Joel 1:13 - Godigo dwagi yai po buku

¹³ Dage te altaba ofa ebo pris dabe, dagego te homu dene ebo side gudubo ugwa gudama, tama dage gela waiąo. Te hulide dagego te homu dene ebode gudubo ugwa gudama, te Godigo be tomoba pelama, tama gela udubadi, te be posoboba usu nao. Magi baso meni, te dena Godiba ofa yabo nai me wain meni yai dao.

Joel 1:13 Iomraidhean Croise

2 Samuel 12:16

Tama Devitgo gedu haluasa po Godiba weyu, te Godigo te wai usu ma ilimainu tiali. Tama Devit aga osogo nai tubo habu siyu, gisilali. Tama hulide te aga be habuba pelama, te be soiyamede olo bulude pila muani.

Te Israel me Juda Hani Sigo Tuni Bidigo Po Elalubo Buku Deli 21:27

Ahapgo te Elaijago po odali sogo da, teda aga homu dwai dene mu yalio. Agai aga ugwa pisilama, te homu dene ola mabo ugwa gudalio. Tama aga nai tubo habu selali. Tama aga hulide me te homu dene ola mabo ugwa dali piali. Aga moni homu hauwa mu elama, te aga homu pemene dali sę me ebeo.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Aisaia 61:6

Tiali goli, duga digi dage te Genuai Bidigo pris bidiyu, te augwaligo dage nogi weyu, te dena Godigo sę bidi da waibao. Te duga nai hauwa elaluaibao, te gasa tǫ kantri bidi dabego sela asai. Te augwaligo wiegi yai nai hauwa dageba mobaso, te dage wiegi yai homu mu pemene yaibao.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Esekiel 21:12

Tǫde bidio, nago i hae weyu, hobede ebo gela wao, magi baso meni, te bainat hwągo te Israel dabe polalubo bidi dabe eleyu, te eno we bidi dabe dali elaibao. Nago gela weyu, te bidigo hobede mu yabo kolesaga yao.

Esekiel 27:31

Tama augwa tobulu nisi poala sąnama, te wane ilaibao. Tama augwa te homu dene ebo side mubo ugwa gudama, te augwali dwai haliga mu eyu, te gela oladu bidaibao.

Esekiel 7:18

Tama augwa te homu dene ebo ugwa dabe gudama, te augwali didibili umagi mu yaibao. Tama te tigidali te hale ebaso, te augwa tobolu nisi poala sąwaibao.

Hosea 9:5

Tama te Godigo genuai bodolu side da, teda dagego magi sę yaibawe? Te moni nai daa tubo side, te dagego magi yaibawe? Te sunumi menio.

Joel 2:12

Tialima, Genuai Bidigo te po wai, “Mu dao, te tigidali sę pedelaibao, tiali goli megi dage haliga begelama, enaba ma asiąo,” wai. “Tama duga te nai habu selama, tama haliga hobede elama, gela weyu, enaba ma asiąo.

Joel 2:14

Dego konegowe? Te dage dena Genuai Bidi Godiba ma asigi sogo da, teda agai homu te ma hasegelama, te dabolo wiegi yai sę eyu, te da nai hauwa magi da. Tama tiyu, te dago te ofa yabo nai hauwa me, te ofa yabo wain me, elalueibao.

Joel 2:17

Te pris dabego Genuai Bidigo sę eyu, te aga be sunumi me alta tomode yali, augwa te gela weyu, te gedu haluasa po te tiwai waiąo wali, “Genuai Bidi, nago naga we bidi dabe da homu dene yao,” wao. “Te nago da homu dene isąbaso da, teda te gasa hani we bidi dabego da tudiba muyu, tama daba posobo po te tiwai waibao, ‘Te dagego God mena bidibawe?’ te po waibao.” Te pris dabego te po waiąo.

Israel Hanigo Namba 28:14

Dagego 2 lita wain wę selama, te kau kibu omai dali ofa yao, tama wan lita sela habu wain selama, te sipsip kibu omai dali ofa yao. Tama sipsip kibu gǫų dali da, te wan lita wain te deli deli sipsip gǫų dali ofa yao. Dagego te tama ofa te tigidali kibu bede deli deli poluago hasia wabo deide yao. Te isigo sese dela silabo ofa dao.

Israel Hanigo Namba 28:4

Tama dagego me deli kigamu ofa eyu, me pio ofa eyu yao.

Israel Hanigo Namba 28:7

Tama dagego lita deli wain wę selama, te sipsip dali ofa yao, tama nosali te wain te alta sesegede gelao.

Israel Hanigo Namba 29:6

Dagego te ofa dabe yao, tama me dagego te isigo dela silibo ofa me eyu, me te wit ulubo ofa me eyu yao, te dagego tigidali poluago hasia wabo deide ebo tiwai yao. Tama me tigidali sogo yabo ofa me yao. Te da, te isigo sese dela silibo ofa, me te wit ulubo ofa, me te wain gelebo ofa dao. Genuai Bidigo te tobage ofa dabe godolo ebo dao, te wiegi yai denami ebo ofa,’ augwalibolo te po wao,” te po wai.

1 Korin 4:1

Dagego te ena Pol dali, Apolos dali, Pita dali te dade dagego homugo kone paluyu tama koneao, da te Kraisgo sę ebo bidi dabe tama Godigo te geme dualalubo po pusuyu tonalubo bidi dabe dao.

1 Korin 9:13

Te Moni Lotu Be tempel, te bede sę ebo bidi dabe, augwaligo te bede augwa nai sela tubo dao. Tama tiyu te Juda we bidi augwaligo te Godibolo maiabo nai magaselama, tama te be tomode te alta saide te nai Godibolo mabo sę ebo bidi dabe augwaligo da te alta saide ulubo nai hasa mi meba te sela tubo dao. Tama tiyu augwaligo augwa nai abelebo menio, te augwaligo Godigo sę ebode augwa nai tama sabo dao.

2 Korin 11:23

Augwali te Kraisgo sę ebo bidi dabe da wida, agawe? Megi eno po te aga digi nogi ugwaba sabo kolesaga meni yai polobo bidigo po tiwai mu obao. Eno augwali te Kraisgo sęde aiyaba mu elaluali. Te sę dene idu gealigo eno edelama ugwanu igulali. Te eno Kraisde po pusubaso, te boi bidi dabego ena kalabus beba hauwa sogo muani. Tede eno te tibo po ola mabo bidi dabe ela holai dao. Te boi bidi dabe augwaligo ena hauwa sogo mu elali, bidigo nedebo usu egobeo, tede eno e bage augwali aiyaba mu elaluali. Hauwa sogo ena pąde isabo tiwai yai.

2 Korin 3:6

Magi baso meni, aga digi da usu ilama, tama da te agai da tau somainogo eyu gesi noma dąų wali pogo sę ebo bidi bidibao. Te gesi noma da tau somainogo eyu dąų wali po te hasia asęani bomai po tego nai me egobeo. Menio. Te Godigo Mobo Bidigo nai dao. Magi baso meni. Te hasia asęani bomai pogo te bidi ela mubo dao, tiali goli te Godigo Mobo Bidigo bidibo ula te bidibolo mabo dao.

2 Korin 6:4

Menio. Da Godigo sę ebo bidi bidiyu, tama tede sesemane sogo dago wiegi yai kolesaga ebogo tigidali bidibolo dago ola mayu, te tiwai ebao: te haniani sęgę daba pedalubaso, tama dwai naigo da dolobadi me, tama te dabolo pedalobo dwai sogo tego da dąų obadi, te da bomo elama mu dolalubo dao. Tama tibaso, tigidali bidigo konebo dao, te da Godigo sę ebo bidi dabe mu dao.

Kraisgo Geme Dualali Sę Pedelabo Po Jonbolo Ola Mani 11:3

Tama Godigo enabolo te po wai, “Eno po pusabo te bidi si tagala palaibao. Tama te bidi sigo gudubo ugwa te beg nigali nami ugwa tama gudulama, tama eno po augwali sigo pususu pidubadi te polua bidi sese si olama me badu nogo si te 42 polua bideibao, te tama polua dabede bidada pali sogo nedali usu nama te bidi sese hauwa mu wabo nogi te 1,260 ulade bidibo tiwai si tama bideibao,” te po wai dao.