Jeremaia 6:23 - Godigo dwagi yai po buku23 Augwali te gasa bidide homu dene eyu, olo tau saibao homu ebo bidi dabe me menio. Augwaligo te gasa bidi dabe dolobo godolo homu ebo bidi dabe elalubao. Augwaligo te enesigi me ene tolalubao. Augwa te hosde dugulasa asaibao, tama te hos dabego sągą bada genuai wabo te nambisde genuai tamu ąį gisigi asobo tiwai yaibao. Augwa te lainde wasilama, te nage, Jerusalemba hwįabo sisi elalueibao. Hobede ya!” wali. Faic an caibideil |
Tigidali Bomo Elalubo Genuai Bidigo po ma weyu, te po wai, “Odao, tigidali tǫ kantri dolaibao. Te sę te tǫ kantri me delide gagalasa, pidubadi genama, te tigidali tǫ kantri mu usu naibao. Te dolobo sę te wali moni bage tiwai, me te tulubage tiwai digibulu bulude hogodama, te tigidali tǫ pedai habu usu nama bilaibao,” wali.
Tama tialima, odao. Ena Genuai Bidi, eno te not badu bidibo Israel hani isąwai bage hani tigidali i waibao. Tama me, te eno ena sę bidi i waibao, te king Nebukatnesar, te Babilon bidi dao. Tama eno te hani dabe odasa aselama, te e Juda dabego tǫ dolama, te tǫ pąde bidalubo gasa we bidi hani dabe me dolaibao. Eno te not badu hani dabego augwali mu dola silimainogo elama, tama augwali sesemane sogo doludaibao. Te gasa hani we bidi dabego subo sogo da, te augwali dwai noma mu siyu, wi umabo mu yaibao.
Tialima, ena Jeremaia, eno te we bidi dabeba te po wali, “Suao. Te boi bidi dabe te pǫ husugu yai tiwai mu yaibao. Te ami bidi dabego karis udada pabo te pobege ebo wali asobo tiwai yaibao, te augwaligo hos dabe te ba kemodage bola asobo tiwai asesa asaibao. Hobede mu dao. Megi da mu tama dolainu ebao waibao.
Genuai Bidigo te bidi dabeba te tiwai po wali, ‘Dagego te gasa tǫ kantri bulu bidi dabeba wayąo, te boi bidi dabe te tǫ kantri Judaba pedelali,’ po wao. Te Jerusalemba tama tiwai po me walao, ‘Te boi bidi dabego bulu digibulu taga solama, te Juda dabego taunba hwįagasainu asali,’ wao. ‘Augwaligo te taun bagua sagaselama, te i hai bomonama weyu, te we bidi dabeba po dągą genuagia mu waibao,’ wali.
Ena Jeremaia dao, eno suali, te ami bidi dabe te hosde ene sesemoni tolalu dulalubo suali, te tigidaligo Judaba hwįagasali. Te we bidigo augwali asobo odolama, te augwa taun tagalama, te wi paibao. Me badu te bulu buside duala siyu, me badu te masigi ola bede duala sali. Te taun tigidali olo elalueibao, tama te taun dabede te bidi menia sai mu elalueibao.
Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.
Te ofisa dabego te tiwai po waibao, ‘Dago te boi hwįbo kolesaga sisi ela sinao. Awe, te hwįbode naga homu kone paluyu, tama tinao. Tegoba, da te giliga tomode mu te belo wabode hogodama, augwaliba hwįgi paibao.’ Te nosali augwa te tama po waibao, ‘Hobede ya, te dago sisi isąbadi te be hulibao,’ po waibao.
Te boi bidi dabe te Dan hanigo tǫ te not badu pedelama, te dago odali, te augwaligo hos dabe te homu hę bomonama mu wabo odali. Te hos dabe ga wabogo te tigidali tǫ pedai mumunu yalio. Te boi bidi dabe asiyu, te taun Jerusalem dolama, tede bidibo we bidi me dolainu yali, te dago tǫde elalubo tigidali nai mu dolama, silainu yai dao.”