Jeremaia 5:25 - Godigo dwagi yai po buku

²⁵ Tialima, dagego te haniani dwai sę ebo kolesaga ebao, tama duga te ebo kolesagago te wiegi yai nai sabo te paliama, te dagego sabe dao,” wali.

Jeremaia 5:25 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 107:17

Meba te augwa yali dwai kolesagade gasi sali. Augwa te dwai sę hauwa ebaso, tama tialigo augwa te sęgę tolai dao.

Godigo Nogi Ugwaba Sabo Tęąbi Po Wabo Buku Dabe 107:34

Te ili elalubo tǫgo te tamu elalubo tǫ pedalumainu elama, tama tede te magi nai deli me pedalisiąwai. Magi baso meni, te badu bidi dabego te dwai kolesaga ebaso, tama Genuai Bidigo te tama tiwai sę ebo dao.

Aisaia 59:2

Te duga sęgęgo naga tama tiyu, te God aga gesabidi seselasa elalu, te dagego gedu haluasa po wabo odobeo. Te duga dwai sęgęgo te duga tomode te duga God dali te obogo dąį elalubo tiwai ebao.

Jeremaia 14:1

Genuai Bidigo te po te Jeremaiabolo tǫde te tulubage meni yani sogo te po mawai dao,

Jeremaia 14:7

Te we bidi dabego gedu haluasa po weyu, te tiwai wali, “Mu tamao, Genuai Bidi, dago nage tudiba muyu, te nago gedude dwai sę hauwa yali. Tama dena te yali dwai sęgo dena ma po tų ilalio. Tialima, Genuai Bidi, te naga genuai nogide digi homu kone palama, te nago da hobede yao.

Jeremaia 3:3

Te pagede naga te eno tulubage paliama, tama te tulubage nago tǫba tulubeo. Awe, te gi tau sabo tulubage asobeo. Tialima, nago te penani wego hagoma ebo tiwai eyu, te nage dwasianu hale me ebeo.

Jeremaia 4:18

Dagego te dwai kolesaga eyu, dage te dwai sunumidu bilibaso, tama dageba te pedalubo sęgęgo page dabe te dao. Te duga dwai sęgęgo digi duga te dene tolobao, tama te duga homu enelawe togwalubo dao,” wali

Te We Bidi Dabego Jerusalem Hagede Gela Wali 3:39

Tama tibaso, bidi me bididubadi, te Godigo agai yali dwai sę wei ponoyu, dene mobaso da, teda te bidigo Godibolo wado po olamuo.

Te We Bidi Dabego Jerusalem Hagede Gela Wali 4:22

Saion, nago sęgę saibaso, Genuai Bidigo nago sęgę wei ponani dao. Tialima, agai nago kalabus yali silaibao. Te nago we bidi kalabus yali pįsigina sąwaibao. Tiali goli, Idom, Genuai Bidigo nago yali dwai sęde sali sęgę haninaibao, tama agai nage me dene mawaibao, te sęgę wei ponoyu.