Dwagi Yai Gesi Po Jongo Asęani 2:3 - Godigo dwagi yai po buku

³ Tama te bomai ąį wain silai. Tama Jisas aga idago agabolo te po wai, “Augwaligo bomai ąį wain meni, te sia salio,” Jisas dali aga idago te po wai.

Dwagi Yai Gesi Po Jongo Asęani 2:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 104:15

Tama dago bono ni du wain wai bulama, wain ąi tuyu, dago homu dwagi yai emainogo tiwai. Tama dago te ni oliv wel ąį selama, dago gesabidide pilama, tama gesabi ula emainogo yagameo. Tama dago te wit ge bulama, dago tigi dąų omainogo tubo nai bret nigibo dao.

Kolesaga Koneai Bidigo Pusali Po Elalubo Buku 10:19

Naigo te bidi pemene ilibo sę ebao, te wain ąįgo te bidi bugai haliga ilibo dao. Tiali goli, mone da, te wiegi yai nai te tobage sę tigidali ebo dao.

Aisaia 24:11

Tama te we bidi dabego te tuabo wain wę menia salio. Tama augwali te hanu sunumi dabede dolalua peyu, augwaligo te wain gogono bilibao. Te we bidi dabego wiegi yai homu elama, gana pali dabe mu sia sali. Tama homu sese elama, hobede ela pabo sę naga te tigidali tǫde ebao.

Matyu 26:28

Magi baso meni, te eno kaneme dao. Augwaligo ena ela muyu, tama eno kaneme gelebogo te Godigo te we bidi ma dobola sabo gesi po te bomo menama mu dąų walaibao. Eno te kaneme gelebogo te hauwa we bidigo dwai sę ebo te tagaliyu dagala sąwaibao.

Dwagi Yai Gesi Po Jongo Asęani 11:3

Tama tibaso, aga abe sigo Jisas bidibo digi po ola tolai. Augwali sigo te po wai, “Genuai Bidi, nago godolo mu yali bidi aga gasi salio,” te po wai.

Dwagi Yai Gesi Po Jongo Asęani 2:2

Augwaligo Jisas aga bidi dabe dali augwali i wai, Jisas aga bidi dali augwali aselama, te we sabo suagasomainogo, augwaligo te po wai.

Dwagi Yai Gesi Po Jongo Asęani 2:4

Tama Jisasgo aga idabolo te po wai, “Ida, nago enabolo te po magi baso obawe? Eno we bidi augwali tau sabo sogo te pedalobeo,” Jisasgo aga ida dali te po wai.

Filipai 4:6

Dagego haniani naide moni homu egimio. Te menio. Te dageba pedalobo sę tigidalide dagego Godibolo tede po weyu, tama agabolo buba hwi olama, tama te dagego sǫą pabo naide aga hanalu wao.