Jeremaia 46:1 - Godigo dwagi yai po buku

¹ Genuai Bidigo po te haniani tǫ kantri dabede elalubaso, tama agai te po Jeremaiabolo mawai dao.

Jeremaia 46:1 Iomraidhean Croise

Tigidali Nai Gagalama Nigali Side 10:5

Te e hani wąį dabe da, augwali te ąį sanede ma te ąįgo bobegelali tomode bidaluali hani dao. Augwali te hani bidi te Jafet tede pedelama, tama deli deli hani te augwa bidibo pedai badu nosali bidalua pali. Tama deli deli hani augwa po tedali tedali weyu bidai.

Jeremaia 1:10

Megi e side eno nageba te gasa bulu tǫ kantri hauwa hani we bidi tonalubo bomo mobao. Eno nageba te kantri dabego gavman gudabo po wabo bomo, me te gavman dolabo po wabo bomo me mayu, te augwaligo gavman ma dodoluyu, ma bulabo po wabo bomo me mawaibao,” te po wai dao.

Jeremaia 4:7

Te boi bidi dabe augwa bulu tagalama asali, te laiongo aga geme dualaluali pesage taga soabo tiwai yali. Augwali te tǫ kantri hauwa dolobo bidi dabe da, te augwali asiyu, dagego tǫ kantri dolagasaibao. Te dagego taun dabe mu dolaibao, tama te taun dabede te bidi me bidigobeo. Ena Genuai Bidigo eno te po wai dao.”

Jeremaia 43:11

Agai te Isip tǫ kantri dolagasaibao. Eno te dwai gasi selama, isabo bidi meba dąį ilaibao. Tama te sogo augwali dwai gasi saibao. Te gasa tǫ kantriba kalabus igi pabo bidi meba eno dąį ilaibao. Te sogo augwali kalabus yaibao. Te boi hwįgi pelama isabo bidi meba eno dąį ilaibao. Tama te dąį yali side hwįgi pobaso, te augwali isaibao.

Esekiel 29:1

Te da kalabus bulude bidibadi te kibu be nogo si, te 10 wabode, te polua nogo si, te 12 deide, Genuai Bidigo enabolo te po wali,

Esekiel 30:1

Genuai Bidigo enabolo e tama po walali,

Esekiel 31:1

Te namba 11 wabo kibu bede da kalabuside bidali kibu bede, te sela wabo poluago deli wabo deide, Genuai Bidigo enabolo te po walali,

Esekiel 32:1

Te hasia wabo dei, te namba 12 polua, te namba 12 kibu bede da kalabuside bidali sogo, Genuai Bidigo enabolo e tama po walali,

Habakuk 1:17

Te Babilon dabego augwa boi bidi dabe hobede dwasianu me ebo menio. Tiali goli, Genuai Bidi, nago augwaligo hwįnama, tama meba kantri dabe dolomainu sesemane sogo sula tagalaiba, agawe?

Sekaraia 2:8

Tialima, Tigidali Bomo Elalubo Genuai Bidi aga te God aga genuai bomo ulade bidibo bidi dao. Agai aga we bidi dololali te kantri dabe homu kone ebao. Tama agai Jerusalem bagebolo e tama po walali, “Tialima bidi me deligo nage dolainu ebaso da, teda aga digi aga ma dolaibao.

Israel Hanigo Namba 23:9

Ena te masigi bulu du te bulu dude dolaluyu, eno augwali suali. Ena ugwadu bidiyu suali, te we bidi augwali tedali bugagia bidibo suali. Godigo augwali bugagia tau siyu, tama augwaligo koneani, augwali gasa we bidi hani dali deli menio homu yalio.

Polgo Po Pas Rom Dabeba Asęani 3:29

Nago te po mu meni homu eyu, nago e po wabo dawe, “Te God aga te Juda dabe augwaligo God naga dao. Aga da, te Juda hani ąǫ isąwai te gasa hani dabe augwaligo God meni,” nago te homu ebo dawe? Te po mu po menio. Aga da te gasa hani augwaligo God me dao, agai augwali me ma dobola selama dwagi yai madiba mubo dao.