Dwagi Yai Gesi Po Jongo Asęani 3:8 - Godigo dwagi yai po buku

⁸ Te wali asobo da, te aga homu kolesagago te wali gasaba gasaba pabo dao. Nago te wali asobo po naga odobo dao, tialima nago mena badu pedalama, tama ma mena badu ma paliwe, te po wabo dao. Tigidali bidi gesi noma pedalobo augwaligo te tiwai egibi naga ebo dao,” Jisasgo te po wai.

Dwagi Yai Gesi Po Jongo Asęani 3:8 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 107:25

Genuai Bidigo po weyu, tama agai te genuai boma pai wali te nai hodolama, tama tego te moni dobo dwai biksi hodolubo dao.

Godigo Nogi Ugwaba Sabo Tęąbi Po Wabo Buku Dabe 107:29

Agai te moni wali me biksi silimainu elama, tama te tamu ąį ma hogodalugobeo.

Godigo Nogi Ugwaba Sabo Tęąbi Po Wabo Buku Dabe 135:7

Agai te tulubage tulubo pǫ te tigidali tǫ badu pedalumainu elama, tama be sele te tulubage dali pedalumainu ebo dao, tama te wali hodolama, te tedela palobo dao.

Kolesaga Koneai Bidigo Pusali Po Elalubo Buku 1:6

Wali te not badu hogodama, te saut badu pedaiba solama, te ma begelama, te not badu soabo da. Te tama kolesaga eyu, te wali sesemane sogo bagula bilibo dao.

Esekiel 37:9

Tama nosali Genuai Bidigo enabolo te po wali “Tǫde bidi, nago eno po te walibolo e tama po pusao, ‘Godigo te po wali, wali, nage tigidali badu aselama, tama nago te boi bidigo elai bidi dabe te mobo mao, tama augwali bidibo mobo ma somainu yao.’ Te po wao,” wali.

Dwagi Yai Gesi Po Jongo Asęani 1:13

Tama augwali Godigo wai puluba gagawainogo, augwali augwa ida ayago kanemego ame nabeo. Te augwali Godigo wai te augwa tigigo homugo me ame nabe. Bidigo homugo menio. God aga digi augwali aga wai puluba pedalali dao.

Dwagi Yai Gesi Po Jongo Asęani 3:7

Eno ‘Dage gesi ma pedelao,’ te po wabo pode nage noma sigio.

Dwagi Yai Gesi Po Jongo Asęani 3:9

Nikodemusgo Jisasbolo te po wei ponai, “Te nai mena tama pedalaibawe?” te po wai.

Godigo Sęba Tagala Palai Bidigo Po 2:2

Tama polo augwaligo te u wabo dagaludu odali, te moni bomo yai wali asobo u wabo tiwai. Tama te bede bidali we bidi tigidali augwaligo te u wabo odali.

Godigo Sęba Tagala Palai Bidigo Po 4:31

Te augwaligo Godibolo po olama, silibo si, te sisinagasali bede tǫ mali yai. Godigo Dwagi Yai Mobo augwali kolesagaba asali, tama te sogo gagalama, Godigo po augwaligo pususu pai, wi ebe.

1 Korin 12:11

Eno megi tama nedada pali haniani sę yabo homu kolesaga augwali tigidali te Godigo Mobo Bidi deligo naga te nigibo dao. Te aga homugo digi agai te gasa sę yabo kolesaga te gasa bidi me delibolo dobayu, tama gasa bidi mebolo te gasa sę yabo kolesaga mayu ebo dao.

1 Korin 2:11

Mena bidigo te gasa bidi mego homu konegowe? Menio. Te bidi aga mobogo digi, te aga tomode bidibo, tego naga koneani. Te tiwai naga, te gasa bidi me deligo te Godigo homu kolesaga me konesiąwai. Te Godigo Mobogo digi agai naga konebo dao.

1 Jon 2:29

Dagego te bidi Krais aga dwagi yai doloba pai bidi mu da weyu mu dolo kolesaga ebo bidi da te tiwai konealigo da, teda dagego me tama koneao: dwagi yai doloba pai kolesaga ebo bidi, aga te Godigo wai mu bidibao.