Dwagi Yai Gesi Po Jongo Asęani 5:4 - Godigo dwagi yai po buku

⁴ Me sogo deli sogo Godigo dagalude sę ebo ensel mobo bidi me deli te ąį tomoba dulama, tama te ąį te ensel bidigo memenege ilai. Te ąį memenege silai digi, tama niwai bidi me deli polasa ąįba dulali bidi da, te bidigo gasi polo silai.)

Dwagi Yai Gesi Po Jongo Asęani 5:4 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 5:10

Tama Elisago bidi me deli tagala palama, te bidigo Namanbolo e tiwai po tama walali, “Nage te wę Jordan teba pelama, te nogo a olama, me badu nogo si wagi solama sogo, nage tama sogo wę pauao. Tama teyu, nago gasi silaibao, tama naga tigi wiegi yai tigiwali yaibao,” wali.

Godigo Nogi Ugwaba Sabo Tęąbi Po Wabo Buku Dabe 119:60

Eno tonalugobeo. Eno polo nago bomai po wali paibao.

Bugagia Bidibo Kolesagade Po Asęai Buku 6:4

Nage me pila mudigio, nage asesa elama pao.

Bugagia Bidibo Kolesagade Po Asęai Buku 8:17

Tama mena we bidi dabego ena gegebo sę bomo eyu da, teda augwaligo ena sueibao. Mena we bidigo ena wei yali da, eno me te eno augwali wei mu yaibao.

Kolesaga Koneai Bidigo Pusali Po Elalubo Buku 9:10

Te nago sę me deli ebaso da, teda nago sągą dili tǫde dąų walama dolalu, te sę mu tama yao. Magi baso meni, te nago sę me isiąyu, ma homu kolesagade kone paliyu, ma te wiegi yai homu kolesaga konea sabo sę te isali bidi dabego bulude me egobeo, te nage pabo bulude te tama sę dabe me egobe dao.

Esekiel 47:8

Tama agai enabolo e tama po walali, “Te ąį te giliga asobo badu pelama, tama Jordan ąį odogo malu badu pelama, tama sigi ąį Detsiba dolo pabo dao. Megi da, sigi ąį Detsi tamu hauwa elalubao. Tiali goli, te ąįgo te sigi ąį wiegi yai ma ilaibao.

Hosea 13:13

Te Israel augwali bugagia bidimainu yali, tiali goli augwali te homu kolesaga meni yai umuna pelama, augwa hagela homu yai. Augwali da, te wai bou me deli tiwai dao. Te wai bou te idago haliga tomode elaluama, te idago ame nainogo ebo tiwai yali, tiali goli te wai tega pabo homu ebeo.

Sekaraia 13:1

“Te tiwai sę pedalubo si da, teda eno ulu ąį me deli munama elalueibao. Te Devitgo bulai wąį nǫų dabe me te Jerusalem we bidi dabe augwaligo te tibo god dabeba lotu olama, te sęgę hauwa sali. Tibaso, te ąįgo augwaligo te dwai sę yali sęgę tigidali sela sąwainogo yaibao,” Genuai Bidigo te po wai.

Sekaraia 14:8

Te sogo te wiegi yai ąį te Jerusalemde pedelama te soaibao. Te ąį me badu bugai te sigi ąį Detsiba peyu, te bugai me badu te genuai tamu ąį nogi Mediterenianba paibao. Te soabo ąį te tulubage tulubo sogo me te giliga nanobo sogo soaibao. Te ąį me sula sogobeo wali.

Matyu 11:12

Tama te baptais mani bidi Jon agai aga sę ebo gagalali sogo dąį elama, tama aga sę edubadi megi asama, te Godigo we bidi tonalubo sę te bomonama tama pąba yagasai dao, tama te sesena pai bomai bidi dabe augwali tola sainogo ebo dao.

Matyu 6:33

Tama tibaso, te naide moni homu isiąma, tama dagego hasia bolo te Godigo we bidi tonalubo sę dali, me te wiegi yai doloba pai kolesaga sabo sę bolo wali piduama sao. Dagego te tama kolesaga ebaso da, te nosali agai gasa nai dabe tigidali me dagebolo mawaibao.

Dwagi Yai Gesi Po Lukgo Asęani 13:24

Te Jisasgo te we bidibolo te po wali, “Te be tų dwasianu goli, dage bomo elama, te sunumi tomoba piąo. Magi baso meni. Eno dagebolo obao. We bidi hauwa Godigo we bidi tonalubo madigi tomoba pai hagede, ebadi, tiali goli te augwali usu egobeo.

Dwagi Yai Gesi Po Lukgo Asęani 16:16

Te Jisasgo te po me wali, “Te polobadu bidali bidi Moses agai Godigo bomo yai po bukude asęani. Tama Godigo wali po pusa mani bage augwaligo agai wali po me bukude asęani. Tama bidaluama, te po kibu be hauwa bidabo po mu dao. Tama te pogo dage ola mani. Tiali goli, te bidi nogi Jon ame nenama, genuai elama, tama agai Godigo po pusa mabo gagalali. Agai te we bidibolo gesi po dwagi yai po ola mayu, God agai we bidi tonaluyu, augwali aga bomode bidaibao, wali. Tama Jongo te po pusa mabo gagalama, hauwa we bidi Godigo be tomoba pai hagede bomo elama, tomoba pabo dao.

Dwagi Yai Gesi Po Jongo Asęani 5:3

Te be mabode gasi yai we bidi hauwa bidai, gedu widai bidi dabe dali, sągą dwai bidi dabe dali, tama nogo sągą dili isai bidi me, augwali te be mabode bidai. (Augwaligo te ąį memenege ebo tonaluyu bidai.

Dwagi Yai Gesi Po Jongo Asęani 5:5

Bidi me deli te be mabode bidai. Te bidigo gasi elalubadi, kibu be te 38 kibu be te bidi gasi elalubadi tama yai.

Dwagi Yai Gesi Po Jongo Asęani 5:7

Gasi yai bidigo Jisasbolo po wei ponoyu, te po wai, “Genuai Bidi, ąį memenege ebo side ena ąįba sela muabo bidi menio,” te bidigo Jisas dali te po wai. “Ena digi tama pobadi digi, gasa bidi dabe polo polasa peyu, ena geanobo dao.”

1 Korin 6:11

Tama polobadu dage meba te tiwai sę ebo we bidi dabe bidaluali. Tiali goli dagego te dwai sę ebo tagalama, tama baptais salio. Godigo dage aga da olama sa muai. Dagego te doloba pai nogi salio. Te Genuai Bidi Jisas Krais me te Godigo Tedali Mobo augwali sigo sę eyu, tama dage Godigo gedude doloba pai we bidi hani tama pedalai dao.

1 Jon 1:7

Tiali goli da ulade biliyu da, te aga te ulade bidibo gilama, tama tiali da, da dena hasi abagi dede dali deli homu elama bidaibao. Tama bididuyu, tama Godigo ogwa Jisas agai kanemego dago dwai sę tigidali sela sąnama, tama da dwagi yai ma pedalobo dao.