Jeremaia 6:7 - Godigo dwagi yai po buku

⁷ Dwai kolesaga sesemane te Jerusalemde pedalubao, te ulu wę sesemane sogo pedalubo tiwai ebo dao. Tama augwaligo te taunde doado bage dolama, te gasa we bidi dabe eliyu ebao, te eno suali, te bage hobedagia te keni eyu gasi me elalubo dao.

Jeremaia 6:7 Iomraidhean Croise

Bugagia Bidibo Kolesagade Po Asęai Buku 4:23

Te nage bidabo wiegi yai ula dodolabo wiegi yai homu kolesaga, te naga homude pedelaibao, te wę te idu wę gomo pedalubo tiwai ebo dao. Tama tiyu, tigidali sogo nago te naga homude ebo te bugagia mu tonaluao.

Aisaia 1:6

Te kenigo agai toboludu gagalama, sągąba usu nigi pali, tama agai tigiwali olo me elalubeo. Te haniani kenigo agai tigide pągąnama, tama agai tigi deda pali. Augwaligo agai tigi penama agai keni sįsibeo. Te augwaligo madasin me pilibeo.

Aisaia 57:20

Tiali goli, te dwai kolesaga ebo we bidi dabego, augwa te dwai kolesaga ebo me tagalogobeo. Augwali te tamu ąį sesemane sogo dinigo te haniani pobele bage me dwai nai sela asu, te nambis dolagasobo tiwai ebo dao.” Genuai Bidigo te po wai.

Jeremaia 20:8

Tigidali sogo eno nago po pusubaso, nago enabolo te genuai po dagą weyu, te tiwai i omainogo yaibao, “Hwįbo pedelaibao. Dage dolaibao.” Te bidi dabego te po odolama, te augwaligo ena hale ilibo dwai po sesemane sogo udubo dao.

Jeremaia 30:12

Genuai Bidigo te tiwai po wali, “Israel, te augwaligo nage dwagilama mu elama, te nago genuai keni pedela sabeo.

Jeremaia 30:13

Te nage tau somainogo enaba gedu haluasa po wabo bidi meni yai. Te nage tigi usu ma ilabo marasin te menia sai dao.

Jeremaia 30:15

Nago te keni halubaso, te gela hauwa wabo tagalao. Te keni me pedela sogobeo. Nago dwai sę hauwa yali, tama nago sęgę genuai elalubao. Tama tiyu eno te kolesaga nageba ebo dao.

Jeremaia 32:31

Te augwaligo Jerusalem nigali sogo gagalasa, megi e sogoba usu nagasu, te Jerusalem augwaligo ena dwai haliga sębę ilalio. Tama eno te taun dolabo homu elama, te eno munu me sugobe dao.

Jeremaia 8:22

Te tǫ Gileatde te wiegi yai marasin me munalusiąyu eba, agawe? Te augwa dokta me menisiąyu, ebawe? Magi baso te eno we bidi hobedagia te usu ma pedalugobewe?

Esekiel 21:29

“Dage Amon dabego te nade subo nai tiwai sulama, tama dagego te tama po pusali, dagego digi te bainat hwą nogo tolama, te eno po sela sąyu dwai kolesaga ebo bidi dabe elaiba wali. Tialima, te yali na tigidali, me te profet po wali, te tibo po naga po walio. Te mu da, te bidi dabego yali dwai sę wei ponabo sogo te pedelalio, tialima te sę dagego me egobe dao,” wali.

Esekiel 24:7

“Augwaligo te augwa dwai kolesagade homu kone me tųą pabeo. Menio. Augwaligo hanilama, bulu ulade yali. Te augwaligo te bidi dabe elama, te kaneme te masigi elalubo pesage daide gealu tiwai yali. Augwaligo kaneme te tǫba gealumainu me ebeo, te tǫgo geme dualumaina wabeo.

Esekiel 45:9

“Ena God Genuai Bidi eno te tama po wali. Dage Israel dabego tobolu bidi dabego dwai kolesaga tagaliąo. Dagego we bidi dabe dali bomonama dwai sę elama, tama dagego augwali aiyaba elaluai dao. Tama tialima, dagego te dwai kolesaga dabe tagalama, tama dagego doloba pai kolesaga naga dolo iyąo. Tama dagego eno we bidi augwa tǫde sela sąbo kolesaga tagalao. Ena God Genuai Bidi, eno te tama po wali dao,” wali.

Esekiel 7:11

Tama augwaligo te dwai kolesaga genuai mu pedelai. Tialima, eno te augwali tigidali ela silaibao, te dwai kolesaga yali bage tigidali dolaibao. Te eno augwaligo nogi aiyaba elaluama, tama augwaligo gana pai nai dabe dolama, tama augwaligo te dwai kolesaga dabe ma egobeo,” wali.

Esekiel 7:23

“Te Israel we bidi augwaligo subigila sę yali. Te augwa tǫ kantri tigidali pedai badu augwaligo te gasa we bidi dabeba dwai sę eyu, te hauwa we bidi ela muani. Tama tialima, te augwali kęnabo sen dabe nigibo sogo da po wai dao.

Sefanaia 3:1

Jerusalem, hobede ya, nage dolaibao, nago kolesaga Genuai Bidigo gedude dwai damua pai mu yalio. Nagede bidibo we bidi dabe augwaligo agai po sela sąbo dao. Tama augwaligo augwa hasi deli hani dali dwai sę ebo dao.