Jeremaia 8:20 - Godigo dwagi yai po buku

²⁰ Te we bidi dabego te tiwai i wali, “Wiegi yai sogo te siminama, te augwaligo gide tau yali nai tigidali salio. Tiali goli, Godigo da ma sisąbadi dao.” Te po wali.

Jeremaia 8:20 Iomraidhean Croise

Bugagia Bidibo Kolesagade Po Asęai Buku 10:5

Te bomai bidigo da, te nai inilama tau ebo sogo te sisinaibao. Tiali goli, te bidi pila muyu, tama te sogo sę me isiąwani da, teda aga hani sibi we wai bidi te genuai hale saibao.

Jeremaia 8:19

Hobede dao, te eno hani dabe tigidali tǫ kantride bidalu, te augwa gela weyu, te tama i obao, “Te Genuai Bidi te taun Saionde king munu ma bidigobe homu yaiba, agawe? Magi baso agai da tau sabewe?” Tialima, Genuai Bidigo po wei ponoyu, te tiwai po wali, “Magi baso eno we bidi dagego te gasa tǫ kantri dabego tibo dwai godigo piksa nigilama, te augwaliba lotu waliwe? Duga te tama tebo kolesagago te ena dwai haliga sębę ilali.”

Jeremaia 8:21

Ena Jeremaia, eno suali, ena hani dabe dolali, tibaso eno homu dwalio. Eno haliga sęgę dwai mu elama, te eno gela umagia mu wai dao.

Dwagi Yai Gesi Po Lukgo Asęani 13:25

Tama te be page bidi hodaluama, te be sunumi palia sai madigi, tama dage te be mesalode bulu badu dolalueibao. Tama dolalubadi, dagego te be sunumiba bego bego wabo gagalama eyu, te po waibao, ‘Genuai Bidi, tų dayao, da tomoba asaio.’ Tiali goli, agai dagebolo te po wei ponaibao, ‘Dage menadu asaiwe, eno konebeo. Dage eno konebeo.’

Dwagi Yai Gesi Po Lukgo Asęani 19:44

Augwaligo dage Jerusalem dabe ela silaibao, te be dabe tigidali augwaligo mu hųgiaibao. Be nigali masigi me deli ugwadu me munalugobeo, tigidali pepedelama, aba sąwaibao, meba me tedali, tedali, besala paibao. Magi baso te sę yaibawe? Woo, te Godigo dage suagasu tau sabo sogo asali side te dagego konebeo,” Jisasgo te po wai.