Jeremaia 47:3 - Godigo dwagi yai po buku

³ Augwaligo te hos dabe udayu, sągą pidi bu wabo odaibao. Te augwaligo karis dabe bomonama kekeyu, te wil dabego kidagalo wabo odaibao. Tibaso, te we bidi dabe wi umabo ebaso, wi paibao. Te ayago te augwa wai puluba dabede homu kone palama, te augwali tau siyu, me tonalugobeo. Augwa nogo bomo kimi mu isiyu bidaibao.”

Jeremaia 47:3 Iomraidhean Croise

Aisaia 5:28

Augwaligo ene da, mu poa pai. Tama augwaligo enesigi dolama, tama enabo no sealubuo. Augwaligo hos dabe da, boma pai mu dao. Tama te hos dabego sągąde kapa dabe te dila pai masigi tiwai, tama togwa pogobeo. Augwaligo karis dabe bomona mu pabo dao. Tama te karis wili dabe da, te wali ebo ąǫ ebo dao.

Jeremaia 46:9

Dage eno hos dabe, dage udayao. Dage eno karis dabe, dage umagia mu udayao. Dage eno bomai ami bidi dabe, dage te tǫ kantri Sudan me Libia ami dabe, dage te hwįbo sabele tolasa pabo bidi dabe, dage Lidia ami dabego, dage te enesigigo enebo koneai bidi, dage tigidali te boi hwįgi pao,” te po wai.

Jeremaia 50:42

Augwali te homu dene eyu tau sabo kolesaga me isąbo bidi dao. Augwaligo te gasa bidi dolabo homu godolo yaibao. Augwaligo te enesigi me ene tolalubao. Augwali te hos dabede dugulasa asaibao, tama te genuai kulukulu pedelaibao, te nambisde genuai ąį dini dabe bugusu wabo tiwai yaibao. Augwali te lainde wasilama, te dage Babilon bageba hwįainu sisi elalueibao.

Jeremaia 8:16

Te boi bidi dabe te Dan hanigo tǫ te not badu pedelama, te dago odali, te augwaligo hos dabe te homu hę bomonama mu wabo odali. Te hos dabe ga wabogo te tigidali tǫ pedai mumunu yalio. Te boi bidi dabe asiyu, te taun Jerusalem dolama, tede bidibo we bidi me dolainu yali, te dago tǫde elalubo tigidali nai mu dolama, silainu yai dao.”

Esekiel 23:24

Tiali goli, megi da, augwa te not badu tǫ pedai bidali taga soyu, te nage dali boi hwį yagasaibao. Augwali te genuai ami hani dabe dali asu, te augwa hwįbo karis dabe me, te walu doado bage tolobo karis dabe dali asaibao. Augwa te hwįbo doado bage me selama, te hwįbo kapa madi munama, te sabele dabe dali, awa dabe dali tolasa asu, te augwaligo nage bagua sagasaibao. Te augwaligo nage aiyaba elalubo sę eno ilama, te augwaligo nage te augwa kolesagade digi po tų elama, te augwaligo nageba dwai dene mawaibao.

Nahum 2:4

Te karis dabe te sunumi dabedu te taunba asiyu, te udabo diluagi mu elama, tama te sisinibo pesageba ugwaba udayu, edaba udayu ebao. Augwaligo ula te sole udalobo tiwai eyu, tama te be sele ebo tiwai polo polo ebao.

Nahum 2:8

Te we bidi dabe te Ninive taun buluba wi tedela sąwani, te wę palialuali dalubaso te wę pabo tiwai ebao. Te ofisa dabe augwaligo i bomonama weyu, te tiwai obao, “Dolaluiąo! Dolaluiąo! Wi pigimio!” wabo. Tiali goli te me deli doligi pelama, te ma geasa me pabeo. Menio. Tigidali wi naga pela silibao.

Kraisgo Geme Dualali Sę Pedelabo Po Jonbolo Ola Mani 9:9

Tama augwaligo hagawiade te kapago nigai holobo ugwa muai elaluai, tama augwaligo bogo te saba saba ebogo u wabo te hwįbo bidi duabo nai te kibu hosgo kegasa peyu udabo tiwai eyu te nai kidagalo wabo tiwai ebo dao.

Te Israel Tobolu Bidi Dabe 5:22

Tama te bomo yai hos dabe polo wi udulama, augwaligo te tǫba augwa sągągo elali, te be kulu wabo tiwai yali.