Jeremaia 43:12 - Godigo dwagi yai po buku

¹² Te eno Isip dabego lotu be siago ulaibao. Te lotu be dabede te Isipgo tibo god piksa dabe elalubao. Te Nebukatnesargo te piksa meba siaba ulama, te meba aga tǫ kantriba sela paibao. Te agai Isip kantride nai tigidali sela sąwaibao, te sipsip tonalubo bidigo aga gudali ugwade te kibu tugunu sela sąbo tiwai yaibao. Te agai Isip dabe mu elalueibao. Tama aga te tǫ kantri tagalama, paibao.

Jeremaia 43:12 Iomraidhean Croise

2 Samuel 5:21

Te Filistia dabe wi peyu, te augwa tibo god dabe taga pali. Tama Devit dali te aga ami bidi dabego te doado bage selasa palio.

Esta 6:9

Tama naga polalubo tobolu bidi me deli nigilama, teda nago ugwago te bidi aga au ilaibao. Tama te bidi te hosde dualama, tama te tobolu bidigo aga te bidi sisinibo genuai pesage te hanuba odasa pomainu yao. Tialima, te augwali si pabo sogo, te tobolu bidigo te tiwai i wao, ‘Te bidi suao. King bidigo genuai nogi agabolo mawai. Te wiegi yai sę tuni bidigo agabolo yali,’ po waibao,” Hamango te po wai.

Jopgo Po Asęani Elalubo Buku 40:10

“Ma, nago usu yaiba homu ebaso da, teda nago ena hasegelama, tama dwagi dwagi yai au ugwa selama, tama genuai nogi dali, bomo dali si selama, tama nage te we bidigo gedude ugwade mu bidagameo.

Godigo Nogi Ugwaba Sabo Tęąbi Po Wabo Buku Dabe 104:2

Nage naga ulago digi ma mesegelebo dao, te bidigo aga tigi ugwago mesegelebo tiwai ebo dao. Tama nago dagalu dali, tigidali hǫ munama elalubao, te bidigo ugwa be sęnama, tama baklain bonogo kekelama dąų elalubo tiwai yai.

Godigo Nogi Ugwaba Sabo Tęąbi Po Wabo Buku Dabe 132:16

Eno te Saion pris dabeba sę menama, eno te tǫde we bidi ma sabo po te pusumainu ebao. Tama te Saion we bidi dabe augwa tęąbi weyu, tama pemene elama, tama i omainu yaibao.

Godigo Nogi Ugwaba Sabo Tęąbi Po Wabo Buku Dabe 132:18

Te eno agai boi bidi dabe te dwai hale mu somainu ilaibao, tiali goli, te agai tonalubo we bidi dabe da, te augwali wiegi yai pedelama, tama bomo elalu bidaibao,” po wai dao.

Ma Dobola Sali 12:12

“Tama te sogo hulide tama, ena te Isip tǫ tigidaliba pelama, tama te Isip we bidigo tigidali te gomunai ogwa ela muyu, tama augwaligo kibu dabe me elaibao. Ena digi ena te Genuai Bidi Yawe, tama eno te Isip bage augwaligo tibo god tigidali augwali te bomo meni yai bage mu dao hanilama, ola mawaibao.

Aisaia 19:1

Genuai Bidigo te Isip bulu dolaibao wabo po mani. Te po e dao. Suao. Genuai Bidi te pǫde ugwadu dualaluyu, tama te bulu tǫ kantri Isipba polo sabolaibao. Tama te sogo pedalobo si da, te Isip dabego tibo god dabe noma genuai mu saibao, tama te Isip we bidi noma selama, tama augwali wi mu elama, tama augwaligo bomo mu sia saibao.

Aisaia 21:9

Tama eno te bidi dabe te hosde dulama si si asobo suali.” Tama tonalubo bidigo te po wali, “Babilon polo dolalio, aga polo dolalio. Tama augwaligo tibo god dabego piksa dabe tulaluama, tologa palio,” wali.

Aisaia 46:1

Genuai Bidigo te tiwai po wai, “Dage Babilon dabego te Bel me Nebo si nogi ugwaba sobao, te si duga tibo god si elalubao, te augwali si dagego tolasa, te genuai lotu wabo side sabilibao. Tiali goli, te augwali sigo genuai nogi te sia saibao, te dagego te tiwai sueibao, te augwa digi tau sabo bomo meni yaibao. Te boi bidi dabego te Babilon taun dolagasobaso, te dagego augwali si te donki dabede kęnaibao. Te donki dabego te hobedagia, te augwali si te kalabus dage dali sela pabo sę dene yaibao,” te po wai.

Aisaia 49:18

Nago tobolu ugwaba sagulama, tonono bilao, te nago naga wai dabe deliba sisinama, te nageba asobo sueibao. Ena Genuai Bidi, ena sesemane sogo bidibao, eno mu po obao, te nago wai dabe te nago au yabo nai dabe tiwai elalueibao, te we bidiba painu te sawi yai ugwa au ebo tiwai elama elalueibao.”

Aisaia 52:1

Jerusalem, nage te God aga da olama, sa muani hanu, nage hogodao. Nage hogodama, bomonama dolugulao. Nago au dobage te gasa sawi yai sawi yai munama, te nage tonobo gasagi me mu yaibao. Te Godigo po odisąbo bidi dabe, me te God gedude wiegi yai isąbo hani bidi dabe, te augwali nage tomoba me asogobeo.

Aisaia 59:17

Agai te doloba pai kolesaga te kapa holobo ugwa mubo tiwai eyu, te aga hagawiade mesega sabo tiwai yali. Te aga te we bidi ma sabo bomo te hwįbo madi kapa tiwai muani. Te aga ugwa gudubo tiwai bomonama dąų ola selama, te dwai sę ebo bidi dabeba dene mawainu tiaibao. Te aga haliga sębę ebo te bobobage ugwa aiyaba tagalalubo tiwai yaibao.

Aisaia 61:10

Te eno pemene ebo wiegi yai balia Godiba waibao, eno Genuai Bidi dao. Te eno pemene umabo mu yaibao, magi baso meni, agai ena ma sali. Te aga wiegi yai sogo te aga doloba pai kolesagago ena te bobobage wiegi yai ugwago mesega sabo tiwai yali, te ena te we sabo bidigo au ebo tiwai eyu, te we aga bidigo aga kębo sogode au ebo tiwai yai dao.

Aisaia 61:5

Te gasa bulu tǫ kantri bidi dabe aselama, dagego sę yagasaibao. Te dagego sipsip dabe augwaligo tonalu, te augwa tǫ elama, nai bulaibao. Tama augwaligo te dagego wain gi me tonaluaibao.

Jeremaia 10:11

Dage Israel, dagego te Genuai Bidigo po odisąbo bidi hani augwaliba te tiwai po wao, “Te dagego godigo te tǫ me dagalu nigibeo, tama te god dabe dolobaso da, te munu ma tǫde me dagalu dologode me bidigobeo,” te po wao.

Jeremaia 10:15

Augwali te olo nai mu tiwai elalubao, te bidi dabego posobo po augwaliba waibao. Te god dabe da dolama, te mu sia saibao.

Jeremaia 25:19

Tama enote kap te Isip kingba me mayu, te aga sę bidi dabeba, me te aga ofisa dabeba mayu, te aga we bidi dabebamawaibao,

Jeremaia 43:13

Aga te Isipde bidibo sogo, agai te we bidi dabego bede te giliga augwa god dao olama, lotu udali bobage masigi pos aluaibao. Tama agai te Isip dabe tibo godigo lotu be dabe tigidali siago ulaibao,” Israelgo God Genuai Bidigo te po wali,’ te po te Juda dabeba pusao,” Genuai Bidigo te po wai.

Jeremaia 46:25

Tigidali Bomo Elalubo Genuai Bidi, aga te Israelgo God, agai te tiwai po wali, “Odao. Eno dwai dene te Emonba tamadi mawaibao, te Tebes taunde tibo god dao, te Isip king dali, te we bidi dabego me, te homu eyu, te kingo augwali tau selama, bugagia bidaibao homu ebao. Eno te dwai dene mabo sę te Isip kantri we bidi dabe dali, te augwa god dabe, me te aga kingba te dwai dene mabo sę yaibao.

Jeremaia 48:7

“Moap, nago te yali sę dabede me, mone dabe me, homu kone palobo sę bomo elalu, te nago homugo te nai dabego nage tau selama, te nage bugagia bidaiba homu ebao. Tialima, nago te homu ebo te wiegi yai menio. Tibaso da, te boi bidi dabego te boi hwįbaso, te nage aiyaba elalueibao. Tama nago tibo god Kemos te augwaligo selama, te gasa bulu kantriba kalabus igibu sela paibao, te aga pris bidi dabe me, te Moap tobolu bidi dabe dali sela paibao.

Jeremaia 49:27

Eno te taun Damaskus bagulali obo isigo ulama, tama te isigo te king Benhadatgo bomai be dabe me siago daibao,” wai dao.

Jeremaia 50:2

“Tigidali we bidi haniba pelama, te po pusao. Te ugwa plak ugwaba sao, te bidi dabego sulama, te po odagasomainao. Te po geme dualubo tagalao. Augwaliba te tama po wao, ‘Te boi bidi dabego Babilon salio. Bel, te Babilon dabego tibo god, aga hale dwai mu yaibao. Te god Marduk me te midigi dwai mu saibao. Te Babilon dabego dwai tibo god dabe te hale dwai mu elama, te midigi dwai mu saibao.’”

Jeremaia 51:44

Eno te Babilongo tibo god, te Belba dwai dene mabo sę eyu, te eno agai te dalali nai dabe bugulabo sę ilaibao. Tama te tǫ kantri we bidi augwali agaba me asogobeo. Tama te Babilon bagulali genuai obo te tigidali pepeda paibao,” te po wai dao.

Esekiel 29:11

Tama te kibu be 40, bidi sese si kibu bede, te nai dabe me deli te kantri Isip tomode me elalugobeo. Tama tede bidi ma hasa dabe tede me biligobeo.

Esekiel 29:19

Tama tialima, megi da, God Genuai Bidi eno te po obao. Eno te Isip dabego tǫ te king Nebukatnesarbolo mawaibao. Agai dolama, tama Isip dabego mone dali, doado bage dali sese sela paibao, te aga ami bidi dabego bomai sę yali pe tiwai saibao.

Esekiel 30:13

“Ena Genuai Bidi eno po genina ma weyu, te po wali. Te eno te taun Memfis te Isip bulude te tibo god dabe piksa noma sese tama mu silaibao. Te eno Isip dabego king sela sąnama, tama Isip dabego king meni emainu yaibao. Tama eno te Isip dabe augwali wi dwai mu emainu ilaibao.

Daniel 11:8

Agai te augwaligo tibo god dabego piksa dali, te tibo god augwa wiegi yai doado bage dabe dali, tigidali saibao, te augwaligo gol me silvago nigali. Tama agai te tigidali nai doado bage te Isipba sela paibao. Te hwįsąbadi kibu be meba bidaibao,

Sefanaia 2:11

Genuai Bidigo augwali wi dwai mu emainu ilaibao. Te agai te tigidali kantri dabego tibo god dabe olo nai pedelemainu ilaibao. Tama tigidali tǫ we bidi augwali augwa kantride bidiyu, Genuai Bidiba naga lotu po weyu yaibao.

Polgo Po Pas Rom Dabeba Asęani 13:12

Te be hulialuali silainogo elama, tama pąde be posainogo ebao. Tama tibaso, dago te be hulia saide bidibo we bidigo ebo dwai kolesaga ebo tagalao. Te ami bidi dabe augwaligo augwa pibo ugwa guda munama, tama te augwa tigi duala sabo hwįabo ugwa gudubo dao. Tama te tiwai gilama, dago te dwai bidi Satan aiyaba elaluabo wiegi yai kolesaga te dago ugwa gudubo gilama guda sao.

Efesus 4:24

Tama dagego dwai meda yai kolesaga ebo tagalama, tama dagego wiegi yai gesi kolesaga eyu tama dage te gesi noma bidi tiwai pedalao, te aga tigi wę paluai bidigo aga gesi ugwa gudubogia tiwai yao. Tama dage te gesi noma bidi tiwai pedaloyu, tama God aga digi agai te dage gesi noma bidi nigali, tama dage God aga homu kolesaga tiwai mu pedalainogo nigali. Tama tibaso, gasa we bidi augwaligo dagego Godigo po odoyu bidibo sumainogo te dagego bugagia bidiąo. Tama tiyu, dage gasa we bidide te wiegi yai dolo mu kolesaga naga eyu, tama God agade te dagego aga pabo tųdu naga peyu yao, aga gedude doloba pai we bidi mu bidiąo.

Efesus 6:11

Tama eno dagebolo hwįbo po digi po begelama megi obao. God agai dagebolo te duga tigi duala sabo nai mobao. Tama dagego bomo eyu, te dwai haubo noma bidi Satango geme dualama ebo dwai kolesaga tigidali te aiyaba elaluyu, dage bugagia dolalumainogo eyu, tama dagego te tigi duala sabo nai tigidali selama tigide muao.

Kolosi 3:12

Dage da, te Godigo we bidi hani dao. Agai dage dali dwagi yai homu eyu, tama dage godolo ebaso tama dage aga we bidi hani pedalomainogo, agai dage te tigidali we bidi tomodu dią sali. Tama dią sobaso, bidigo aga gesi ugwa dabe gudubo tiwai gilama dagego e dwagi yai kolesaga selama tama yao: dagego we bidi hobede yao, augwalibolo dwagi yai sę naga yao, hagoma homu eyu duga nogi ugwaba sigio. Sesena pai homu egimio, we bidi dali dua dao. Bidigo dage dali dwai sę ebaso da, te dagego sula tagalama sębę polo egimio.

Kolosi 3:14

Tama te duga hasi dwagi yai homu eyu godolo ebo kolesaga me te eno megi nogi yali haniani dwagi yai kolesagaba te polalubo kolesaga dąų walao. Te duga hasi dwagi yai homu eyu godolo ebo kolesagago te gasa haniani wiegi yai kolesaga deliba sisinama, tama wiegi yai mu pedalama tama usu niba kadu mu waibao.