Biblia Todo Logo
Bìoball air-loidhne

- Sanasan -




Dwagi Yai Gesi Po Jongo Asęani 2:9 - Godigo dwagi yai po buku

9 Te tubo nai tonalubo bidigo te ąį agai polo tula suai, megi tama te bomai ąį wain pedalali ąį agai polo tula suai. Tama agai konebeo, augwaligo menade sali. Tialima, te sę bidi augwaligo te ąį tuali augwaligo koneai. Tialima, te nai tonalubo bidigo te we sali bidi agai i wai.

Faic an caibideil Dèan lethbhreac




Dwagi Yai Gesi Po Jongo Asęani 2:9
6 Iomraidhean Croise  

Tama eno koneani kolesagago te monu dabego koneani kolesaga te aiyaba elaluali, magi baso meni, eno nago doloba pai bomo yai po wali mu pobaso, tebo dao.


Tama augwaligo te wain ąį meba te ha ebo dwai marasin dali gelama, Jisasgo tumainu manio. Tama agai tula suali, tiali goli agai tubeo.


Tama Jisasgo te po digi begelai po me deli augwalibolo weyu te po wai, “Te gesi we tamadi sai bidi te aga abagi dabe dali bidibaso da, teda augwali homu te sogo homu sęgę elaluaibawe? Menio. Tiali goli nosali te we sai bidi augwaligo selama, gasaba pabo sogo da, tama aga abagi dabe dali me bidigobeo. Tama te sogo augwali homu sęgę eyu nai osogo gisilaibao,” wali.


Tama Jisasgo augwalibolo te po wai, “Te ąį me badu dwasianu genagide manama, tama sela pelama, te tubo nai tonalubo bidibolo magibao,” te po wai. Tama tilama, augwaligo te ąį sela pai.


Jisas te Galili tǫ tomoba pelama, tama aga te Kana be naniba sabolai. Te bulude polobadu Jisas agai ąį mugo te pusu ebo ąį wain nigai. Tama te be nani me nogi Kaperneam te digibulu gana. Tama Kaperneam bulude genuai gavman bidi bidai, te bidi aga ogwa gasi yai.


Niwai bidigo Godigo homu kolesaga wali pabo bidi agai eno ola mabo po page koneagameo. Eno te we bidibolo ola mabo po menade saliwe? Te Godigo po dawe? Ma eno homugo naga te po obawe? Niwai bidigo Godigo homu kolesaga wali pabo bidi agai eno ola mabo po page koneagameo.


Lean sinn:

Sanasan


Sanasan