Jeremaia 7:23 - Godigo dwagi yai po buku

²³ Eno augwaliba te tiwai po me wali, ‘Dagego eno po wali asobaso da, te ena dagego God bidiyu, te dage eno hani we bidi bidaibao. Te eno dagebolo te wali pao po wabo kolesaga tigidali, te dagego wali piąo, tama te dage bugagia bidaibao.’

Jeremaia 7:23 Iomraidhean Croise

Jopgo Po Asęani Elalubo Buku 36:11

Tama augwaligo agai po wali pelama, aga dologode bidibaso da, teda tigidali sogo augwali bugagia naga bididuaibao.

Godigo Nogi Ugwaba Sabo Tęąbi Po Wabo Buku Dabe 119:3

Mu tama, te bidi dabe augwaligo dwai kolesaga wali pabo menio. Augwaligo Genuai Bidigo bilibo kolesaga tiwai wali bilibo dao.

Godigo Nogi Ugwaba Sabo Tęąbi Po Wabo Buku Dabe 40:6

Nago te augwaligo elama ofa ebo kibu dabe te wei ebeo. Te tobage augwaligo te siaba tigidali ulama domainu te sęgę sela sąbo ofa, te me nago wei me isiąwai. Tiali goli, nago eno homu hodolobaso, tama eno nago po wali pabo dao.

Godigo Nogi Ugwaba Sabo Tęąbi Po Wabo Buku Dabe 81:13

Eno wei mu ebaso, tama eno hani bage augwaligo te eno po odomainu homu yali. Tama eno homugo te Israel dabego te eno homu sesemane wali pomainu homu ebao.

Ma Dobola Sali 15:26

Tama Godigo augwalibolo te po wai, “Dagego eno po bugagia odao, te dagego God Genuai Bidi, tama te sę dabe ena digi te dwagi yai sę da homu ebo, tama dagego eno bomo yai po tigidali wali piąo. Dagego tama tibaso da, teda eno dagebolo te haniani dwai gasi te Isip we bidi augwalibolo yali te tiwai dagebolo me magobeo. Ena digi ena te Genuai Bidi dao. Tama eno naga te dagego gasi dabe usu ma ilibo dao,” wali.

Ma Dobola Sali 16:32

Tama Mosesgo augwalibolo te po wai, “Genuai Bidigo te po wai, dago te tǫgo nigai dwasianu sene selama, te nai mana tede munama, te dago wąį te wai dabe augwalide muao. Nosali augwaligo te Genuai Bidigo da te nai meni yai bulude mani nai sumainu, te agai da Isip tagalama odasa asai dao,” wali.

Aisaia 3:10

Te dwagi yai doloba pai kolesaga ebo we bidibolo te dwagi yai homu yao po walao. Magi baso meni, augwali dwagi yai pe saibao, augwa yali dwagi yai sęde.

Jeremaia 11:4

Te dąų wabo bomai po te eno duga wąį nǫų dabe te Isipdu odasa asali sogo mawai dao. Augwaligo te Isip taga soali sogo, te sia posolo tiwai mu yali bulu, te eno augwaliba te tama po wali, “Dagego eno po tigidali wali pobaso da, teda dage eno we bidi hani bidiyu, te ena dagego God bidaibao.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Jeremaia 13:11

Hasia ena Genuai Bidi, eno te Israel hani me Juda hani enaba bomonama kęą pagasai elalu, te name ugwa bidigo tigide kukulu tiwai dąų olama bealubo tiwai yali. Eno tama tiali, te augwali eno we bidi hani bidiyu, te augwa eno nogi ugwaba siyu, te ena wiegi yai pemene eyu, te enaba genuai nogi momainogo yali. Tiali goli, augwaligo eno po odobo hagela homu yai dao,” wali.

Jeremaia 22:21

Te nage bugagia bidibo sogo, te nago doado bage hauwa elalubo sogo, eno po nagebolo mobadi, tialima, nago te tama po wai, ‘Eno nago po odobo hagela ebao,’ wali. Sesemane sogo nago eno po sela sąwani. Nago kolesaga te tiwai, te nage gesi ogwa bidide dąį elasa, te megi e sogoba usu nagasali dao.

Jeremaia 22:3

Genuai Bidigo e tama po walio. Dagego te wiegi yai doloba pai kolesaga naga iyąo. Te bidi me deligo gasa bidigo nai wi selama, agabolo sęgę mawai yai baso da, teda dagego aga tau selama, agai te sęgę silimainao. Dagego te tiana wai dabeba dwai sę igimio, te wilawe we dabeba dwai sę igio, te dage dali bidibo gasa tǫ kantri we bidiba me te dwai sę igio. Tama dagego te bulu we bidi dabe odolali me ela munamu dao.

Jeremaia 24:7

Te eno augwaliba homu kolesaga mobaso, augwa te tiwai koneaibao, ena digi ena Genuai Bidi bidibao. Te augwali enaba ma asiyu, te enaba homu kęą peyu bidaibao. Te augwali eno hani we bidi mu pedalaibao, te ena augwa God bidaibao,” wali.

Jeremaia 31:33

Tialima, eno te Israel we bidi dali dąų wainu ebo bomo yai po e tiwai elalubao. Te eno bomo yai po augwaligo homude munama, te augwaligo haligade te bomo yai po asębo tiwai yaibao. Te ena augwaligo God bidiyu, te augwali eno we bidi hani dabe bidalueibao.

Jeremaia 32:23

Da hani dabego te tǫ selama, tede bidali. Tialima, te nago augwaliba mani tigidali po, me bomo yai po, te augwaligo wali me pabeo. Menio. Augwaligo nago po sela sąyu, te nago bomo yai po bolalio. Tama tibaso, nago te dene mabo sę dabe da haniba yai dao.”

Jeremaia 38:20

Tialima, Jeremaiago te po wai, “Augwaligo nage te Juda dabego nogoba me mugobeo. Menio. Nago te Genuai Bidigo nageba mayu, eno pedauwalide wabo po tigidali wali pali da, teda nage bugagia bidiyu, te augwaligo nage me ela mugobe dao.

Jeremaia 42:6

Genuai Bidigo te wei ponobo pogo da pemene ebaso, ma meni ebaso me tagalao, te dago hanalu wali pode te agai nagebolo mani po tigidali dago wali paibao. Dago Genuai Bidi dena Godigo po wali paibao, tama tiyu, da bugagia bidaibao,” te we bidigo te po wai.

Sefanaia 3:2

Augwaligo bidi dabego po odisąwai, awe, augwaligo Genuai Bidigo po me odai menio. Tama augwaligo Genuai Bidigo augwali dodolomainu homu ebo hagela yai dao. Tama augwaligo agaba homu dąų olama, tama augwaligo Genuai Bidigo augwali tau somainu me hanalu wai menio.

Sekaraia 6:15

Te digibulu bidali bidi dabe augwali aselama, augwali tau selama, Genuai Bidigo be sę ebo tau sagasaibao. Tama augwaligo sęna silibo si da, teda dagego e tama koneaibao, Tigidali Bomo Elalubo Genuai Bidigo ena taga palama, ena dage dali bidiba, te homu koneaibao. Tialima, dagego God Genuai Bidigo po sese tama bugagia wali peyu da, teda te nai dabe sese tama mu pedelaibao.

Sekaraia 7:7

Polobadu Genuai Bidigo te deli tiwai po naga te profet sibigo pedauwalidu pusai dao, te we bidi dabebolo. Agai te po te Jerusalem wiegi yai elaluyu, wiegi yai nai dabe hauwa elalubadi agai te po mawai dao. Tama te sogo te we bidi hauwa te Jerusalem pągąna peyu, me te Jerusalem bogo badu elaluali taun dabede, me te saut badu taun dabede me we bidi pągąyu, me giliga dega sabo badu te dwasianu bulu du dabede me te we bidi hauwa pągąyu yai dao.

Polgo Po Pas Rom Dabeba Asęani 16:26

tiali goli megi Godigo te po hania hanilai dao. Godigo po pusali bidi profet dabego te geme dualali po polobadu asęani. Tama megi te sesemane sogo bidibo Godigo agai te augwalibolo te po pusao po olama, tama agai po sela pabo bidi dabe augwaligo te tigidali tǫde bidibo we bidibolo pusugi peyu, tama augwalibolo hania ola mabo sę megi ebo dao, te tigidali we bidi agaba konealubo po dąų olama tama agai kolesaga wali pomainogo ebao.

2 Korin 10:5

Dago augwaligo da dali konila po wabo page pedeyu, tama augwaligo wabo po aiyaba mu elalubo dao. Tama tigidali kolesaga ugwadu mu dolaluyu tama te God koneainogo homu ebo bidi dabego tų palialubo, te me dago hųgibo dao. Tama da tigidali bidigo homu kolesaga dago kalabus ilama, te Kraisgo homu kolesaga wali pomainogo ebo dao.

Bomai Po 11:27

Ma, dagego God dago Genuai Bidigo bomai po wali peyu da, te eno dagebolo megi e mabo te po wali peyu da,

Bomai Po 13:4

Dage Genuai Bidi dologode naga elaluyu, aga wali naga piąo. Tama dagego agai po odama, tama agai bomai po tigidali wali piąo, tama aga deliba naga lotu weyu, tama aga dąų olama tola sao.

Bomai Po 13:5

Tiali goli, dagego te profet bidi o te na yali po page pusubo bidi ela muiąo. Ma, augwaligo dagebolo Godigo po sela sąyao obaso da. Dagego God aga dage Isip bulu olo sę ebo kalabus bidi tiwai bidibadi odasa sali, te konea. Te tama bidi hani dabego dage te Genuai Bidigo dagebolo te wali pao wali te sunumi taga pelama, digibulu pomainogo kegebo bage dao. Tama dagego te tama bidi dabe elama, isilao. Tama tiyu da, dagego te dwai kolesaga silaibao,” Mosesgo te po wali.

Bomai Po 30:2

Tialima, dage me duga wąį dabe dage homu begelama, tama Genuai Bidi wali mu peyu, tama dagego homu sese dąų olama, tama eno agai bomai po dage megi mabo te bomai po mu wali painogo ebaso da,

Bomai Po 30:20

Dagego Genuai Bidi dago God godolo mu elama, tama agai po wali pelama, tama agaba mu homu tigidali sogo kęą peyu yao. Tama tilama da, dage me duga wai puluba dabe me, dage bobobage sogo mu te Genuai Bidigo dago wąį dabebolo mawaibao wali te tǫde dage bugagia mu bidaibao, te Abraham, me Aisak, me Jekopbolo mawaibao olama, po dąų walali tǫde bugagia bidaibao,” Mosesgo te po wali.

Bomai Po 30:8

Tiali goli, dagego agai po wali ma pelama, tama agai bomai po tigidali wali me paibao, te eno dagebolo megi mabo te po.

Bomai Po 4:10

te dagego te God Genuai Bidi pąde dolaluyu suali, te po pusao, te Sainai bulu dude. Te sogo Godigo enabolo te po wali, ‘Te tigidali we bidi i olama sisinao. Eno homugo augwaligo eno wabo po odomainao. Tama tiyu, augwali e tǫde bidiyu, ena dologode naga elalumainao. Tama augwaligo augwa wai dabeba me nosali ola menama, tama augwali me ena dologode elalumainao,’ Godigo enabolo te po wali.”

Bomai Po 4:40

Dagego agai bomai po tigidali wali piąo, te eno dagebolo mani te po. Tama tiyu da, dage me, duga wai dabe me, dage bugagia bidaibao. Tama dage te God, dago Genuai Bidi, te mabo te tǫde dage bugagia bobobage sogo mu bidaibao. Tama te tǫ tigidali sogo duga tǫ elaluaibao,” Mosesgo te Israel dabebolo te po wai.

Bomai Po 5:16

“‘Dage duga ida aya dologode elaluyu, tama augwaligo po wali piąo, te ena God, dagego Genuai Bidi, eno dagebolo wabo yali gilama. Tialima, dagego te tama sę eyu da, teda dagede tigidali sę wiegi yai mu pedelaibao. Tama dage eno megi te mabo te tǫde dage bobobage sogo mu bidaibao,’ wali.”

Bomai Po 5:29

Eno homugo augwaligo te tobage kolesaga tigidali sogo emainu homu ebao, tama augwali tigidali sogo ena dologode elaluyu, tama eno bomai po tigidali sogo wali pomainao. Te tama eyu da, augwaligo sę dabe, me augwa wąį nosali asobo bagego sę dabe bugagia pedalaibao.

Bomai Po 5:33

Te tigidali bomai po bugagia wali peyu da, dagego ebo sę dabe tigidali wiegi yai pedalaibao. Tama dage bobobage sogo mu te megi dagego sainogo ebo te tǫde bidaibao,” Mosesgo te po wali.

Bomai Po 6:3

Israel dabe, dagego bugagia odiąo, tama te bomai po bugagia wali piąo. Tama tiyu da, dagego tigidali sę dabe ebo wiegi yai mu pedalaibao, tama dage te bomai we bidi deli me pedalama, tama dage te wiegi yai tǫ ili elalubo te tǫde wiegila bidiagameo. God, dago wąį dabego Genuai Bidigo, te tama po dąų walalio,” Mosesgo te po pusai.

Hibru 5:9

Te tama tialigo aga te usu mu ilama, tama aga te we bidi ma dobola sabo bidi pedalama, tama agai po wali pabo we bidi tigidali ma siyu, augwali bugagia bidada peyu, bidada pabo bidi dao.

1 Samuel 15:22

Tiali goli, Samuelgo agabolo te po wali, “Genuai Bidigo dago mena kolesaga ebo godolo ebo dawe? Agai te tobage ofa ebo dabe naga godolo ebo dawe? Ma, te dago agai po wali pomainu homu ebo dawe? Odao. Te agai po wali pabo kolesaga te polasa yaibao. Tama te wiegi yai kibu dabe ofa ebo sę, te nosali badu naga yaibao. Te dago agai po odobo kolesaga te wiegi yai dao, tiali goli te omai sipsip ili siago deyu, tama ofa ilibo, te nosali badu naga yaibao.