Jeremaia 9:23 - Godigo dwagi yai po buku

²³ Genuai Bidigo te tama po wali, “Te po page koneai bidigo aga koneani kolesaga wiegi yai homu pemene igio. Tama bomai bidigo aga bomode homu pemene igio. Te mone bidigo aga monede wiegi yai homu pemene egio. Menio.

Jeremaia 9:23 Iomraidhean Croise

Jopgo Po Asęani Elalubo Buku 32:13

Tiali goli, dagego e tama wagio. Te dwagi yai homu da, God aga digi Jopgo po wei ponomainu olama sula tagalao. Bidigo da, usu egobeo. Te tama wagio.

Jopgo Po Asęani Elalubo Buku 41:15

Te hasa aga abolo boma pai elalubo dao. Tama te abolo dąų dąų mu olama, aga tigi dąų walama mu elalubo dao.

Godigo Nogi Ugwaba Sabo Tęąbi Po Wabo Buku Dabe 33:5

Genuai Bidigo te wiegi yai kolesaga tigidali me, tama te doloba pai kolesaga tigidali te wei homu ebo dao. Sesemane sogo Genuai Bidigo te tǫde we bidi tigidali wei eyu, godolo ebo dao.

Godigo Nogi Ugwaba Sabo Tęąbi Po Wabo Buku Dabe 34:3

Dago te Godigo genuai nogide po pusubao. Dago agai nogi ugwaba sao.

Godigo Nogi Ugwaba Sabo Tęąbi Po Wabo Buku Dabe 44:9

Tiali goli, megi da, magi yaliwe? Nago da tudiba munama, tama nago dago nogi aiyaba muani. Tama nage te dago ami bidi dabe dali te hwįboba me pabeo.

Godigo Nogi Ugwaba Sabo Tęąbi Po Wabo Buku Dabe 62:10

Tama tibaso, dagego te tama homu igimio, “Te hwįbo kolesaga me, te nai dabe wi sabo kolesaga me, te wiegi yai kolesaga da weyu, tama da te mone bidi pedalubaso, te usu yaiba,” homu me igio. Ma, te dagego mone me doado bage te hauwa pedalubaso da, teda dagego te nai dabeba naga duga homu mugio. Te usu egobeo.

Bugagia Bidibo Kolesagade Po Asęai Buku 11:4

Te nago masigi hauwa elalubadi digi te tagalao, tego te Genuai Bidigo nageba te dwai sę yali wei ponainu ebo sogo te nage tau me sogobeo. Tiali goli, nago te doloba pai kolesaga wali pali da, tego te nage tau selama, tama nage polo me isigobeo.

Bugagia Bidibo Kolesagade Po Asęai Buku 21:30

Te nago wiegi yai homu elalubo, me te wiegi yai kolesaga koneani me, te nago mena sę ebo kolesaga wiegi yai koneani elalubo, te tagalao, tego nage dwasianu tau sainu ebo usu me egobeo, te nago Genuai Bidiba boi bidi ebaso da, te tama tiaibao.

Bugagia Bidibo Kolesagade Po Asęai Buku 3:5

Nago konealubo po Genuai Bidiba bomonama dąų wao. Nago te homu eyu, te naga digi koneani kolesagago te naga tau sabo usu yaibao homu munu me elamu dao.

Kolesaga Koneai Bidigo Pusali Po Elalubo Buku 2:19

Tama ena te bidali pesage hasegelibo bidi da, eno konebeo, aga te homu kolesaga mu ula tega pai bidi mu, ma te wabo pabo homu kolesaga elalubo bidi tiwai yaliwe? Konebeo. Tialima, agai eno te wiegi yai konea pali homu kolesagade sę dene elama pedelali nai tigidali tonalueibao. Te tama kolesaga me aga page meni yai elalubao.

Kolesaga Koneai Bidigo Pusali Po Elalubo Buku 9:11

Tama eno nai me deli ma te tǫde sualio. Te bomonama mu udabo bidi dabego te sainu uda yali nai me sogobeo. Te boma pai ami bidigo te boi bidi dali hwįnama, ugaba boi bidi hani me aiyaba elalugobeo. Te wiegi yai homu kolesaga me, ma te genuai kolesaga sai bidi dabe, augwaligo te mone hauwa me sogobeo. Te haniani sę ebo kolesaga usasai bidi dabe, augwaligo te genuai sę me sogobeo. Te magi magi sę dabe te da tigidaliba pedalubo dao.

Aisaia 10:8

Agai dwai homu tali eyu, te po wali, ‘Eno bulu hauwa me elaluama, tama augwaligo genuai hanu dabe eno polo sai dao,’ po wali. ‘Tama me, te tuni bidi dabe eno augwali aiyaba elaluali, te bidi dabe augwali eno ami bidi tomode ofisa bidi bidimainu, eno augwali te sę mani. Te eno te hanu dabe aiyaba elaluali hanu dabe te Karkemis, me hanu Kalno, me Arpat, me Hamat, me Damaskus, me Samaria, tama dao.

Aisaia 20:5

Te Filistia we bidi dabego te Sudan dabego augwali hwįbode tau siyu, me te augwaligo genuai nogi ugwaba sabo Isip dabe, te augwaligo te sę sulama, tama augwali noma selama, tama augwali homu dwai yaibao.

Aisaia 47:10

“Nago tama homu yali, te naga dwai kolesaga dabego te nage dąų walama, bidaiba homu yai. Tama nago homugo te nago ebo sę te bidi dabego sube da homu yai. Te nago koneani tobage hauwa kolesagago, te nago homu kone tuą palama, te nagaba digi nago te tiwai po wali, ‘Enaduba deligo naga tigidali bomo elaluba,’ homu yali, ‘te ena tiwai gasa me elalubeo,’ wali.

Aisaia 5:21

Dage dolaibao. Te dage bidi duga homugo dagego kolesagago gasa bidi dabego kolesaga aiyaba elaluali dao homu ebo bidi dabe, dage.

Jeremaia 31:34

Te ena Genuai Bidi, eno po dolo obao, te sogo te bidi dabego te augwa abagi dabe, me augwa ama dede, te po ola mabo po weyu, te tiwai po weyu, ‘Dagego Genuai Bidi koneiąo,’ po me wagobeo. Menio. Te nogi meni yai bidi, me nogi elalubo dabe, tigidaligo ena koneaibao. Magi baso meni, te eno augwa sęgę tagalama, te eno augwaligo yali dwai sę homu kone munu me egobeo,” wali.

Jeremaia 48:14

Dage Moapgo, magi baso dagego te po weyu, dage te bomai ami dabe te dagego hwįbo mu koneai da wabo dawe?” Genuai Bidigo te po wai.

Jeremaia 48:7

“Moap, nago te yali sę dabede me, mone dabe me, homu kone palobo sę bomo elalu, te nago homugo te nai dabego nage tau selama, te nage bugagia bidaiba homu ebao. Tialima, nago te homu ebo te wiegi yai menio. Tibaso da, te boi bidi dabego te boi hwįbaso, te nage aiyaba elalueibao. Tama nago tibo god Kemos te augwaligo selama, te gasa bulu kantriba kalabus igibu sela paibao, te aga pris bidi dabe me, te Moap tobolu bidi dabe dali sela paibao.

Jeremaia 49:4

“Amon, nago koneai, te nago odogo malu bulu te mu polalubao, te nago sesemane sogo nago te bulude wiegi yai nai hauwa pedalubo po minama, te pemene ebao. Nage hagoma ebo we, magi baso nago te tiwai po wabo dawe? Nago te naga mone me doado bagede homu kone palama te po wali, ‘Dego ena dali hwįagasaibawe?’ wali.

Esekiel 29:9

Tama te kantri Isip dolama, tama te kantri te olo tǫ bulu mu elaluaibao. Tialima, dagego bugagia mu e tama koneaibao, ena deli naga ena Genuai Bidi dao homu yaibao,’ te po agabolo wao,” wali. “‘King, nago te po wai dao, naga digi te wę Nail nigilai dao po wai dao. Tama nago te po wali, te naga ąį dao, wali.

Esekiel 7:19

Tama augwa te gol me silva dabe te olo nai pobele bage tiwai te sunumiba sąsąwaibao, magi baso meni, te Genuai Bidigo haliga sębę augwaliba pedalubo sogo te gol me silvago augwali tau sogobe homu yaibao. Augwaligo te gol me silva tuabo usu egobeo, tama me te gol me silvago te magi sę me delide augwali tau me sogobe homu yai. Augwaligo te gol me silva gedugo suali godolo ebaso, te kolesagade augwali kekebaso, te augwaligo dwai sę yali dao.

Daniel 3:15

Tialima, dagego te musik odobo sogo, dagego kidu sugunama, tama te piksaba lotu waiyąo. Tama dagego te tiwai isąbaso da, megi naga tama eno te bidi dabeba walama, tama augwaligo dage te genuai sia daboba sąmainogo yaibao. Tama dagego homugo te dage tau sabo god me deli elaluba homu eba, agawe?” kingo te po wai.

Daniel 4:37

Megi da, ena Nebukatnesar, eno wiegi yai homu pemene te dagalude kingba eyu, tama eno aga nogi ugwaba siyu, tama agaba genuai nogi mawai. Tigidali sę agai ebo te wiegi yai pedelama, tama doloba pai naga yali, tama agai te bidi dabego augwa nogi augwa digi ugwaba sainu ebo bidi dabe te aiyaba elalubo dao,” king Nebukatnesargo te po wali.

Maika 6:8

Genuai Bidigo dabolo te wiegi yai kolesaga yabo po walio. Tama agai homugo dago te tiwai kolesaga naga emainu yai. Dago te doloba pai kolesaga wali pao, te gasa bidi dabe homu dene eyu, tau sao, te dena homu kolesaga digi tegaluama, te dena God dali deli haliga elama bidiyu, tama aga wali pabo usu dao.

Sefanaia 1:18

Tama te bubugade Genuai Bidigo sębę hania haninama, mu suaibao. Tama augwaligo silva me gol dabego augwali tau me sogobeo. Mu menio. Genuai Bidigo sębę te dwai isi tiwai pedelama, tama tigidali tǫ dela silaibao. Tama deli sogo tama agai tǫde we bidi sese tama mu silaibao.

Dwagi Yai Gesi Po Makgo Asęani 10:24

Tama aga wali pabo bidi dabe te pode midigi siyu noma sai. Tiali goli Jisasgo po wei augwalibolo ma ponoyu, te po wai, “Te eno ogomani dabe, te God bidibo madi tomoba painu ebo bidi, aga te sinabo sę dene yaibao.

Polgo Po Pas Rom Dabeba Asęani 1:22

Augwaligo hagoma eyu te po wai, “Dago kolesaga koneani,” tiali goli augwali esela pai bidi dabe mu pedalai dao.

1 Korin 1:31

Tama tibaso, te dago te Godigo po bukude elalubo po me deli tiwai inao. Tede e tiwai po wai dao, “Bidi me deligo te nogi ugwaba sabo po wabo homu eyu da, teda agai dago Genuai Bidigo nogi naga ugwaba sao,” te po asęani.

Bomai Po 8:17

Tama tialima, dage homugo te wiegi yai nai dabe dena nogogo te nigilali dao, te homu me elamuo. Menio.

Filipai 3:10

Tama bomo elama, eno deli homu naga ebo dao: ena Krais dali wadoloyu, tama eno aga kuna koneaio. Aga isąma ma hodaluama tama bomo elalubao. Eno homugo eno te bomo mu koneaio. Eno aga dali abagi mu olama, tama aga dene sali tiwai eno dene sobaso te usu dao, eno te dene saio. Tama tiyu, aga isali tiwai ena isaio.

Filipai 3:8

Tiali goli te da Juda dabego ebo kolesagade naga eno homu te augwali te ena tau sisąbo nai dao. Tede naga menio. Te ena Godigo gedude doloba pai bidi pedalomainogo eyu, polobadu eno haniani gasa kolesaga hauwa me eyu bididuai dao. Te kolesaga tigidalide me megi eno e homu ebo dao, te augwali ena tau sisąbo kolesaga dao, te olo nai mu dao, te homu eno megi ebo dao. Magi baso meni. Te wiegi yai kolesaga me deli naga eno megi subo dao. Te kolesaga e dao: ena te eno Genuai Bidi Krais Jisas dali mu wadolama, tama ena aga dali abagi mu kisasa bilibao, te kolesaga da te genuai wiegi yai kolesaga mu dao, tebogo te gasa kolesaga tigidali aiyaba elalubo dao. Tama aga tobade eno te gasa ena tau sabo kolesaga tigidali tagalai dao. Eno Krais tama somainu eyu, tama te gasa kolesaga tigidali te dwai olo pobele bage naga dao, eno te homu ebo dao.

2 Timoti 6:10

Magi baso meni, te mone godolo homu ebo kolesaga te tigidali haniani dwai kolesaga page mu elalubao. Te bidi meba augwaligo te bomo elama te mone godolo ebaso, tama te kolesagago augwali kegelama tama augwaligo te Kraisde konealubo po tagalai digi, tama augwa yali dwai sę hauwago te augwali homude enani tama genuai dene mu tolali.

1 Samuel 17:42

tama agai Devit suali, te gesi bidi mu, tama aga gesabidi te wiegi yai mu yai, tama agai hwįabo usu meni yai. Tama tiyu, agai homugo Devit te olo nai naga homu yali.