Dwagi Yai Gesi Po Jongo Asęani 1:16 - Godigo dwagi yai po buku

¹⁶ Aga te olo tau sabo sę hauwa mu ebo dao. Tama dabolo agai ma eyu, ma eyu idu gebo dao.

Dwagi Yai Gesi Po Jongo Asęani 1:16 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 84:7

Te bidi dabe bilama, te bomo yai pedelaibao. Te augwali pelama, te Saionba sabolama, tama te God bidibo sueibao. Aga te tigidali tibo godide te ugwadu elalubo God dao.

Sekaraia 4:7

Tialima, genuai nai dabe te bulu du tiwaigo nago sunumi palia sobaso da, teda eno tigidali sela sąwaibao. Tama nago eno be ma sę yaibao. Tama nago namba wan masigi aga pesagede mubo si da, teda te we bidigo hai bomona weyu e tama po waibao, ‘Te da, wiegi yai be mu dao,’ augwaligo te po waibao,” wali.

Matyu 13:12

Magi baso menio. Bidi me deligo nai meba elalubaso da, teda Godigo agabolo te nai umabo mayu, tama aga nai hauwa elaluaibao. Tama bidi me deligo te dwasianu nai naga elalubaso da, teda Godigo te dwasianu nai dagala sąwaibao.

Matyu 3:11

“Te eno dage olo ąįgo baptais mabo te dage homu begelai elalubo te dąį tiwai dao. Tiali goli ena tudi badu nosali asobo bidi, te agai bomogo eno bomo aiyaba elaluaibao. Ena da, te wiegi yai bidi meni, tama tiyu eno agai sągą nadoba tolabo te usu egobeo. Agai dage te Godigo Tedali Mobo Bidi me te sia dali si dagebolo mawaibao, te baptais mabo sę tiwai.

Matyu 3:14

Tiali goli Jongo aga te paliainogo yali, tama te po wali, “Te ena nago baptais mabo te usu egi dao. Tiali goli nage enaba asalio,” te po wai.

Dwagi Yai Gesi Po Lukgo Asęani 21:15

Ena digi ena koneai bidigo po dage pedauwaliba muaibao. Te baso, dagego boi bidi dabego te po sela sąnama aiyaba elalugobeo.

Dwagi Yai Gesi Po Jongo Asęani 3:34

Te bidi Godigo tagala palali bidi, te bidi agai Godigo po pusubo dao. Magi basowe? Godigo agai Dwagi Yai Mobo Bidi agabolo habuge me mabeo, sese mu mawai. Tama mobaso, te bidigo Godigo po pusubo dao.

Polgo Po Pas Rom Dabeba Asęani 5:17

Te bidi deligo te po sela sąwanigo, tama te bidi deligo yali dwai sęgo te isabo kolesaga te tuni bidi tiwai bidibo ilali, tama tigidali bidi aiyaba elaluai. Te mu po dao. Tiali goli Godigo olo tau mani wiegi yai kolesaga badi te olo tau siyu mabo naigo me, agai da doloba pai we bidi nogi polali, tego te isibo kolesaga aiyaba elaluama tama genuai mu ilalio. Tama dago mu koneani, tigidali bidigo te doloba pai bidi ilibo olo mabo sę siyu da, teda augwali bidibo ula dali bidiyu, te Jisas Kraisgo sęde tama aga dali tuni bidi dabe bidaibao.

Polgo Po Pas Rom Dabeba Asęani 5:2

Aga me agaduba deligo da megi te bidibo te wiegi yai olo tau mabo kolesaga tomoba pomainogo tų dalalio. Dago agade konealubo po dąų weyu, tama agai te tų tama dalama, tama Godigo dabolo aga genuai nogi tiwai genuai nogi me maiabo sogo asobo dago tonalubao. Tama te asobo sogo tonalubadi dago wiegi yai homu pemene ebo dao.

Polgo Po Pas Rom Dabeba Asęani 5:20

Te we bidi tigidali augwaligo augwa ebo dwai sę te Godigo gedude genuai mu dao konemainogo eyu, tama Godigo te bomai po dabe Mosesbolo ola mawai. Tama mayu, tama augwaligo te bomai po me bolodu mu geanio. Te bidi dabe augwaligo dwai sę umabo mu iduali, tiali goli Godigo te olo tau sabo wiegi yai kolesaga te augwalibolo me mu idu gebo dao.

Polgo Po Pas Rom Dabeba Asęani 8:9

Tiali goli dage da, dage te dwai sę ilibo homu kolesagade me bidibeo. Menio. Te Godigo Mobo Bidi dagede bidibaso, dage te Mobo Bidigo kolesagade bidibo dao. Tiali goli, te bidi me delide te Kraisgo Mobo Bidi meni baso da, te bidi aga te Kraisgo bidi menio.

Efesus 1:23

Tama aga te tobolu bidi bidiyu tama Godigo po wali pabo we bidi hani aga tigi tiwai bidiyu, tama te hani te Krais agai te sę yao obaso, te po wali pabo dao. Te tigidali bulude elalubo habuge yai nai tigidali te Krais aga da te nai tigidali simanobo page bidi dao. Tama te Kraisgo po wali pabo we bidi hani augwaligo Krais te tigi sese ilibo dao.

Efesus 3:19

Awe, Kraisgo te dage we bidi godolo mu ebo kolesaga tigidali te bidigo kuna bugagia kone palasiąbo kolesaga digi, te eno homugo dagego te kolesaga bugagia mu koneao. Tama dagego tama tiyu da, teda dagego ebo kolesaga tigidali te God agai ebo wiegi yai kolesaga naga tiwai pedalobao. Tama eno dagede te homu ebaso, tama eno God dali dage tau sabo po wabo dao.

Kolosi 1:19

Magi baso meni. God aga digi homugo agai homu kolesaga sese te aga ogwago elaluyu, tama ogwa aga tiwai mu bidaibao.

Kolosi 2:3

Aga da te Godigo wiegi yai homu kolesaga dali konebo homu dali si dabolo waselai bidi dao. Te homu kolesaga dali konebo homu dali si polobadu dualalubadi bidai dao, te bidigo umabo wiegi yai doado bage geme dualali tiwai elaluali.

1 Pita 1:11

Tama Kraisgo Mobo Bidi agai augwaligo homu tomode hanilama, te po widu geai, “Te Godigo sa muani nosali asaibao wali bidi Krais agai dene selama, tama nosali agai te genuai bomo yai ula me saibao,” te po wai. Tama augwaligo te pode homu konea peyu, te po hanalu wai, “Te sę nisu pedalaibawe, mena side pedalaibawe?” te po wai.

1 Pita 1:2

Dago Aya God agai dage polobadu mu konebaso, agai dage hagea sai dao. Tama agai Mobo Bidigo dage doloba pai mu iliyu, tama dage wiegi yai kolesaga naga eyu bididuyu tama dage Jisas Kraisgo po odoyu, agai aga kanemego dagego yali dwai sę sela sąmainogo, God agai dage koneyu polobadu hagea sai dao. Tama eno homugo God agai olo tau sabo kolesaga dage dali genuai mu elama, tama dage bugagia mu bidao.