Jeremaia 8:1 - Godigo dwagi yai po buku

¹ “Te ena Genuai Bidi, eno po te tiwai ma obao. Te tama side te boi bidi dabe te isali bidi dabe pubulali gų pageba pelama, te Juda dabe king dabe me tobolu bidi dabe, te augwaligo dili dabe hodaibao, te pris dabego dili, me profet dabego dili, me te tigidali Jerusalem we bidigo dili te hodaibao.

Jeremaia 8:1 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 13:2

Tama te Genuai Bidigo homugo te alta po elalubaso, tama te profet bidibolo te e tama po pusa mao po agabolo ola mani, “Alta sai, ena Genuai Bidi God da, eno nage dali po elalubao. Ogwa me deli, agai nogi e dao, Josaia, te ogwa aga te Devitgo hanidu pedelaibao,” wali. “Tama aga king bidi nigilama, bidibo sogo da, tama agai naga ugwadu te ofa nai ulubo pris bidi dabe selama, tama agai augwaligo augwa tigi te nage baude ugwadu daiba munama, tama augwali elama, isilaibao. Tama agai te isali bidi dabe dili selama, tama te ugwadu nage baude uluyu, tama nage tigidali meda mu ilaibao,” te po wali.

Te Israel me Juda Hani Sigo Tuni Bidigo Po Elalubo Buku Si 23:16

Tama te king Josaia aga dolalu bidama, tama aga begegi soabo sogo, agai te gų page me deli te dwasianu bulu dude elalubo suali. Tama tialima, te agai te aga sę ebo bidi dabebolo te po wali, “Tama dage pelama, te isali bidi dabe dili hodigi pao,” wali. Tama te king Josaiago te isali bidi dili dabe selama, te king Jeroboamgo nigali alta saiba munama, tama siaba ulali, tama te kolesaga yaligo da, te alta sai te tigidali bidi dabe gedude meda mu ilali. Tama tiali kolesagago te Genuai Bidigo te profet bidi me deli pedauwalidu wali pogo te kolesagaba usu nigi pali.

Te Israel me Juda Hani Sigo Tuni Bidigo Po Elalubo Buku Si 23:20

Tama agai te augwaligo te lotu po wali pesagede te pris bidi dabe tigidali agai oda sali, tama agai augwali te augwa te nigali alta sai dabede te pris bidi dabe augwali ugwa badu munama, tama ela muna muna pali. Tama me te agai isali bidi dabe dili me selama, tama te augwa te nigali altaba munama, tama te sia ulali. Tama agai tama tibo sę silali, tama aga te Jerusalem taun buluba ma begasa pali.

Te Israel me Juda Hani Sigo Tuni Bidigo Po Elalubo Buku Si 9:37

Tama te agai tigi pebeda pai mu, te yowi di gagawai mu te tǫde munalua pabo sueibao, tama tiwai munalua pabo te bidi dabego sueibao, te augwaligo te Jesebel tigi te yaba wabo augwaligo munu me konebe,’ Genuai Bidigo te po polobadu wai dao,” Jehugo te po wai.

Godigo Nogi Ugwaba Sabo Tęąbi Po Wabo Buku Dabe 53:5

Tiali goli, te augwali wi umabo mu yaibao. Polobadu augwa te tiwai wi me ebeo. Mu menio. Magi baso meni, te Godigo dagego boi bidi tigidali silimainu yaibao. Agai augwali ela munama, tama agai augwaligo dili dabe są są paibao.

Jeremaia 14:16

Tama te profet dabego po odali we bidi dabe, augwali me te hwįbogo me nasigo dolaibao. Tama boi bidi dabego te we bidi me wai puluba selama, te Jerusalem sunumiba sąsą paibao. Tama augwali tigi pubulabo bidi meni yaibao. Te Jerusalem dwai sę mu ebo we bidi dabe, tiyu te eno augwali mu dolaibao,” wai dao.

Esekiel 37:1

Genuai Bidigo bomo enaba aselama, tama Genuai Bidigo Mobo Bidigo ena oda selama, tama ena odasa pelama, odogo malu bulu mede bidi dili dabe kisu delalubo madi odasa pali.

Esekiel 6:4

Te boi bidi dabe augwaligo te kibu dabe ofa ebo alta tigidali, me te wiegi yai denami ilibo ofa ebo alta me tigidali dolaibao. Tama augwaligo te Israel we bidi hauwa ela munama, te augwali tigi dabe te augwa te tibo god dabego piksa noma elalubo pąba sąsąwaibao. Tama te augwali dili dabe augwa te alta tǫde pąde wilalua paibao,” te po wai dao.

Amos 2:1

Genuai Bidigo wabo po e dao, “Hauwa sogo te Moap kantri we bidi augwaligo dwai sęgę sabo sę idu geai. Augwaligo te tama sęgę sabo sę me edu gęyu, tama augwaligo dwasianu toma me nabeo. Augwaligo te Idom kingba dwai sę iduama, te aga ela muanio. Tama nosali aga nogi mu dolainogo eyu, augwaligo aga dili dabe te gų pagede ma guda selama, te isiba ulama, te buai dali tubo keli kambang tiwai pedelali. Tialima, mu tama, eno te Moap dabe augwaliba te dwai dene mabo sęgę mawaibao.