Jeremaia 47:4 - Godigo dwagi yai po buku

⁴ “Magi baso meni, te Filistia tigidali dolabo sogo, te pedelalio. Eno augwali sunumi paliama, te augwaligo Tair me Saidon dabe tau me sogobeo. Polobadu mu te Filistia dabe augwa wąį nǫų dabego te ailan Krit tagalama, te genuai buluba bidagasali. Tialima, megi da, Genuai Bidi eno te dwasianu bidalubo Filistia hani dabe dolainogo homu ebo dao.

Jeremaia 47:4 Iomraidhean Croise

Tigidali Nai Gagalama Nigali Side 10:15

Saidon aga te Kenango gomunai ogwa da. Kenan te Hit bidi dabego aya me da,

Tuni Bidi Dabego Po Elalubo Buku Deli 1:12

me Patrus dabe, me Kaslu dabe dao. Tama nosali te Filistia dabe da te Kaslu hanidu pedelai dao. Tama te Kaptor dabe me augwali te Misraim agai wąį nǫų dabe dao.

Jopgo Po Asęani Elalubo Buku 9:13

God agai boi bidi dali sębę ebo kolesaga sesemane sogo idu gebo dao, simanogobeo. Mu tama, te moni tamu ąįde bidibo bulu hwabidi gulamane dali, aga wali asali genuai hani dali si, te Godigo aiyaba elaluama, tama aga dologode elalubo dao.

Godigo Nogi Ugwaba Sabo Tęąbi Po Wabo Buku Dabe 37:13

Tiali goli, Genuai Bidigo te sogo me deli te bodolu pedalubo koneyu, tama te sogo te dwai sę ebo bidi dabe dolaibao. Tama tiyu, Genuai Bidigo augwaliba gisugu mabo dao.

Aisaia 10:3

Te Godigo dagego dwai kolesaga wei ponabo sogo bodolu muani, te sogoba sabalobo si, dagego magi sę yaibawe? Te agai gasa bulu me te bomai wali tiwai aselama, dage dolomainu ebaso, dagego magi sę yaibawe? Dage te deba udalama, dage tau somainu yaibawe? Tama te nai dabe hauwa dagego sali, te nai dabe dagego menade mugi paibawe?

Aisaia 14:31

“Dage te genuai Filistia dabego hanu, me dage te hanu dabede bidibo we bidi, dage sese wi dwai mu elama, gela dwai olama, i bomona waiąo. Magi baso meni. Te ami hani me deli te not badu asobao. Tama augwali nosali badu hano holobao. Te ami bidi dabe augwali tigidali hwįbode boma pai bidi dabe mu da weyu, tama augwali deli me nosali me dua dua asobeo.”

Aisaia 20:6

Tama te sogo, te nambis we bidi, te Filistia dabe, augwali augwa hasi tomode po miyu, te po waibao, ‘Iya, tegoba! Dago te bomai bulu bidi dabebolo da tau somainu no munaluao po hanalu wai goli dama, tiyu Asiria dabego da dolagaidali weyu. Tiali goli, suao, augwa digi dolalio. Te da te Asiria dabego bainat hwą geda muabo sunumi menio,’ te po waibao.”

Aisaia 31:8

Genuai Bidigo te po wali, “Te hwįbo hwą bainat mego te bulu Asiria dolaibao. Tama te Asiria dabe mu silaibao. Te bainat hwą ena Genuai Bidi ena digi tagala palaibao, te bidi dabe mego menio. Te Asiria dabe te bainatde wi paibao, tama te Asiria dabe gesi bidi dabe da kalabus sę yaibao.

Jeremaia 46:10

Isipgo te tama po wai, tialima, te hwįbo sę te Godigo sę tama, te Tigidali Bomo Elalubo Genuai Bidi dao. Te sogo aga boi bidi dabeba dwai dene wei ponaibao. Te bomai boi mu hwįnama, te bidi dabe isila paibao. Te bainat hwągo nasi mu ebaso, te bidi dabe tigi tuyu, te kaneme tueibao, tama te bainat mu pągąna paibao. God, Genuai Bidi Tigidali Bomo Elalubo dao, te hani dabe elama, te aga te wę Yufretis badu pąde te ofa ebo tiwai yaibao, te not badu dao.

Esekiel 21:25

“Israel king, nago eno po sela sąyu, dwai kolesaga mu ebo bidi da. Te eno nago ebo dwai sę tigidali wei ponabo sogo megi pedelalio.

Esekiel 21:29

“Dage Amon dabego te nade subo nai tiwai sulama, tama dagego te tama po pusali, dagego digi te bainat hwą nogo tolama, te eno po sela sąyu dwai kolesaga ebo bidi dabe elaiba wali. Tialima, te yali na tigidali, me te profet po wali, te tibo po naga po walio. Te mu da, te bidi dabego yali dwai sę wei ponabo sogo te pedelalio, tialima te sę dagego me egobe dao,” wali.

Esekiel 25:16

Tibaso, megi da, eno te po obao, eno te Filistia dabe augwaliba dwai dene mabo sę mu elama, tama eno te nambisde bidibo we bidi tigidali mu silabo sę yaibao.

Esekiel 30:8

Te eno Isip dabego nai dabe sese tama isi ulama, tama te Isip dabe tau sabo sę ebo bidi dabe me dolaibao. Tama te Isip dabe augwaligo e tama bugagia koneaibao, ena deli naga ena Genuai Bidi te yaba homu yaibao,’ te po obao,” wali.

Esekiel 7:12

“Te dolabo sogo pąde yagasalio. Te sogo te nai doado bage abelebo bidi dabe augwaligo homu pemene me egio, te nai doado bage maketde mubo bidi dabego me haliga sęgę me elamuo, magi baso menio, eno te sęgę mabo sę te tigidali bageba yaibao.

Hosea 9:7

Te Godigo dageba dwai dene maiabo sogo pedelalio. Tama duga te yali dwai kolesagade usu nama, te dene saibao. Te sę pedalubo sogo da, teda Israel, duga koneaibao, te dwai dene dao. Dagego enabolo te po wali, “Te profet aga te kolesaga meni yai umuna sali da,” wali. “Te Godigo bomo elalubo bidi, aga te kolesaga geda mubo bidi da,” wai. Dage we bidigo ena godolo homu me isąwani, magi baso meni, dagego dwai sęgę te genuai umabo yai dao.

Amos 9:7

Tialima, Genuai Bidigo te tiwai po wali, “Dage Israel dabe, te Itiopia dabe me eno bugagia tonalubao, te eno dage tonalubo tiwai ebao. Awe, me eno te Filistia dabe te bulu Kritde selama, te augwali odasa asali, tama eno te Siria dabe me te tǫ kantri Kirde sela asai, te eno augwali odasa asali, te dage eno Isipde selama, odasa asali tiwai gilama yalio.

Dwagi Yai Gesi Po Lukgo Asęani 21:22

Te sogode te Godigo te Juda we bidigo yali dwai sę wei ponabo sogo dao. Tama te side te Godigo bukude asęani po tigidali te nai igibilama walaibao.

Bomai Po 2:23

Te tama tiali gilama, tama te ailan Krit hanigo te Av dabe ela silama, augwali tede bidibo gilama tiali. Augwaligo tǫ te genuai tamu wę Gasa pąba tama usu nigi pelama elaluali, te sautba polo badu. Tama te Krit dabego augwaligo tǫ selama, augwali tede bidali.)

Josua 22:30

Te pris bidi Finias te augwa we bidigo genuai dabe dali, te augwali te Israel hani sibi dabego tobolu bidi dao, augwaligo te Rubengo hani me, te Gatgo hani me, Manasego hani, te augwaligo wabo po odama, tama augwali wiegi yai homu pemene yai.