Joel 1:14 - Godigo dwagi yai po buku

¹⁴ Dagego te tigidali we bidiba wao, augwa te nai habu selemainao. Tama tigidali we bidi sisinagasomainu i olama, te lotu wagasomainao wali. Te polalubo tobolu bidi, me tigidali Juda we bidi, tama dage te Godigo be tomoba pelama, te dena Genuai Bidi, agaba i waiąo.

Joel 1:14 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 10:20

Tama Jehugo e tama po ma wali, “Dago te me sogo te genuai bodolu deli dąį ilama, tama te Bal lotu po waguo,” wali. Tialima, augwaligo te bodolu deli dąį ilali.

Tuni Bidi Dabego Po Elalubo Buku Si 20:13

Te Juda bulu bidi dabe me we wai dabe augwali Genuai Bidigo gedude doligiluali, te Genuai Bidigo tempel be pąde.

Nehemia 8:18

Augwaligo te genuai side te lotu wabo sogo te a naga olama, me badu si, te tama sogo bodolu muani, tama te tigidali side Esrago te bomai po elalubo bukude te Godigo bomai po meba te we bidiba neda mawai. Tama te 7 wabo side tigidali sisinama, tama te genuai side sia sabo lotu po walio, te bomai pode wali po tiwai gilama yai dao.

Esta 4:16

Agai te tiwai po wai, “Nage pelama, te Susa moni hanude bidibo Juda dabe tigidali sisinama, tama dagego nai osogo gisilama, tama dagego ena homu kone palama, gedu haluasa po wao. Te megi gagalasa, dagego nai me wę me giligade badi, hulide me, te osogo gisilao, te sela wabo sogoba usu nao. Te eno ena sę ebo we dabe dali me, te dago tama tiwaibao. Tialima, te sę elama, nosali ena te king bidigo beba paibao. Tagala, te eno bomai po tama bolaibao. Te eno tama tilama, te ena isibaso da, te po meni, te ena isaibao,” Estago te po wai dao.

Jeremaia 14:2

“Juda kantri tǫde te genuai sęgę elalu gela udali. Te aga hanu dabe dwai mu elalubao. Te aga we bidi dabe tǫ bulu pila munana peyu, te dwai gela mu udubao. Tama te Jerusalem dabe umagia gela u waibao.

Joel 1:2

Dage monu dabe we bidigo, odiąo. Te dage tigidali Judago, odao. Eno dageba megi te pedelali nai po hanalu obao. Te tobage nai te polobadu dage bidali sogo me pedelai dawe? Te duga wąį nǫų bidali sogo me pedelai dawe? Eno homugo te menio.

Pris Sę Ebo Bomai Po 23:36

Dagego enaba te Sarere usu nama ofa tigidali side yao. Te 8 wabo side, dage ma sisinama, lotu weyu, te dagego ofa yao. Te dei 8 wabo side da, te lotu wabo side naga dao, te dagego sę me igio,” te po wai.

Jona 3:5

Te moni hanu Ninivede bidibo we bidi augwaligo Godigo te poba homu dąų mu wali. Tama augwaligo te po wai, “Dago nai gisilao. Tama da genuai bidi me, te nogi meni yai olo bidi me, te dago homu dene ebo bobobage ugwa munama, te dago homu dene ebo dąį ilao,” wali.

Jona 3:8

Dage tigidaligo te homu dene ebo ugwa munama, tama te tobage dwai name ugwa dabe te bulmakau sipsip dabe me munama, tama dagego bomo elama, Godibolo gedu haluasa po wao. Dage tigidaligo te dwai kolesaga tigidali badi, te dwai sę haniani ebo kolesaga, te tigidali dagego tagalao.

Sefanaia 2:1

Dage e kantri we bidi, dage deliba sisinao. Dagego duga dwai kolesagade dage hale dwasianu me ebo menio. Dagego homu bugagia kone palama, tama te dwai kolesagade hale iyąo.