Jeremaia 43:7 - Godigo dwagi yai po buku

⁷ tama augwa tigidali te Isipba odasa pali. Te tama tiali kolesagade augwaligo te Genuai Bidigo po sela sąwai. Tialima, augwali pelama, te taun Tapanesba sabolali, te tǫ kantri Isip dao.

Jeremaia 43:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 25:26

Tama tede nosali, te tigidali Juda hani bidi dabe augwali te bulu pedaide bidali bidi dabe, te ami gavman ofisa bidi dabe me, augwali tigidali te Babilon hani bidi dabe sula peyu, wi mu yali. Tama teyu, augwali tigidali te wi pelama, te Isip buluba bidigi pali.

Tuni Bidi Dabego Po Elalubo Buku Si 25:16

Profetgo po odubadi tama Amasiago agai po togoyu, te po wali, “Dego nage enabolo kolesaga mabo bidi nigilai dawe? Nage penane pania sao. Tiyu, eno ami bidi me delibolo nage elama isila po wai dalio,” wali. Profetgo te po odama, aga penane pania sainogo, hasia bolo agai kingbolo te po walali, “Megi da, eno koneanio, Godigo nage dolainogo yalio, magi baso meni, nago dwai kolesaga elama, tama megi nago eno po odobo hagela yalio,” wali.

Aisaia 30:2

Augwaligo eno homu kolesaga hanalusiąma, tama augwaligo Isip tuni bidi dali po wali pali dao. Te Isip dabe dolaluama, augwali tau selama, tama augwali me dolidali weyu.

Aisaia 30:4

Te mu tama. Te Isip tuni bidigo aga po sabilibo bidi dabe, me aga ofisa bidi dabe aselama, tama Juda hani deliba sisinagasali. Te hanu Soanba, me hanu Hanesba sisinagaselama, tama te teba asali Juda dabe dali po wagasalio.

Jeremaia 2:16

Israel, nage we me deli tiwai, te taun Memfis bidi dabego, me te taun Tapanes te tǫ kantri Isip bagego nage dwai hale iliyu, te nago tobolu nisi tigidali poalama, sela sąwai.

Jeremaia 41:17

Johanango augwali te Isipba odasa painogo yali, magi baso meni, te Ismaelgo Gedalia ela muani augwaligo homu koneani, te bidi Babilon kingo dąį ilama, te Juda tǫ tonalumainogo yai. Te augwa wi eyu, te homu yali, tiyu te Babilon dabego te sę homu yali, tiyu te Babilon dabego te sę pedelali po odama, augwali dolagasidalio. Tialima, augwali te Isipba pabo sunumidu pali. Te augwali te bulu Gerut Kimham, te Betlehem taun pąde, teba pedelama, augwali tede osogo bidai dao.

Jeremaia 42:21

Megi naga te Genuai Bidi dagego Godigo pusali po tigidali, eno te po dageba mao walio. Tialima, dagego te po wali me pabe dao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,

Jeremaia 44:24

Tialima, Jeremaiago po meba te tigidali Judabolo pusali. Agai po te we dabeba kisilama wainogo, te tiwai po wali, “Dage Isipde bidalubo tigidali Judago, te Genuai Bidigo poba bugagia olo muao.

Jeremaia 46:14

“Dagego te taun Mikdol, me Memfis, me Tapanes, me te gasa Isip pedai badu, teba te po hanilama, pusao. Augwaliba te tiwai po wao, ‘Dage Isip te hwįabo sisilama, dolaluao. Magi baso meni, te boi bidi pedelama, te dage ela mubo sę yaibao.

Esekiel 30:18

Te Isip dabe augwa bomode augwali gana peyu yai da. Tiali goli, eno augwaligo bomo sese silimainu yaibao. Tama te sogo naga te taun Tapanesde hulia saibao. Tama genuai pǫgo te Isip bulu tigidali tama mesega saibao. Tama te boi bidi dabego te Isip bulude tigidali taunde we bidi dabe selama, tama augwali gasa kantriba kalabus igi peyu, odasa paibao.