Jeremaia 47:6 - Godigo dwagi yai po buku

⁶ Dagego e tama tiwai i wali, ‘Genuai Bidigo bainat hwą, nisu sogo nago te da dolobo sę silaibawe? Bainat, te naga bulubo be tomoba ma bula sao. Nago te sę tagalama, toma nao,’ dagego te po wali.

Jeremaia 47:6 Iomraidhean Croise

2 Samuel 2:26

Te Apnergo augwali si subo si da, agai aba Joapba te tiwai i wali, “Magi yaliwe? Te hwįani siligobe da, agawe? Te kolesagago te daba genuai sęgę maiabo, te nago konesiąyu eba, agawe? Da te deli kaneme dao. Mena sogo te nago te naga bidi dabeba waliyu, te augwaligo da munu me pobeasa pelamuo po waibawe?” wali.

Tuni Bidi Dabego Po Elalubo Buku Deli 21:27

Tama Genuai Bidigo po obaso, te ensel bidigo te bainat hwą te aga munaluali pesageba ma muai dao.

Godigo Nogi Ugwaba Sabo Tęąbi Po Wabo Buku Dabe 17:13

Genuai Bidi, nage aselama, eno boi bidi dali hwįnama, augwali aiyaba elaluao. Nago bobobage hwągo augwali dali hwįnama, tama ena dwai sę ebo bidi dabego nogode ma sao.

Aisaia 10:15

“Tuni bidigo te po tama wali. Tiali goli, ena Genuai Bidi eno hanalu waibao, ‘Te sigi hwą me deligo te po waibawe, “Te ena genuai dao, tama bidigo nogo toulama, nigilibo te enaduba bomogo edelalio,” po waibawe? Te so mego “Ena te bidigo nogo toulama, ni togobo bomo te eno edelalio,” po waibawe? Te hwįbo ni dage dabego bidi nogo toulama, hwįgi pabo meni. Menio. Te bidigo te ni dage dabe nogo toulama, hwįgi pabo dao.’” Genuai Bidigo te po wali.

Aisaia 10:5

“Ena Genuai Bidi, eno te po obao, te bulu tǫ kantri Asiria dolaibao. Megi da, te Asiria te wąbi tiwai nigilama, tama eno we bidigo ena sębę ilibo we bidi te elebao.

Jeremaia 12:12

Te tǫ wa pai bulu pesagede te boi bidi hauwa pedaliyu, te augwaligo tigidali nai doado bage dolabo homu yaibao. Magi baso meni, te eno dagego tǫ kantri we bidi tigidaliba dene maiabo homu ebao. Tama te bidi me deli bugagia bidainu ebaso, usu me egobeo.

Jeremaia 12:4

Genuai Bidi, nago dago tǫba genuai sęgę muani, te tigidali nosai sasia pali. Nisu sogo te sia selama, te tǫ wiegi yai ma pedalugowe? Te hasa me, ba dabe me, isila pobao, magi baso meni, te tǫde we bidi dabego dwai kolesaga me idubo sę ebao. Tama me, te we bidi dabego te po obao, “Jeremaiago daba te pedalubo sę dabe me suagasogobe dao,” po wabo dao.

Jeremaia 15:3

Ena Genuai Bidigo, te eno nai me si me sigo te we bidi dabe mu silimainogo tagala palaibao. Augwali te boi bidi dabego ela mumainogo sa muaibao. Te eno yowi dabego augwali tigi mi pepedela tumainogo sa mueibao. Me te ba dabe, me uni hasa dabego te tigi mi mu tulama, silimainu sa mueibao wai dao.

Jeremaia 25:27

Tialima, Genuai Bidigo enabolo te tiwai po wali, “Jeremaia, nago te we bidi hani dabeba te po mao. Ena Israelgo God, ena Te Tigidali Bomo Elalubo Genuai Bidigo eno te tama po dagebolo obao, ‘Dagegotuįyao. Te umabo hauwa tulama, te dage gęǫelama, buguyu, te tǫba tulaluama, te dage munu mahodalugobeo. Magi baso meni, eno te boi bidi dabedageba hwįmainogo tagala palama, te dage dolaibao,’ wali.

Jeremaia 4:21

Nisu sogo te boi bidi dabego da tagalama, te augwa buluba ma begasa peyu, tama dago te niba walobo ugwa plak ugwaba sabo kolesaga me, te biugel bu wabo me tagalaibawe?

Jeremaia 48:10

Eno homugo Genuai Bidigo mabo sę te sę ebo hagela ebo bidi dabe te Genuai Bidigo dolainogo yaibao. Te agai te bidibolo weyu, te gasa bidi bainatgo elao po wali, te bidigo te isąbaso da, teda Genuai Bidigo aga dolaibao.

Jeremaia 50:35

Genuai Bidigo e tiwai wali, “Te bulu tǫ kantri Babilon dolomainao. Te Babilon we bidi augwali te augwa tobolu bidi dabe me, kolesaga koneai bidi dabe dali, bobobage hwągo dolomainogo yao.

Esekiel 14:17

“Ma, eno boi bidi dabe te tǫ kantriba hwįgi pomainu tagala palama, tama augwaligo te we bidi dabe mu ela siminama, te hasa dali elaiba,” wai dao.

Esekiel 21:30

“Nebukatnesar, nago te bainat aga bulali beba ma bulao. Te eno dage te duga page bulude digi dolo po tų ilaibao.

Sekaraia 13:7

Te Tigidali Bomo Elalubo Genuai Bidigo te tiwai po wali, “Bainat hwą, nage hodaluama, tama eno tonalubo sę ebo bidi dali hwįao, te bidi ena pąde bidibo bidi yali goli. Aga ela mubaso da, teda te sipsip dabe wi tedela sąwaibao. Te tama tiwai naga eno te ena we bidi dabe dali boi hwįaibao.

Dwagi Yai Gesi Po Jongo Asęani 18:11

Tialima Jisasgo Pita dali te po wai, “Nago te kago hwą aga bulubo beba ma bulama muao. Eno Aya agai enabolo bodolu mani, te ena tigide dene saibao. Te augwaligo ena dali yabo sę nago te bodolu didigili painogo ebawe?” Jisasgo Pita dali te po wai.

Te Israel Tobolu Bidi Dabe 7:20

Augwali te sela hanigo te biugel bu ola peyu, tama te tǫgo nigai sospen sene aluali. Tama augwaligo te genagi dagede ula ilibo nai te pobase nogo badu tulama, te biugel te dolo nogo badu tolasa tama augwaligo i weyu, te tiwai wali, “Te Genuai Bidigo bainat me te Gideongo bainat me dao!”