Jeremaia 44:21 - Godigo dwagi yai po buku

²¹ “Te dage, me duga wąį nǫų dabe, me king dabe, me tobolu bidi dabe, te Juda tǫde tigidali we bidi te Juda taun dabede bidali, me Jerusalem sunumi dabede bidali, te wiegi yai denami ebo ofa yali, te Genuai Bidigo dagego te yali kolesagade homu kone isąwai da, agawe? Menio. Agai bugagia homu kone palai dao.

Jeremaia 44:21 Iomraidhean Croise

Te Israel me Juda Hani Sigo Tuni Bidigo Po Elalubo Buku Deli 17:18

Tama tialima, te wego te Elaijabolo te po wai, “Nage te Godigo sę ebo bidi dao, magi baso nago te tiwai kolesaga ena dali yaliwe? Tama nage aselama, tama Godigo homugo eno sęgę koneama, tama teyu, te eno wai isalio,” te wego te po wai.

Godigo Nogi Ugwaba Sabo Tęąbi Po Wabo Buku Dabe 79:8

Tiyu, nago daba te dago wąį nǫų dabego dwai kolesaga yalide te dabolo dene maidalio. Megi da, nago te olo tau mabo wiegi yai kolesaga dabolo yao, magi baso meni, te dago konealubo homu te bomo kimi meni yanio.

Aisaia 64:9

O Genuai Bidi, nago dade haliga sębę mu idu, te sesemane sogo dago ebo dwai sęde homu kone paludigio. Menio. Da tigidali te naga we bidi da homu elama, te nago daba olo mu tau sabo wiegi yai kolesaga yao.

Jeremaia 11:13

“Tegoba! Dage Judago, te dagego tibo godigo namba dabe te dagego taun dabego namba tobage tiwai elalubao. Te dagego wiegi yai denami yabo ofa te Balba yabo alta hauwa nigibao, te hale ebo god dao. Te alta dabego namba te Jerusalem sunumi dabego namba tiwai si elalubao.

Jeremaia 14:10

Tialima, Genuai Bidigo te tiwai po wali, “Te we bidi hani, augwa te wau bilabo homu godolo ebao. Te augwa bilibo bugagia me tonalubeo. Tama tibaso, ena, Genuai Bidi, eno wiegi yai homu pemene augwaliba me ebeo. Megi da, eno augwa ebo dwai kolesagaba kone palama, te eno augwaliba te tigi dene mabo sę yaibao,” wali.

Jeremaia 32:32

Te tigidali Israel me Juda we bidigo ena dwai haliga sębę umagia mu ilama, te augwaligo dwai kolesaga haniani yali. Tigidali olo we bidigo me, te king dabego me, tobolu bidi dabe me, pris dabe me, profet dabego me, tigidali Juda we bidi me, Jerusalemgo me, te dwai kolesaga ebo dao.

Jeremaia 44:17

Dago te dena yaibao olama, po dąų wali sę tigidali yaibao. Dago te wiegi yai denami ebo ofa te god weba idu geaibao, augwa te tama nogi yali, Te Dagalude Kwin We dao wali. Te dago agaba te wain ofa gelidu geaibao. Polobadu dena digi me, dago wąį me, king dabego me, te tobolu bidigo me, dago te tobage ofa Te Dagalu Kwin Weba yali. Dago te ofa te Juda taunde, me Jerusalem sunumi dabede yalio. Te dago tama tiali sogo, te dago nai hauwa elalu, te da bugagia bidiyu, te dwai me deli dabolo me pedalubeo,” te po wali.

Jeremaia 44:20

Jeremaiago te po odama, tama agai te we bidi tigidaliba te tiwai po wei ponani,

Jeremaia 44:9

Te duga wąį nǫųdabego me, te king dabego me, te kingo we dabego medwai kolesaga yali. Te dage me, duga we dabe dali, tedwai kolesaga ebao. Dage tigidaligo te kolesaga te Judatǫ pedai tigidali badu eyu, te Jerusalem sunumi dabedeme yali. Dagego te homu kone gegeda palai da, agawe?

Esekiel 16:24

teda nosali nage te tigidali sunumidu pelama, te tibo god dabeba lotu wabo pesage dabe me te penani ebo kolesaga yabo pesage dabe nigaibao po wai dao.

Hosea 7:2

Eno augwaligo ebo kolesagade homu kone me gegeda palogobeo. Menio. Tiali goli, augwaligo te sę yali homu kone palisąwai. Te augwa ebo dwai sęgęgo te augwali mesegelali, tama sesemane sogo eno te sęgę naga sudu gebo dao.” Genuai Bidigo te po wai.

Amos 8:7

E po odao. Genuai Bidi, te Israelgo aga nogi ugwaba sabo God, agai nogo guni sisu muyu, te tiwai bomai po dąų wai, “Eno dage Israel dabego dwai kolesaga ebode homu kone me gegeda palogobeo.

Bomai Po 32:19

“Tiali, Godigo aga wai dabe augwaligo te dwai kolesaga ebo sulama, aga sębę elama, tama augwaliba tudi ola mani.

Bomai Po 32:34

“‘Ena Genuai Bidi, eno te Israel dabego boi bidi dabego yali kolesaga dabe konealubo dao. Eno augwali dene maiabo bubuga te tonalubo dao.

Kraisgo Geme Dualali Sę Pedelabo Po Jonbolo Ola Mani 16:19

Te genuai hanu tomode te sela pepeda pali, tama te tigidali tǫde hani bidigo hanu te mu dolai. Tama Godigo te genuai hanu Babilon homugo koneani, tama agai te Babilon te wain ąį elalubo kapde ąį tigidali tumainogo yai. Te ąį wain te Godigo agai genuai sębę mu elalubo dao.

Kraisgo Geme Dualali Sę Pedelabo Po Jonbolo Ola Mani 18:5

Magi baso meni. Te agai dwai sę ebo sęgę te pobele bage deliba sisinibo tiwai mu yali, tama te dagaluba mu usu nainogo holai. Tama God agai te bulude ebo dwai dwai kolesaga tigidali agai homugo ma koneai.

1 Samuel 15:3

Tama tiyu, nage te naga ami dabe dali pelama, tama te Amalek dabe dali hwįgi pelama, tama augwaligo doado bage tigidali dolama, tama tigidali bidi me, we me, ogwa me, wegi me, wai puluba me elibadi, tama tigidali bulmakau me, sipsip me, kamel me, donki me, te ela silao wali. Nago te deli munu me tagalamu dao,” Samuelgo Solbolo te po wai.