Jeremaia 6:26 - Godigo dwagi yai po buku

²⁶ Tialima, Genuai Bidigo te po wai, “Dage eno we bidi dabe, dagego te homu dene ebo ugwa dabe gudulama, te sia kelide pila mudu bebegeliduao. Dagego genuai gela weyu, hobede ebo tęąbi wao, te aya ida wai deli naga elaluali, augwa te wai isibo sogo homu dene ebo tiwai yao. Magi baso meni, te polo mu tama te boi bidi dabe dageba pedeliyu, te dage dolaibao,” wali.

Jeremaia 6:26 Iomraidhean Croise

Tigidali Nai Gagalama Nigali Side 21:16

Tama aga digibulu gana duagi pelama, homu kone palali, ‘Eno te wai isibo subo te ena hagelabo,’ te homu yai. Aga tede dulaludubadi, tama ogwa gela walio.

Jopgo Po Asęani Elalubo Buku 15:21

Augwaligo haniani kulukulu odobo si, augwali wi mu ebo dao. Augwaligo homugo dwai naigo augwali dolainu asobao wabo dao. Tama augwaligo homugo augwali bugagia bidibao homu ebode da, teda bidi dabe aselama, augwali dolama, augwaligo nai dabe wi sagasobo dao.

Jopgo Po Asęani Elalubo Buku 2:8

Tama tibaso, Jop aga moni hanude dwai dwai nai sąbo madi pali, tama aga te isi nogani sisi dulude dulaluali. Tama agai te tǫgo nigali sene me toga pai, te dage me deli selama, tama agai aga te dene ebo keni naga hadu bidali.

Aisaia 22:12

Tama te sogo God, Tigidali Bomo Elalubo Bidigo homugo dage homu dene elama, gela omaina homu ebao. Tama dage duga tobolu nisi gudama, tama hobede ebo ugwa gudumainu homu ebao.

Aisaia 22:4

Tama tibaso, eno dagebolo te walobao. Dagego eno haliga nagame elama bidimainu igimio. Dagego enaduba deli naga bidimainu tagalao. Magi baso meni. Eno we bidi mu dolai baso, ena homu sęgę elama, ena gela weyu ebao.

Aisaia 3:24

Tama te sogo te Jerusalem we dabego polobadu auwali tiai me egobeo. Te augwaligo sanda wel meniama, tama augwaligo tigi kugumini dwai mu yaibao. Te augwaligo sawi yai ugwa me, ugwa name me augwaligo kukulu gudabo ugwa name menia saibao. Tama tibaso, augwali dwai ugwa dabe gudama, tama dwai bonogo augwaligo ugwa dąų walaibao, te bono te kukulu gudubo ąǫ yaibao. Te augwaligo augwa tobolu au me iligobeo. Magi baso meni. Te boi bidi dabego augwaligo tobolu nisi sese poala sąnama, tama augwaligo tobolu wane yaibao. Tama me augwaligo sawi gesabidide da, te boi bidi dabego kalabus bagego magi augwaligo gesabidide togaibao.

Aisaia 30:13

Tama tibaso, dagego dwai kolesaga polo yalio. Tama te dwai kolesagago dage mu tama dolaibao. Te da te dwasianu dedage te obo ugwadu tobolude elaluamo, te genuai elasa pabo tiwai dao. Tama deli sogo tama, te obo togwa pelama, degasa pali.

Aisaia 32:11

Megi da, dage wiegi yai te bidibao, tama dagego homugo dage wiegi yai te bidiba homu ebao. Tiali goli, dage noma selama, wi elama, tama duga wiegi yai ugwa dabe peda sąnama, tama hobedai ugwa dabe gudiagameo.

Jeremaia 12:12

Te tǫ wa pai bulu pesagede te boi bidi hauwa pedaliyu, te augwaligo tigidali nai doado bage dolabo homu yaibao. Magi baso meni, te eno dagego tǫ kantri we bidi tigidaliba dene maiabo homu ebao. Tama te bidi me deli bugagia bidainu ebaso, usu me egobeo.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 14:17

“Tama Jeremaia, eno homugo te nago naga po digi te we bidi dabeba pusao. Nago te tama po wao, ‘Ena Jeremaia, te ena gela umabo mu udubadi gęyu, te eno gedudu gela guwa gealudaibao. Eno te tebo kolesaga te ulade me, hulide me, tagalogobeo, magi baso meni, te boi bidi dabego eno we bidi dabe dwagilama mu eliyu, te we bidi hobedagia mu dolali.

Jeremaia 15:8

Eno te ami bidi hauwa ela muani, tama augwa we dabe te augwa naga olo bidali. Te we dabe namba umabo mu bidai, te nambisde masigi sane aiyaba elaluali. Te giligade digi eno te boi bidi dabe tagala palama, te ami bidi dabego ida dabe ela muagasali. Deli sogo mu tama eno augwaliba te genuai dene menama, te augwali wi dwai mu ilai dao.

Jeremaia 18:22

Te polo tama mu nago te boi hwįbo bidi dabe te hwįagasomainu tagala palama, te augwali dolomainogo ilao, te augwa wi mu genuai eyu, te dwai gela mu omainao. Te eno boi bidi dabego ena pageabi elama, ena dolainogo ebao. Augwali te bidigo hasa tulalumainogo te tǫ dedage nigibo tiwai ebao, te bidigo sųgų sabo wa munama, te hasa tumainogo ebo tiwai ebo dao.

Jeremaia 30:5

“Ena Genuai Bidi, eno te po obao, te we bidi dabe haliga dua tegaluama bidibeo. Menio. Augwali wi umagia mu elama, te augwali dwai gela mu wai dao.

Jeremaia 4:11

Te boi bidi dabe asobo sogo, Genuai Bidigo te Juda me Jerusalem we bidi dabeba te tiwai po mawaibao wali, “Te posolai wali dabe te tǫ wa pai bulu du dabede hogodaibao, tama wali te eno we bidi dabeba asaibao. Tialima, te wali asobo te dwai kolesaga sela sąwainogo naga me asobeo, te waligo te wit pobele bage hogomu sela sąbo tiwai me egobeo. Menio.

Jeremaia 4:20

Augwaligo te tigidali tǫ kantri badu te we bidi dabe mu dolama, te tǫ kantri dwai mu pedelali. Polo mu tama, augwaligo te dago ugwa be dabe dolai dao.

Jeremaia 4:8

Tama tialima, dage te homu dene ebo sogo gudubo ugwa dabe munama, te gela weyu, hobede ebo tęąbi po waiyąo. Magi baso meni, Genuai Bidigo dade haliga sębę umabo eyu, tama agai te haliga sębę ebo me tagalobeo.

Jeremaia 6:14

Eno we bidi dabe te genuai keni elaluali, tiali goli te pris dabe me profetgo te keni sulama, te olo nai tiwai sula tagaliyu, te augwaligo bugagia marasin me mubeo. Augwaligo te tama po te we bidi dabeba weyu, ‘Dagego moni homu me igio. Da bugagia bidibao.’ Tialima, menio. Augwa te bugagia me bidibeo.”

Jeremaia 8:19

Hobede dao, te eno hani dabe tigidali tǫ kantride bidalu, te augwa gela weyu, te tama i obao, “Te Genuai Bidi te taun Saionde king munu ma bidigobe homu yaiba, agawe? Magi baso agai da tau sabewe?” Tialima, Genuai Bidigo po wei ponoyu, te tiwai po wali, “Magi baso eno we bidi dagego te gasa tǫ kantri dabego tibo dwai godigo piksa nigilama, te augwaliba lotu waliwe? Duga te tama tebo kolesagago te ena dwai haliga sębę ilali.”

Jeremaia 8:21

Ena Jeremaia, eno suali, ena hani dabe dolali, tibaso eno homu dwalio. Eno haliga sęgę dwai mu elama, te eno gela umagia mu wai dao.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Te We Bidi Dabego Jerusalem Hagede Gela Wali 1:16

Te tialigo eno gela uga selama, aiyaba dulumainu ilali. Tama ena dali hobede elama, tama ena ma dili ilabo bidi menio. Te boi bidi dabego ena aiyaba polo elaluai madi. Tama tibaso, eno wai puluba augwali dodolama mu bidibao,” Jerusalemgo te po obao.

Te We Bidi Dabego Jerusalem Hagede Gela Wali 1:2

Polobadu da, tigidali kantri dabego aga abagi wai dao, tiali goli megi da, te gasa kantri mego agade hobede me ebeo. Te abagi dabego aga dali ili po olama, tama augwali agai boi bidi pedelali. Tialima, tigidali sogo hulide Jerusalemgo gela dwai mu weyu idubo, mu tama agai gela gųgai nabogedu aiyaba tulalubo dao.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Te We Bidi Dabego Jerusalem Hagede Gela Wali 3:16

Agai ena dali dene mabo sę mu yalio. Te agai eno tobolu tǫba aiya tųbo tiwai elama, eno kele degela tagalobo tiwai yalio.

Te We Bidi Dabego Jerusalem Hagede Gela Wali 3:48

Eno te hobedai we bidi dolama elalubo sulama, tama ena hobede mu elama, tama ena gela waligo gela ųga tǫba tulalubo dao.

Te We Bidi Dabego Jerusalem Hagede Gela Wali 4:10

Te augwa wai godolo homu yai ida dabe augwaligo augwa wai bǫų dabe isibo sogo da, te ida dabego te wai bǫų dabego tigi selama, augwaligo ulama tualio. Te tobage kolesaga te eno hobedai we bidi augwaliba te boi bidigo te boi hwįani sogo te sę pedelai dao.

Te We Bidi Dabego Jerusalem Hagede Gela Wali 4:3

Te uni yowi dabe augwali wiegi yai hasa dabe menio. Tiali goli, augwaligo augwa wai bǫų dabe koneama, tama augwaligo augwa wai bǫų dabe ame mabo dao. Tiali goli, eno we bidi hani augwaligo te uni yowigo ebo tiwai wiegi yai kolesaga ebo menio. Menio. Augwaligo te nai meni yai wa pai bulude bidibo genuai bago ebo kolesaga tiwai ebo dao. Te bago subigila ge sasagano bilama, tagalobo dao. Te tiwai me eno we bidi augwaligo augwa wai bǫų dabe hobede homu me ebo menio. Menio. Augwaligo augwali tudi ola mabo dao.

Te We Bidi Dabego Jerusalem Hagede Gela Wali 4:6

Te Jerusalem dabe, eno we bidi, augwaligo dwai sę yalide sali sęgęgo te Sodom we bidigo sęgę edelalio. Tama tibaso, Genuai Bidigo Jerusalem dabebolo dene genuai mu te mani dao. Tiali goli, Genuai Bidigo te Sodom dabe dolali sogo da, te taun agai deli sogo mu tama te taun dolai dao. Tama te boi bidi dabego megi te Jerusalem dabe dali ebo tiwai te Sodom dabe dali yai menio.

Amos 8:10

Te genuai lotu wabo bodolu side, eno te isai bidide homu dene ebo sę pedalubo tiwai ilaibao. Te dagego wiegi yai pemene ebo balia te eno hasegelama, te augwaligo haliga sęgę elalu wabo balia pedalubo tiwai ilaibao. Te dage haliga sęgę elama, gela waibao, te aya ida aga ogwa deli elaluai, te isaide homu sęgę elalu, gela wabo tiwai yaibao. Te augwa we de bidi si te homu dene ola mabo ugwa gudama, te augwa si tobolu nisi tigidali poala sąwani, te augwali sigo homu dene ebo ola momainu yali. Tama eno dage te tobage kolesaga tiwai naga wali pomainu ilaibao. Te dwai sę ebo sogo, te dageba genuai sęgę mu pedalu, te dwai sę ebo silibo sogoba usu naibao,” wali.

Jona 3:6

Te Ninive tuni bidigo te Jonago pusagasali po odama, tama aga te dualaluali gasagi yai wiegi yai duabo sai tagalali. Agai te wiegi yai au yali ugwa sela sąnama, tama homu dene ebo gudubo ugwa munama, tama aga te sia keli daide bidalio.

Sekaraia 12:10

Te Genuai Bidigo po geninama ma weyu te po wali, “Te eno te Devitgo bulali wąį nǫų hani dabego me te Jerusalem we bidi dabe augwaligo te homu dene eyu tau sabo kolesaga dali, te gedu haluasa po wabo kolesaga me, te si wali pomainu ilaibao. Te eno dwasianu naga egobeo. Tama augwaligo te augwa digi enego enama isali bidiba tononalu, te augwaligo aga gela usu mayu, te bidigo deli digi wai isaide dwai homu dene ebo gela wabo tiwai yaibao. Te augwaligo agade gela dwagila mu weyu, te bidigo aga gomunai ogwa deli isaide gela wabo tiwai yaibao.

Dwagi Yai Gesi Po Lukgo Asęani 7:12

Te be naniba sabaligi pobadi, te isai bidi me deli te pubaligi peyu tolasa soabo sualio. Te isali bidi wilawe wego ogwa deli digi tama pubaligi su sobaso, aga ida me we bidi me hauwa wali asali.

Jems 4:9

Tama duga te dwai sę ebo kolesagade homu sęgę eyu tama gela hauwa waiyąo. Tama dagego megi tama tebo kolesagade dagego dwagi yai homu eyu gisugu wai, tama dagego te dwai sęde gisugu wabo te kolesaga hasegelama, tama duga te dwai sę yalide homu begeleyu gela wao. Tama dage te megi naga wiegi yai homu te dwai sęde ebo bidi dabe, dagego te homu ebo hasegelama, tama duga te yali dwai sęde hale eyu homu dene yao.

Jems 5:1

Megi eno te dage walu hauwa munalubo bidi dabe dali te po obao. Dage dwai homu eyu, te hwa weyu, gela weyu yao. Dagebolo moni dwai sęgę dali, dene dali si tamadi pedalaibao.