Jeremaia 42:10 - Godigo dwagi yai po buku

¹⁰ ‘Dage te Judago tǫde bidibaso da, teda ena, Genuai Bidi, te eno dage dąų walama, te dage eno aiyaba me elalugobeo, magi baso meni, eno te dene mabo sę dageba yali, tego ena haliga sęgę mu ilai dao.

Jeremaia 42:10 Iomraidhean Croise

2 Samuel 24:16

Tama te we bidi dolobo sę ebo mobo bidi ensel, aga te Jerusalemba sabolama, tama te Jerusalem dolainu sisi elaluali. Tiali goli, Genuai Bidigo te dwai sę te we bidiba pedalubo sęde te homu dene yali. Tama aga homu hasegelama, tama te mobo bidi enselba te tama po wai, “Tagalao, te usu dao,” wai. Te sogo te mobo bidi ensel te augwa te wit nai ge siyu, tama te bo wali dabe sela sąbo pesage me deli pąde te dolaluali. Te tǫ pedai te Arauna, te Jebus hani bidi me deligo tǫ elaluali.

Godigo Nogi Ugwaba Sabo Tęąbi Po Wabo Buku Dabe 102:16

Nosali, Godigo te Saion taun ma nigibo sogo, agai te aga bomo te we bidi dabeba ola mawaibao.

Godigo Nogi Ugwaba Sabo Tęąbi Po Wabo Buku Dabe 106:45

Agai augwali homu dene mu elama, tama aga dąų walali poba homu kone ma palali. Tama aga homu ma hasegelalio.

Godigo Nogi Ugwaba Sabo Tęąbi Po Wabo Buku Dabe 37:3

Nago konealubo homu Godiba munama, tama wiegi yai kolesaga yao. Nago tama tiali da, tama nage te naga tǫde sesabi elama bidaibao, tama magi nai me deligo nage me dologobeo.

Godigo Nogi Ugwaba Sabo Tęąbi Po Wabo Buku Dabe 69:35

Magi baso meni, Godigo te Saion we bidi dabe te boi bidi dabego nogode ma dobola selama, tama agai te Juda dabego taun ma nigaibao. Agai tama tiyu, tama te Godigo hani bage augwa te taunde bugagia bidiyu, tama te tǫ tigidali somainu yaibao.

Ma Dobola Sali 32:14

Tama Mosesgo te tiwai gedu haluasa po obaso, tama Genuai Bidi aga homu ma hasegelama, tama aga te we bidi dolainu yali nai te aga we bidiba me tagala palobeo.

Jeremaia 24:6

Te eno augwali bugagia tonalu, te augwaliba wiegi yai sę yaibao. Tama augwali eno te e tǫba ma odasa asaibao. Te eno augwali dąų walama, te eno augwali aiyaba me elalugobeo. Te eno augwali bulama, te eno augwali me digągobeo.

Jeremaia 26:19

Maikago te tiwai po obaso, te Hesekiago me tigidali Judago aga ela muai da, agawe? Mu menio. Hesekia wi elama, te Genuai Bidi dologoba pelama, te Genuai Bidiba hanaluama, te agaba te olo mu tau sabo wiegi yai kolesaga emainogo yali. Tama Genuai Bidigo homu hasegelama, te agai augwaliba yaiba po wali sę te ebeo. Tialima, megi dago te Jeremaiabolo yainogo ebo kolesagago da, te daba digi genuai sęgę sesaibao,” te tama po wai.

Jeremaia 27:11

Tialima, te tǫ kantri bidi hani dabe me deligo te Babilon kingo augwali tonalumainogo eyu, te bulmakau te bidigo aga magede te ni nami pedai munama, te aga sę ebo tonalumainogo ebo tiwai ebaso da, teda eno te we bidi dabe te augwa tǫde bugagia bidimainogo eyu, augwa gi sę emainogo yaibao. Ena Genuai Bidigo eno te po wai dao.”

Jeremaia 31:28

Polobadu augwali enotonaluali, te gudumainu, me augwali alumainogo eyu, meaugwali aiyaba elalumainogo eyu, augwali dolomainuelama, te dwai sę augwaliba emainogo yai. Tialima, megi da, ena Genuai Bidi, eno te po obao, te augwali enotonalu, te augwali nigilama, te augwali bulama, te augwalibugagia bidaibao wai dao.

Jeremaia 33:7

Te sogode, eno te Juda hani dabe me, Israel dabe me, bugagia ma bidimainogo yaibao. Tama eno augwali bomai hani pedalumainogo elama, te polobadu tiwai yaibao.

Jeremaia 43:4

Augwaligo te tama po olama, te Johanan, me gasa ofisa dabego, me te tigidali we bidigo te Genuai Bidigo po sela sąnama, augwali te Juda tǫde bidibeo. Menio.

Esekiel 36:36

Tama dage Israel dabe duga tǫde ma bidibo sogo da, te meba gasa hani dage pąde bidibo bidi dabe auwaligo e tama bugagia koneaibao, ena Genuai Bidi ena digi te dolali taun ma nigiyu, me eno te dasu dwai mu holai gi ma eyu yai dao. Ena Genuai Bidi eno te sę yabo po dąų walaio, tama eno te tama sę yaibao.’ Te po tigidali nago te Israel bagebolo pusao,” Genuai Bidigo enabolo te po wai.

Hosea 11:8

“Dage Israel, te eno dage tagalu da me egobeo,” wali, “te ena dagede wi me pogobeo. Tama eno dage te bulu Atma me Seboim, te bulu si bidi hani mu silali tiwai gilama da me tegobeo,” wai. “Eno dage tigidali mu doloyu da me egobeo, magi baso meni, eno dage godolo homu mu ebo dao,” wali.

Joel 2:13

Te duga homu dene ebo ola mayu, te dagego ugwa dabe olodali pisagimio. Te duga haligade digi te duga yali dwai sęde homu dene mu yao,” Genuai Bidigo te po wali. Dage te Godiba ma asiyu, te dena Genuai Bidi dao. Agade te olo mu tau sabo wiegi yai pemene ebo homu kolesaga pągąnalubao, te dade wiegi yai sę ebao. Godigo dabolo te dua dua eyu, sębę polo egobeo, te da sesemane sogo godolo mu ebao. Sesemane sogo agai dago dwai sęgę sela sąyabo sisi idu, te dabolo dwai dene ilabo homu ebe dao.

Amos 7:3

Te po obaso, Genuai Bidigo homu hasegelama, agai te tama po wai, “Nago te nade suali nai, te pedalumainu me egobeo,” te po wai.

Amos 7:6

Tama tibaso, Genuai Bidigo homu ma hasegelama, te po wai, “Te sę me, pedalugobeo,” wali.

Jona 3:10

Tialima, augwaligo augwa dwai kolesaga ebo tagalali, tama Godigo augwaligo te tebo sę suai. Godigo agai homu hasegelama, tama agai te sę yaibao wali, tama te dwai dene mabo sę agai me ebeo.

Jona 3:4

Megi da, Jona pabo gagalama, te hanu tomoba pai. Te aga pali deli sogo sabolama, tama i bomo elama, te bidi dabe augwalibolo weyu te po wai, “Nosali te bidi sese si wabo bodolu sogo silibo si, tama te Ninive moni hanu e tigidali mu dolaibao!” Te po wai.

Jona 4:2

Tama agai Genuai Bidibolo gedu haluasa po weyu, te po wai, “Genuai Bidio, nago eno po odao. Eno bulu tagalama, e buluba asisiąbadi, tama eno koneani, te nago tama tiaibao naga wai. Tama ena wi peyu, tama ena te tǫ Tarsis teba painu yai. Eno koneani, nage te homu dene elama, olo tau sabo dwagi yai kolesaga ebo God da. Nago sębę polo me egobeo. Menio. Nago dade homu dene genilama mu ebao. Nago homu kolesaga hasegelama, tama nago te bidi dwai ebo wei me ponobeo.

Godigo Sęba Tagala Palai Bidigo Po 15:16

‘Genuai Bidi agai te po wai, “Nosali sogo ena ma asaibao. Augwaligo be me dodolama bidibo, polobadu be gagawali, degasa palio. Tiali goli eno te be ma gesi sę yaibao. Tama te tiwai eno gesi kolesaga te Devitgo hani ma hodalagasaibao,” wali.

Bomai Po 32:36

“Tama Genuai Bidigo aga hani we bidigo bomo sia selama, deli deli bidi naga bidibo subaso da, teda agai augwali te deli deli bidi dabe hobede elama, tama augwali agai sę ebo bage augwali ma oda saibao.

Te Israel Tobolu Bidi Dabe 2:18

Tigidali sogo Genuai Bidigo te Israel dabego tobolu bidi me deli sa muani, te agai tonalua pidubadi, te aga isiboba usu niyu yali. Tama te tobolu bidi dabego te Israel dabe tau siyu, te boi bidi dabe aiyaba elaluali. Genuai Bidigo te augwali homu dene eyu, tau sali, magi baso meni, augwali te augwa yali sęde dene me sęgę te boi bidigo nogode siyu, gela weyu yali.