena augwa Genuai Bidi da homu me isąwai.

Hosea 5:1

“Dage pris dabe, dagego te po odiąo. Dage Israelgo, eno poba olo bugagia muiąo. Tama dage kingo hani, dagego odiąo. Dagego te doloba pai po tų odobo sę elalubao, tiali goli dagego tama me tibeo. Tama tiyu, duga digi te po tųba dodolobao. Dage prisgo tibo lotu te Mispade hodolama, tama te bulu du Taborde, me te Sitim taunde tiai. Tama te dagego te we bidi dabego homu kolesaga dolali. Tama tiyu, dage te hasa kę, me te hasa waba bulubo tǫ dedage tiwai elaluali. Tama eno dage dodolomainogo eyu, te dwai dene dage tigidaliba mawaibao,” walio.

Joel 1:14

Dagego te tigidali we bidiba wao, augwa te nai habu selemainao. Tama tigidali we bidi sisinagasomainu i olama, te lotu wagasomainao wali. Te polalubo tobolu bidi, me tigidali Juda we bidi, tama dage te Godigo be tomoba pelama, te dena Genuai Bidi, agaba i waiąo.

Joel 2:2

Genuai Bidigo te wabo side te be mu hulia saibao, tama te husugu yai pǫgo te dagalu mesega saibao. Te genuai kuli mano hani te ami tiwai elama, te bulu du dabe mesega sagaselama, te kigamu te be posobo asobo tiwai pedelaibao wali. Te polobadu te tiwai sę deli me pedalubeo, tama te tiwai sę me te nosali me pedalugobeo, wai dao.

Amos 3:1

Dage Israel, dage tigidali hani Genuai Bidigo dage Isipde ma dobola selama, odasa asali, dagego agai dagebolo mabo po odiąo.

Amos 4:1

Dage Samaria we dabego, te po odiąo. Dage mu nisalio, te Basan bulude elalubo wiegi yai bulmakau dabego nosai hauwa tulama, nisibo tiwai pedelali. Dagego te bomo kimi meni yai we bidi dabeba dwai sę ebo dao. Tama dagego te magi nai doado bage meni yai bidi dabeba sęgę menama, te dagego augwali dwasianu hobede me ebeo. Menio. Dagego te duga bidi tonalu, te augwaliba e tiwai i weyu, “Te tubo bomai ąį hauwa sesao. Da gęǫ page yaibao,” wabo dao.

Amos 5:1

Dage Israel hani dabe, dagego te isai bidide wabo balia odao. Megi ena, Amos, eno dageba te balia obao, magi baso meni, dage te isai bidi tiwai yaibao.

Maika 1:2

Dage tigidali we bidi hani, te po odiąo. Dage te tǫde bidibo bidi tigidali, te Godigo poba olo muiyąo. God Genuai Bidigo dage po tų ilaibao. Dagego odao. Genuai Bidi aga be te dagalude bidiyu, te po walio.

Maika 3:1

Te Jekop hani polalubo bidi dabe, dage Israel tobolu bidi dabe, odiąo. Dagego te doloba pai kolesaga godolo elama, yabo sę elalubao,

Maika 3:9

Dage Israel tobolu bidi dabego odiąo. Dagego te doloba pai kolesaga godolo homu meni isąwai. Dagego te wiegi yai kolesaga te dwai kolesaga pedalumainu ilibo dao.

Matyu 13:9

“Duga po odobo olo elalubo bidigo da, te po bugagia odiąo,” Jisasgo te po wai.

Matyu 24:21

Te sogo da, te sęgę genuai mu elaluaibao. Te e tǫ gesi sogo elalubadi te megi e sogode te usu nagasu, te tiwai sęgę te polobadu munu me pedalobeo. Tama nosali me te tiwai sęgę munu me ma elalugobeo. Menio.

Kraisgo Geme Dualali Sę Pedelabo Po Jonbolo Ola Mani 2:7

“Te olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elaluyu da, te bidibolo eno aga usu da weyu, tama agai te bidi bidibo ula mabo ni du sela tumainao waibao. Tama te bidi bidibo ula maiabo ni te God aga gide elalubo dao.’”