Jeremaia 43:13 - Godigo dwagi yai po buku

¹³ Aga te Isipde bidibo sogo, agai te we bidi dabego bede te giliga augwa god dao olama, lotu udali bobage masigi pos aluaibao. Tama agai te Isip dabe tibo godigo lotu be dabe tigidali siago ulaibao,” Israelgo God Genuai Bidigo te po wali,’ te po te Juda dabeba pusao,” Genuai Bidigo te po wai.

Jeremaia 43:13 Iomraidhean Croise

Tigidali Nai Gagalama Nigali Side 41:45

Tama Ferogo te nogi Safenat Panea te Josepbolo mani. Tama agai te Josepbolo we me deli mani. Te we nogi te Asenat. Aga te Potiferago wegi da, te hanu me deli nogi augwaligo Heliopolis wabo, tede aga pris bidi dao. Tialima, Josep te Isip tǫ tigidali pedai badu bilali.

Aisaia 19:1

Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Aisaia 19:18

Te sogo te Isip dabego a naga hanu we bidi dabego te Hibru pogo po waibao. Tama te hanu we bidi dabego te Tigidali Bomo Elalubo Genuai Bidigo nogide augwali te aga dologode bidai olama, augwaligo mu po waibao. Te hanu me deligo nogi augwaligo te nogi nogi yaiba, Giligago Hanu.

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Jeremaia 25:19

Tama enote kap te Isip kingba me mayu, te aga sę bidi dabeba, me te aga ofisa dabeba mayu, te aga we bidi dabebamawaibao,

Jeremaia 43:12

Te eno Isip dabego lotu be siago ulaibao. Te lotu be dabede te Isipgo tibo god piksa dabe elalubao. Te Nebukatnesargo te piksa meba siaba ulama, te meba aga tǫ kantriba sela paibao. Te agai Isip kantride nai tigidali sela sąwaibao, te sipsip tonalubo bidigo aga gudali ugwade te kibu tugunu sela sąbo tiwai yaibao. Te agai Isip dabe mu elalueibao. Tama aga te tǫ kantri tagalama, paibao.

Jeremaia 44:1

Genuai Bidigo po Jeremaiabolo mawai, te agai Isipde bidibo Juda dabeba pusumainogo yai. Augwali te taun Mikdol, me Tapanes, me Memfis, tede bidali, te saut Isip badu me bidai. Jeremaiago te tiwai po wai,

Jeremaia 46:25

Tigidali Bomo Elalubo Genuai Bidi, aga te Israelgo God, agai te tiwai po wali, “Odao. Eno dwai dene te Emonba tamadi mawaibao, te Tebes taunde tibo god dao, te Isip king dali, te we bidi dabego me, te homu eyu, te kingo augwali tau selama, bugagia bidaibao homu ebao. Eno te dwai dene mabo sę te Isip kantri we bidi dabe dali, te augwa god dabe, me te aga kingba te dwai dene mabo sę yaibao.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Esekiel 30:17

Tama te boi bidi dabe augwaligo te taun Heliopolis me Bubastis taun gesi bidi dabe sese tama ela silaibao. Tama augwaligo te taun side we bidi dabe sese nogo bono dunama, tama gasa kantriba kalabus igi paibao.

Daniel 11:8

Agai te augwaligo tibo god dabego piksa dali, te tibo god augwa wiegi yai doado bage dabe dali, tigidali saibao, te augwaligo gol me silvago nigali. Tama agai te tigidali nai doado bage te Isipba sela paibao. Te hwįsąbadi kibu be meba bidaibao,