Jeremaia 8:11 - Godigo dwagi yai po buku

¹¹ Eno we bidi dabe genuai keni dabe elaluali, tiali goli, te pris dabe me profet dabego te keni dabe sulama, te olo nai subo tiwai yalio, tama augwaligo bugagia sisibeo. Augwaligo te tiwai po te we bidi dabeba weyu yali, ‘Dage homu kone tuą pigio. Da bugagia bidibao.’ Tiali goli, menio. Augwali bugagia me bidibeo.

Jeremaia 8:11 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 22:13

Te ofisa bidi, Ahapgo te Mikaia sigi pomainu tagala palali bidi, agai te Mikaia odasa asali. Augwali si te kingba sabalisiąbadi, ofisago Mikaiaba te tama po wai, “Tigidali profetgo po weyu, kingo hwįbaso, te boi bidi aiyaba elalueibao wali. Tama tialima, nago me nago wiegi yai kolesaga eyu, wiegi yai po naga te kingba mao,” te po wai.

Te Israel me Juda Hani Sigo Tuni Bidigo Po Elalubo Buku Deli 22:6

Tialima, Ahapgo te profet bidi dabe asomainu i wali. Te bidi sese nogo si sągą si, te 400 profet bidi dabe sabalubaso, te Ahapgo augwaliba te tiwai po hanalu wali, “Eno te Ramot taun ma sainu boi hwįgi pobaso usu yaibawe, ma meniwe?” Te augwaligo te tiwai po wei ponani, “Te usu da, nage pagameo. Genuai Bidigo nage tau sobaso, te nago augwali aiyaba elalueibao,” wali.

Jeremaia 14:13

Tialima, eno po wei ponoyu, te tiwai po wali, “Nago po te dolo obao. Tialima, God, Genuai Bidio, te profet dabego gasagi yai po te we bidi dabeba pusudu gebao. Augwaligo nago po e tiwai pusali, ‘Te boi bidi dabego dage me ela mugobeo. Te dage nai me menia sogobeo. Menio. Mu tama, ena Genuai Bidi, eno dage te tǫde sesemane sogo bugagia bidimainogo ebo dao,’ te profet dabego te po pusali,” eno te po wai.

Jeremaia 23:17

Te we bidi augwaligo eno po sela sąbaso, te profet dabego augwaliba te tiwai po waibao, ‘Te dage bugagia bidaibao.’ Te hagoma elama, augwa homu wali pabo we bidiba, te profet dabego augwaliba te tiwai po waibao, ‘Te dwai nai dageba me pedalogobeo.’”

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”

Jeremaia 8:15

Te da bugagia bidaibao homu dago yali, tiali goli, te da bugagia me bidibeo. Te da bugagia usu ma elama bidabo sogo pedelaiba homu yali, tiali goli, te boi bidi dabe aselama, da wi dwai mu ilai dao.

Te We Bidi Dabego Jerusalem Hagede Gela Wali 2:14

Te nago profet sibigo te nade subo nai tiwai suali po olama, tama augwaligo nage dali ili po naga walio. Tama augwaligo nage ili po ola mayu, augwaligo nago yali dwai sę hanilai menio. Te nage tau selama, te dwai sę tagalama, tama nage bugagia bidimainu tau me sabeo. Menio. Augwaligo Godigo po pusubode ili po walio. Tama augwaligo pogo nage kegasa bilama, mu tagalalio.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Maika 2:11

“Te profet me deli aselama, te tiwai tibo po wagasiyu, ‘Eno te profetgo wabo po tiwai weyu, te dagego wain hauwa elalu, te bomai wę me elalueibao,’ po obaso da, te we bidi dabego te tiwai profet godolo yaibao,” Genuai Bidigo te po wai.

1 Tesalonaika 5:3

Tama te Godigo po wali pisiąwai we bidi augwaligo te po waibao, “Megi te da bugagia bidabo sogo dao, te da dolabo nai pąba asogobeo,” te po waibao. Tiali goli, augwaligo te tobage po obadi, sisi isiąwai, te sogo digi tama augwali dolabo nai polo augwaliba pedalaibao, augwali noma mu saibao. Te wede ebo sę tiwai, we mego wai ame nainogo tigide ebo dene tiwai ebo si pedelaibao, tama te we te dene wi pabo tų menio, wi sana pogobeo. Tama te tiwai te Genuai Bidi asobo sogode te Godigo po wali pisiąwai bage augwali wi pabo tų menio.