Dwagi Yai Gesi Po Jongo Asęani 7:3 - Godigo dwagi yai po buku

³ Tama tibaso aga ama dabe augwaligo Jisas agabolo te po wai, “Nage e bulu tagalama, tama nage Judia moni tǫba pao, te nago ebo sę te naga wali pabo we bidi augwaligo te sę sumainogo yao.

Dwagi Yai Gesi Po Jongo Asęani 7:3 Iomraidhean Croise

Tigidali Nai Gagalama Nigali Side 37:20

“Polo tama, dago aga ela munama, tama aga tigi te ulu sigi ąį elaluai madigi dedage me deli teba sąwaibao. Te nosali dago te po waibao, ‘Te genuai uni hasa me deligo aga elama, tuali,’ po waibao. Tama agai na yali sę mu pedelaibawe, ma meniwe, te dago koneaibao,” augwaligo tama po wali.

Jeremaia 12:6

Te sęgę dabede te me deli te tiwai elalubao. Te naga hani dabego digi te nageba dwai sę yabo po mia salio. Te nage augwaligo nage pobeasa pabo tiwai elama, te pąde nage pageabi yainu ebo tiwai yaibao. Te augwaligo nage dali wiegi yai po obadi, te tagalao, nago augwaligo poba homu kęą pelamu dao,” wali.

Matyu 12:46

Jisasgo po te we bidi augwalibolo madubadi, tama aga ida ama dede dali augwali aselama, bulu badu dolaluagasai. Augwaligo aga dali po miainogo asai.

Dwagi Yai Gesi Po Makgo Asęani 3:21

Te Jisas aga deli kaneme bage augwaligo te po odama, tama augwaligo aga sagasainogo asai. Magi baso meni, te olo we bidi dabego “Aga te wabo palio” po wabo augwaligo odali.

Dwagi Yai Gesi Po Makgo Asęani 3:31

Te po wabo silama, tama te sogo te Jisasgo ida me ama dede dabe dali augwali sabolali. Augwali te be bulu badu dodolalu, tama augwaligo po agaba ola tolali. Augwaligo homugo te aga augwaliba asomainu homu yai.

Dwagi Yai Gesi Po Lukgo Asęani 8:19

Jisas aga ida me ama dabe me aga pageba asainu yali goli, tama we bidi dabego sesela selama, te Jisas suabo ąǫ ebeo.

Dwagi Yai Gesi Po Lukgo Asęani 8:20

Mebago Jisasbolo te po wali, “Naga ida me, naga ama dabego me nage sueo olama, bulu badu e dodoladubao,” wali.

Dwagi Yai Gesi Po Jongo Asęani 2:2

Augwaligo Jisas aga bidi dabe dali augwali i wai, Jisas aga bidi dali augwali aselama, te we sabo suagasomainogo, augwaligo te po wai.

Dwagi Yai Gesi Po Jongo Asęani 6:60

Te bidi Jisas agai te bret dagaludu dulali po olama, tama aga wali pabo we bidi hauwa augwaligo te po odolama, augwa hasi tomode te po wai, “Te pogo dabolo sęgę mabo, dago te po magi elama, wali pogowe? Mena bidigo te po odolama, wali pabo usu egowe?” augwaligo te po wali.

Dwagi Yai Gesi Po Jongo Asęani 6:66

Te po silama, tama Jisas aga wali pabo we bidi hauwa augwaligo te po odama, Jisas tagalama, augwa ma geasa pai, tama augwali Jisas dali me bidibeo.

Dwagi Yai Gesi Po Jongo Asęani 7:10

Tialima, Jisas aga ama dede augwali Juda bagego olo bidibo side ebo sę sugi pai. Sugi pelama, tama nosali Jisas aga me holai. Aga teba hania me holobeo. Jisas aga geme pai.

Dwagi Yai Gesi Po Jongo Asęani 7:4

Bidi me deli agai homu te tigidali we bidigo aga sumainogo, te agai ebo sę me geme dualama ebo menio. Te tiwai, nago te sę eyu da, tiali da, nage tigidali we bidi gedude augwaligo nage sumainogo, waselao,” aga ama dedego te po wai.

Dwagi Yai Gesi Po Jongo Asęani 7:5

Magi basowe? Aga ama dede augwaligo agabolo bomo yai homu dąų olama, mubeo, tama tibaso augwaligo te nage te moni Judia tǫba pao po wai.

Godigo Sęba Tagala Palai Bidigo Po 2:14

Te bidi Pita dali, te Jisasgo tagala palai bidi nogo si olama, sągą deli dali, augwali dodulaluali. Tama augwali dodulalu, Pitago te sisinagasai we bidigo wali po wei ponai, te po bomona wai, “Dage Juda hani, dagego odiąo, te Jerusalemde bidibo bidi dabego me, odiąo, te dagego te ede subo sę page koneagameo.

1 Samuel 17:28

Eliap, te Devitgo ama gomunai bidigo, te agai te bidi dabe dali po mibo odai. Tama aga haliga sębę elama, tama Devitbolo te tiwai po wai, “Magi baso nage eba asai dawe? Tama dego nago te dwai sipsip dabe te buside tonalubawe? Eno koneani, nage te hagoma ebo bidi, tama nage te hagoma kolesaga ebo bidi da. Nage te hwįbo naga suainogo asali dao,” wali.