Jeremaia 5:22 - Godigo dwagi yai po buku

²² Magi baso dage enade wi elama, midigi ebo meniwe? Eno te nambis wę sane muani, te tamu ąįgo dąį tiwai nigilali, tama te nambis ąį sane te sesemane te obo tiwai elalubao. Te genuai si pedalu, te bomonama bugusu obadi, agai te dąį ilali me bogi soagobeo.

Jeremaia 5:22 Iomraidhean Croise

Tigidali Nai Gagalama Nigali Side 1:9

Nosali Godigo te po wai, “Te dagalu dologode elalubo wę, te wę dologode elalubo tǫ hania ugwaba pedalumainogo eyu, te wę te deli madiba me sisinigi pelama, te bulu tǫ wa pomainao,” te po wai. Tama tiyu, tama te bulu tǫ pedelama, tama wa pali.

Te Israel me Juda Hani Sigo Tuni Bidigo Po Elalubo Buku Deli 13:28

Tama aga te tųdu wali pobadi yaide, tama te aga tonono pobadi yaide, te profet bidi tigi tama te tų dilide munalubo suali. Tama agai subadi yaide, te aga donki kibu dali, te bulu uni yowi laion dali si, te aga tigi munalubo madigi pąde dolalubo suali. Te bulu uni yowigo te agai tigi mi me pedama tube, te agai te donki kibu tigide me te bulu uni yowigo kelama tube, bugagia tama dolalubo suali.

Jopgo Po Asęani Elalubo Buku 26:10

Tama agai dąį te tamu ąį bobegelama, elalubao. Tama te dąį ilali digi da, te ula dali, hulia sabo dali si deli madi sisinibo digi dao.

Jopgo Po Asęani Elalubo Buku 37:24

Tama tibaso, we bidi agade wi ebo dao. Tama agai olo te bidi dabe augwaligo homugo augwali homu kolesaga hauwa elalubao homu ebode odobo menio,” Elihugo te po wai.

Jopgo Po Asęani Elalubo Buku 38:8

“Tama te tamu wę tǫ tabidu buluba podilasąbaso, dego mu sunumi paliai dawe? Tama dego te tamu ąį aga dąį tomode tama elaluai dawe?

Godigo Nogi Ugwaba Sabo Tęąbi Po Wabo Buku Dabe 104:9

Nago dąį muai, tama tamu ąįgo te dąį muani bolobeo. Tama tamu ąįgo tigidali tǫ ma halugobeo.

Godigo Nogi Ugwaba Sabo Tęąbi Po Wabo Buku Dabe 119:120

Ena nagede wi mu elama, tama ena didibili ebao. Eno nago po tų ebode homu kone palama, te wi ebo dao.

Godigo Nogi Ugwaba Sabo Tęąbi Po Wabo Buku Dabe 33:7

Agai te tamu ąį selama, te deliba naga sisinani, te bidigo te deli sene sospende naga te wę tabibo tiwai gilama yali. Agai te tamu ąi page te aga pesagede aiyadu mu elalumainu yai.

Godigo Nogi Ugwaba Sabo Tęąbi Po Wabo Buku Dabe 46:3

Tama genuai tamu ąį te bomonama, kulukulu weyu, tama pepeda pelama, tama te dini pedaliyu, tama genuai tamu ąį bǫį samanu, tama te bulu du dabe degelaibao. Te tobage genuai sę pedaligi sogo da, teda da wi munu me igi meni.

Godigo Nogi Ugwaba Sabo Tęąbi Po Wabo Buku Dabe 99:1

Genuai Bidi king bidibao. Te we bidi dabe wi elama, noma sai. Aga te sia kingde te ensel dabe daide dugulalubaso, tama te tǫ mali ebo dao.

Bugagia Bidibo Kolesagade Po Asęai Buku 8:29

Tama ena aga dali bidibo sogo agai te tamu ąį sesegedu dąį iliyu, tama tamu ąį dali po bomonama weyu, te tamu ąįgo te dąį ilali boligio po olama, tama agai te tǫ muabo pesage dąį mubo sogo, te ena aga dali bidai dao.

Aisaia 50:2

“Eno dage gegagasali sogo, magi baso eno te bidi me deli bidibo subewe? Te eno dage i wali sogo, magi baso dagego eno i wali wei ponobewe? Dagego homugo te eno dage ma sabo bomo meni da homu yali da, agawe? Odao. Eno te po obaso, te tamu ąį tigidali mu sula saibao. Eno te po obaso, te genuai soabo ąį te masigi sane olo elalueibao. Te sųgų dabe isilama, kugumini dwai yaibao.

Aisaia 64:2

Augwali te siade ulalubo sene sospende tomode te posolo ąį punuguna tagalobo tiwai yaibao. Nage te naga genuai bomo dali asobaso, te boi bidi dabego nago nogi konemainao, te nage augwaliba pedalubo sogo te tigidali tǫ kantri we bidi dabe wi elama, noma saibao.

Aisaia 66:5

“Dage te wi elama, te Genuai Bidi, eno po dologoba asobo hani dabe, dagego te megi eno dageba pusainu ebo po odao. Dage ena wali asobo bomo yai, tama te duga deli hani dabego te dage godolu mu me isąma, te augwaligo dage tudiba muai. Te augwaligo dageba posobo po weyu, dageba te tiwai po wali, ‘Te Genuai Bidi aga genuai bomo dali asomainu eyu, te dage pemene ilimainao, te tebo dago sueibao.’ Tialima, eno te po obao, te dagego augwali dwai hale mu sabo sueibao, te po wali.

Jeremaia 10:7

Nage te tigidali hani we bidigo king bidibao, tiyu tigidaligo nagede wi elama, te nage dologode bidibaso usu yaibao. Te nago koneani wiegi yai homu kolesagago te king dabego koneani homu kolesaga, me te po page konea pai bidi dabego homu kolesaga, me te tigidali hani we bidigo kolesaga me, te aiyaba mu elaluai dao.

Jeremaia 2:19

Naga digi ebo dwai kolesagade te nageba dwai dene mawaibao. Nago ena tudiba mubaso, tama naga te kolesagade nageba wado ilaibao. Nago ena Genuai Bidi tagalu, te nago God, te nago ena dologoba me bidagasobe. Tama nago bugagia homu kone palama, koneao, nago te dwai kolesaga dabe mu ebogo te nageba dwai dene mobao. Ena God, Tigidali Bomo Elalubo Genuai Bidi, eno te po wai dao.”

Jeremaia 31:35

Genuai Bidigo giliga muani te ula momainogo yali, tama agai polua me hǫ dabe dąį ilali, te hulide ula momainogo muani. Agai te tamu ąį hodolobaso, te genuai ąį dini pedalu, te genuai u wabo. Aga nogi e tiwai, Tigidali Bomo Elalubo Genuai Bidi dao. Agai te tama po wai,

Daniel 6:26

“Dage eno bulu tǫ pedai kantri dabe we bidi dabeo, eno te po odiąo. Dage tigidaligo genuai nogi te Danielgo Godiba menama, tama te God dologoba pelama bidao. Te God te sesemane sogo bidada pobao. Aga te king sesemane sogo bidada pidu, bidada paibao, tama aga te we bidi tonalubo bomo te me siligobeo.

Amos 9:6

Genuai Bidigo aga togobili te dagalude nigilama, tama agai dagalu te tǫ ugwadu muani, te bagua sai be pedu nigai tiwai yalio. Agai te tamu ąį i ola aselama, tama agai te tǫ daiba ugwadu gelebo dao. God deligo naga te sę dabe ebo dao, tama agai nogi da te tiwai elalubao, Genuai Bidi dao.

Jona 1:16

Tama tebo sulama, te sip guni tolasa pabo bidi dabe augwali Genuai Bidide wi mu elama, tama augwaligo agabolo ofa ilama, tama agabolo te augwaligo nosali yabo kolesaga po meba dąų walalio.

Nahum 1:4

Te agai tamu ąįba wado ilibaso da, teda te tamu ąį sula saibao. Tama agai te wę dabe me sula somainu ilaibao. Te agai tama po obaso, te wiegi yai nosai me gi me te nai yabe dabe sasia paibao. Te Basan badu gi dabe me, te Karmel bulu dude te nedu du walobo ni dabe me, te Lebanon bulu du dabede elalubo plauwa dabe me, te tagalao, tigidali te sasia pabo dao.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

Dwagi Yai Gesi Po Makgo Asęani 4:39

Tama Jisas hodasa holama, tama te waliba wado po obadi, tama wębolo po weyu te po wali, “Megi da, usu dao. Nage sia sao! Nage megi tama silama isao!” Tama wali kekasa peyu, tama te wę me dwasianu memenege munu me ebeo.

Dwagi Yai Gesi Po Lukgo Asęani 12:5

Te eno po hanilama, dage dali obe dao. Te dagego mena bidide wi yaibawe? Te dagego wi yabo bidi dagebolo eno ola mawaibao. Te God dali dagego wi iyąo. Te Godigo bidi elama, te noma bidi dali siaba sąbo bomo agai usu yaibao. Eno mu tama dagebolo obe dao. God dali naga wi iyąo,” wali.

Bomai Po 28:58

“Te dagego Godigo tigidali po e bukude elalubo te po dabe sese bugagia wali pelama, tama dagego Genuai Bidi dago Godigo nogi bugagia ugwaba sela musiąwani da, te tama tiaibao.

Kraisgo Geme Dualali Sę Pedelabo Po Jonbolo Ola Mani 15:4

Tama Genuai Bidi, nagaduba deli digi naga nage te magi dwai sę me esiąyu wiegi yai doloba pai mu bidibo dao. Tama tibaso, niwai bidigo nage dali wi egobewe? Tama niwai bidigo nage nogi ugwaba sogobewe? Te tobage bidi menio. Tigidali bidi hani augwali aselama, nage pagede lotu po nage dali wagasaibao. Magi baso menio, nago doloba pai kolesaga te hania bulu ulaba pedalai dao,” augwaligo te tęąbi po wabo eno odali.