Dwagi Yai Gesi Po Jongo Asęani 13:1 - Godigo dwagi yai po buku

¹ Te olo bidibo si nogi Pasova pedalisiąbadi, deli sogo naga elalubadi, tama Jisasgo koneai, aga e tǫ tagalama, Aya pageba pabo sogo te pąba yagasai. Tama Jisas agai aga te tǫde bidibo we bidi tigidali sogo godolo mu eyu bidai. Megi agai te godolo mu ebo sę tagalobeo. Agai augwali godolo mu ela pidubadi te aga isibo sogoba usu nai dao.

Dwagi Yai Gesi Po Jongo Asęani 13:1 Iomraidhean Croise

Jeremaia 31:3

Genuai Bidi te digibulu buludu aselama, te ena, Jeremaiaba pedelama, te tama po wali, “Dage Israel, eno dage sesemane sogo godolo elama, te eno wiegi yai kolesaga dageba ebao, te dage ena pageba asomainogo tebo dao.

Matyu 26:45

Nosali aga wali pabo bidi dabe pageba aselama, augwalibolo te po wai, “Dage me pila mudu toma tudubawe? E dao odiąo, te sogo megi pedalalio, te augwaligo Godigo Bidi Mu te dwai sęgę sai bidi dabego nogoba mawainogo ebao.

Matyu 28:20

Tama dagego eno dagebolo te mani po tigidali augwaligo wali pomai hagede ola mao. Odiąo. Ena dage dali tigidali sogo bidaibao, tama te dagalu de tǫ si silibo sogoba usu naibao,” Jisasgo te po wai.

Dwagi Yai Gesi Po Lukgo Asęani 22:53

“Tigidali sogo dage dali ena te Moni Lotu Be tempel tomode bidai dao. Te sogo dagego ena me sai menio. Tialima, megi e sogo dagego Godigo bodolu muani side dao, dagego duga homu wali piąo. Megi Satango bomogo sę ebo side dao,” Jisasgo te po te boi bidi dabe dali wai.

Dwagi Yai Gesi Po Lukgo Asęani 9:51

Te Godigo Jisas dagaluba odasa holabo magabadi yaide, Jisasgo koneama, aga te Jerusalemba pabo homu mu elama, pabo gagalali.

Dwagi Yai Gesi Po Jongo Asęani 11:55

Te Juda bagego bo disąwai nai bret tubo si te pąde dao, te si nogi Pasova. Tama tibaso, we bidi hauwa te haniani bulu bidi hani augwali Jerusalem te buluba hodali, augwa yali dwai sęgę hasia sela sąmainogo yai. Nosali te Pasova nai augwaligo tueibao.

Dwagi Yai Gesi Po Jongo Asęani 12:23

Tama Jisasgo augwali dali po wei ponoyu, te po wai, “Te Godigo Bidi Mu aga moni nogi dali, moni bomo dali, te si sabo sogo mu pedalai dao, megi.

Dwagi Yai Gesi Po Jongo Asęani 13:29

Judas agai augwaligo masigi bubo honoli tonalubo bidi dao. Tama tibaso, mebago te homu yai, Jisasgo Judasbolo olo bidibo side tubo nai abelabo po agabolo wabo, te homu yai. Mebago te nai meni yai bidi dabe maiabo nai po wabo, te homu yai.

Dwagi Yai Gesi Po Jongo Asęani 13:3

Tama Jisasgo koneai, ‘God agai tigidali bomo enabolo mawai dao. God agai ena tǫba tagala palai, te ena God aga pageba ma paibao,’ te me aga koneai.

Dwagi Yai Gesi Po Jongo Asęani 13:34

Eno dagebolo gesi bomo yai po mobao, dagego duga hasi dali dwagi yai homu eyu, augwali godolo mu yao. Eno dage dali dwagi yai homu eyu, godolo mu yali gilama, tilama duga hasi dali me dwagi yai homu eyu, augwali godolo mu yao.

Dwagi Yai Gesi Po Jongo Asęani 14:28

Dagego eno mani po odai dao, eno dage taga peyu, ena pelama, tama ena dage bidibo digi ma asaibao. Dagego ena godolo mu egi sogo da, teda ena Aya pageba ma pabode dagego dwagi yai homu egi da. Magi basowe? Aya God aga genuai bidi mu dao, tama ena aga dali usu menio.

Dwagi Yai Gesi Po Jongo Asęani 14:31

Tialima, eno homugo tǫde we bidi augwaligo eno ena Aya godolo mu ebo, augwaligo sulama, konemainogo, tama eno Ayago wabo po gilama, eno te sę ebo dao. Tialima, dage hodaluama, da pebelainao,” Jisasgo aga wali pabo bidi dabe dali te po wai.

Dwagi Yai Gesi Po Jongo Asęani 16:28

Polobadu ena Aya dali bidai, tama eno aga taga soyu, ena e tǫba dulai. Tama megi ma eno e tǫ taga peyu, Aya God bidibo digi painogo ebao,” Jisasgo te po aga bidi dabe dali wai.

Dwagi Yai Gesi Po Jongo Asęani 17:1

Te bidi Jisasgo te po aga bidi dabebolo olama, tama agai dagaluba tonaluyu, te po wai, “Aya, te bodolu muani sogo pedalalio. Tama eno nagebolo te genuai nogi momainogo, tama nago enabolo te genuai nogi mao,” Jisasgo aga Aya God dali te po wai.

Dwagi Yai Gesi Po Jongo Asęani 17:16

Ena da e tǫde bidi menio. Te tiwai augwali me e tǫde bidi menio.

Dwagi Yai Gesi Po Jongo Asęani 17:26

Tama nago nogi eno augwalibolo haninai dao. Tama tiyu, te sę nosali me eno mu ela paibao. Magi basowe? Te nago ena godolo mu ebo homu tiwai augwa hasi te godolo mu ebo homu emainogo eno nago nogi augwalibolo haninai dao. Tama ena me augwali dali bidimainogo, eno nago nogi augwalibolo hanilaibao,” Jisasgo te po Godigo aga bidi dabe tau somainogo wai.

Dwagi Yai Gesi Po Jongo Asęani 17:5

Polobadu, te tǫ pedalisiąbadi digi, tama ena nage dali bidai dao. Tama ena nage dali bidiyu, bomo yai ula elaluai dao. Aya, ena nage dali bidiyu, tama nago megi enabolo te bomo yai ula digi ma mao,” Jisasgo te po God dali wai.

Dwagi Yai Gesi Po Jongo Asęani 18:4

Tama Jisasgo agade pedalabo sę tigidali koneyu, tama aga te ni sili gi buluba pelama, tama augwali tiąba pai. Tama agai augwali dali te po wai, “Dagego de gegagasai dawe?”

Dwagi Yai Gesi Po Jongo Asęani 19:28

Te silama, Jisas agai koneai, eno sę tigidali megi tama siliyu te ebao, te homu yai. Tialima, Godigo polobadu asęani po me usu numainogo, agai te po wai, “Ena ąį nogonego sobao,” te po wai.

Dwagi Yai Gesi Po Jongo Asęani 2:13

Te Juda bage augwaligo bo disąwai bret tuabo side te pąde tama o, te si nogi Pasova dao. Tama Jisas aga te Jerusalem moni be naniba pai.

Dwagi Yai Gesi Po Jongo Asęani 6:4

Tama bo disąwai nai bret tuabo sogo te pąde tama dao, te sogo nogi Pasova, te Juda bagego olo bidibo side wai.

Dwagi Yai Gesi Po Jongo Asęani 7:30

Tama tibaso, te Juda bage tobolu bidi dabe augwaligo Jisas aga kalabus ilainogo yai. Tiali digi, agai sogo meba elalubuo, aga bodolu mani sogo asobeo, tama tialima bidi me deligo aga nogo me tubeo. Menio.

Dwagi Yai Gesi Po Jongo Asęani 7:6

Jisasgo augwalibolo te po wai, “Eno side te polo pedalobeo. Tialima, tigidali sogo te dagego side dao,” wai.

Dwagi Yai Gesi Po Jongo Asęani 8:20

Jisas agai te po te masigi ge mubo be habude bidiyu, te po wai. Agai te we bidi te Moni Lotu Be tempel tomode ola mayu, te po wai, te masigi ge mubo be habude. Tama tialima, bidi me deligo aga kalabus me ebeo. Magi basowe? Te Jisas agai bodolu mani si te me elalubuo.

Polgo Po Pas Rom Dabeba Asęani 8:37

Tiali goli, te augwaligo da dali te tobage dwai sę yali goli, Godigo da dali dwagi yai homu eyu godolo mu ebaso, tama agai da tau selama, tama dago te tobage sę tigidali aiyaba mu elaluaibao.

1 Korin 1:8

Tama agai te dagego agade konealubo po dąų weyu agaba homugo tialubo kolesaga, te agai bomo ilama, tama te tigidali nai silabo sogo usu nigi paibao. Agai tama tiyu, tama dago Genuai Bidi Jisas Krais aga ma asobo sogo te sogo dage sęgę meni yai we bidi pedalaibao.

Hibru 3:14

Magi baso meni. Polobadu dago Godide konealubo po dąų wali, teda te konealubo po megi me dago bugagia dąų weyu, teda da isiboba usu nigi paibao. Dago tama tiyu da, teda da te Krais dali wadolama, tama sę deli naga aga dali hodobo eyu tama bidaibao.

Hibru 3:6

Tiali goli Krais aga da te Godigo Ogwa, tama agai da te Godigo hani augwali tonaluyu tama te tobolu bidi bidibo sę elaluyu, tama agai me te sęde Godide homu kęą pai bidi bidibao. Tama tibaso, agai nogigo te Mosesgo nogi aiyaba elalubo dao. Tama sesemane sogo dago konealubo po dąų weyu tama wi isąyu tama dago wiegi yai homu pemene elama tama Genuai Bidi naga tonaluyu da, teda da me te Godigo hani mu bidaibao, te da agai be tiwai elaluaibao.

Hibru 6:11

Tama bomonama eno homugo dage tigidali deli deligo te tiwai sę bomo naga eyu, tama dwagi yai homu ebadi duga konealubo po dąų weyu, tama Godigo duga ma sabo te tonaluao. Dagego te tiwai sę ela pidu, te duga e tǫde bidibo sogo te silibode te usu nigi pao.

1 Pita 1:13

Te God agai dage dali te sę yaligo da, te bidi me sę yai hagede aga ugwa sugwa sabo tiwai, dagego duga homu bugagia dodola selama dąų wao. Tama dage deli deli duga digi bugagia tonaluao, te homu kęnai we bidi bidao. Tama te Jisas Krais aga asobo hanilabo sogo agai dagebolo te wiegi yai olo tau sabo sę mawaibao. Dagego tede duga homu bugagia dąų olama, dwagi yai homu eyu tonaluao.

1 Jon 4:19

Te dago God dali, dena hasi abagi dali te dwagi yai homu eyu godolo ebo kolesaga page e dao: hasia bolo God agai da dali te godolo ebo kolesaga yali.

Kraisgo Geme Dualali Sę Pedelabo Po Jonbolo Ola Mani 1:5

Tama Jisas Krais me, agai dagebolo te kolesaga si dagebolo momainao, te eno homugo. Aga te Godide homu kęą pai bidi bidiyu, tama agai Godigo po tigidali dolo mu pusali bidi dao. Aga da te isama, tama isali we bidi dabe tomode bidama, tama aga te hasia mu gų pagede ma hodaloali bidi dao. Aga da, te tigidali tǫde bidibo tuni bidigo polalubo genuai bidi dao. Agai da dali dwagi yai homu eyu godolo mu ebo dao, tama aga isaligo dago dwai sę yali sęgę tigidali sela sąwai dao, tama da megi olo bidibo dao.