Jeremaia 49:10 - Godigo dwagi yai po buku

¹⁰ Tialima, eno te Isogo wąį nǫų hani dabeba dwai dene mabo sogo, eno dagego nai doado bage tigidali dolaibao. Eno dagego geme duala sabo pesage tigidali dolama, te dage geme ma duala sogobeo. Te dage Idom badi, te dage pąde bidibo hani dabe, dage tigidali dolaibao. Tama te Idom hani tigidali mu silaibao.

Jeremaia 49:10 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 37:28

Magi baso meni, Godigo te doloba pai kolesaga ebo we bidi wei eyu, godolo mu ebo dao. Agai te aga we bidi hagamainu me egobeo. Sesemane sogo Genuai Bidigo te we bidi dabe dolasa bilimainu tonalueibao. Tiali goli, te dwai bidi dabego wai dabe da, te mu dolaibao.

Aisaia 17:14

Polo tama te boi bidi dabego te bulu pio bagua sagasobo si da, te we bidi dabe wi dwai mu ebo dao. Tiali goli, kigamu da, boi bidi dabe menia saibao. Tama te tobage kolesagago Godigo te boi bidi dabego da dolama, dago nai dabe wi sela pai badi te sunumi palibo dao.

Aisaia 45:3

Eno te mone nageba mayu, te hani dabego te bidigo susąyabo pesagede dualali wiegi yai dila pai nai dabe te nageba mawaibao. Tama tialima, te nago koneaibao, ena naga Genuai Bidi da waibao. Te nago koneyu, te Israelgo Godigo naga te nago nogi olama, te nage i wabo da homu koneaibao.

Jeremaia 13:26

Tialima, te ena digi nago gudalubo name ugwa ugwaba dagala palama, te naga gesabidi dualaibao. Tama te bidi dabego nago ugwa olo elalu, hale ebo sę sueibao.

Jeremaia 23:24

Te bidi me deli gasa badu me dula sigi pobaso, te ena Genuai Bidigo, eno aga sugobe homu ebawe? Te eno aga sueibao, magi baso meni, ena Genuai Bidi, ena te tigidali badu te dagalude me tǫde bidibo dao,” wali.

Te We Bidi Dabego Jerusalem Hagede Gela Wali 4:22

Saion, nago sęgę saibaso, Genuai Bidigo nago sęgę wei ponani dao. Tialima, agai nago kalabus yali silaibao. Te nago we bidi kalabus yali pįsigina sąwaibao. Tiali goli, Idom, Genuai Bidigo nago yali dwai sęde sali sęgę haninaibao, tama agai nage me dene mawaibao, te sęgę wei ponoyu.

Amos 9:3

Te augwali pelama, te Karmel bulu duba geme duala sigi pobaso da, teda eno augwali gegelama, te pageabi yaibao. Te augwali tamu wę page dologoba mu geme duala sigi pobaso da, teda eno te tamu ąįde bidibo dobo dwai hasamani kauwabidibolo walama, te augwali ela tueibao.

Obadia 1:6

“Augwaligo te dagego mone me doado bage tigidali saibao, te dage Isogo hani dabego geme dualali doado bage selama, te selasa paibao,” wai.

Obadia 1:9

Tama dage te Teman taun bidi dabego te boi hwįbo mu konea pali, tiali goli, te dage wi dwai mu yaibao. Tama eno dage te tigidali Isogo ami hani ela silaibao,” Genuai Bidigo te po wali.

Polgo Po Pas Rom Dabeba Asęani 9:13

Tama te tiwai naga pedalali, te Godigo po pusali bidi nogi Malakai agai nosali asęani Godigo wali po tiwai gilama yalio, “Eno Jekopde dwagi yai homu eyu godolo mu yali, tiali goli eno Iso hagela homu mu yali,” Godigo te po wai.