Dwagi Yai Gesi Po Jongo Asęani 1:21 - Godigo dwagi yai po buku

²¹ Tama augwaligo Jonbolo hanalu wai, “Magi yaliwe? Nage te bidi polobadu Godigo po wali bidi nogi Elaija dawe?” Tama Jongo te po wai, “Ena te bidi Elaija menio.” Tama augwaligo te po wai, “Dago te Godigo po wabo bidi asobo tonalubo dao. Nage te bidi dawe?” Tama Jongo te po wei ponoyu, te po wai, “Ena te bidi menio.”

Dwagi Yai Gesi Po Jongo Asęani 1:21 Iomraidhean Croise

Malakai 4:5

“Te dwai siago te dwai sę ebo bage dolabo bodolu side te eno side te genuai si ebaso, te we bidi tigidali te wi dwai mu yaibao. Tiali goli, hasia bolo te eno profet Elaija te dageba tagala palama, tama nosali te si pedelaibao,” wai dao.

Matyu 11:14

Tama dagego odai wida, teda te po odao: te polobadu bidali profet bidi dabe augwaligo te genuai profet bidi Elaija ma asaibao po wai dao. Tama Jon da, Jon aga te bidi Elaija dao po wali.

Matyu 16:14

Tama augwaligo te po wai, “Mebago te po wabo dao, te nage te baptais mani bidi Jon da po wabo dao. Tama mebago nage ma te polobadu bidali profet bidi Elaija da wabo dao. Tama mebago te po weyu, nage te Jeremaia da po weyu, ma gasa te Godigo po polobadu pusali profet bidi da te po wabo dao.”

Matyu 21:11

Tama aga dali asali we bidi augwaligo te po wai, “Aga te Jisas dao, te Godigo po pusubo profet bidi, te Nasaret hanudu te Galili tǫdu asai dao,” augwaligo te po wai.

Dwagi Yai Gesi Po Lukgo Asęani 1:17

Agai te Godigo po polobadu pusa mawai bidi Elaijago yali sę me, bomo me tigidali selama, Genuai Bidi nosali asaibao obaso, te Jon aga polasa paibao. Agai te aya dabego homu hasegelama, wai bǫų hobede emai yaibao. Me agai te po sela sąbo bidi dabego homu hasegelama, augwali doloba pai bidigo homu somai yaibao. Agai bidi hauwa sisi elama elaludu, Genuai Bidi asabo tonalu mai yaibao. Tama tibaso, te we bidi augwaligo te Jonde bugai homu mu yaibao,” te ensel bidigo te po wali.

Dwagi Yai Gesi Po Jongo Asęani 1:22

Tama augwaligo Jonbolo te po wai, “Nage de dawe? Dago te da tagala palai bidi dabebolo po wei ponainogo, dabolo wao. Naga digi nage de da wabo dawe?”

Dwagi Yai Gesi Po Jongo Asęani 6:14

Te we bidi augwaligo Jisasgo te bomo yai sę ebo sulama, tama augwaligo te po wai, “Mu tamao, te aga e tǫba asaiba wali bidi te aga dao, te Godigo po ola mabo bidi dao,” te we bidi augwa hasi te po wai.

Dwagi Yai Gesi Po Jongo Asęani 7:40

Meba we bidi augwaligo Jisasgo wali po odolama, te po wai, “Mu tama, te bidi Jisas da te polasa asobo bidi, te Krais aga asobo sogo te pąde tama dao.”