Jeremaia 41:5 - Godigo dwagi yai po buku

⁵ te bidi sese me si me si te taun Sekem, me Silo, me Samaria, te bulu bidi dabe te sunumidu aselama, te Mispa pąba yagasali. Augwaligo te nai wit meba badi, te wiegi yai denami ebo pauda me selama, augwali te Genuai Bidigo be te Jerusalemba selasa aselama, te ofa yainogo yali. Te bidi dabe augwa penani nisi poalama, te augwa ugwa pisilama, te augwa tigi tologolama, te augwa polobadu yali dwai sęde homu dene ola mayu tiai dao.

Jeremaia 41:5 Iomraidhean Croise

Tigidali Nai Gagalama Nigali Side 33:18

Jekop te Mesopotemiadu ma begasa asali, tama aga Sekemgo hanuba, te Kenan tǫ pedaiba bugagia nosali sabolai. Tama aga ugwa be dabe te hanu pąde sę yani.

Tigidali Nai Gagalama Nigali Side 34:2

Hamor, aga te Hivi hani bidi me deli, aga tede tobolu bidi nigilama bidai. Agai ogwa, te Sekem, agai te Daina sulama, tama agai aga nogo tulama, tama aga dali dwai sę yali.

Tigidali Nai Gagalama Nigali Side 37:12

Nosali te Josepgo ama dede augwali te augwa ayago kibu sipsip tonalugi peyu, te Sekemba pali.

2 Samuel 10:4

Hanungo te po odama, tama agai te Devitgo hani bidi dabe pageabi elama, tama augwaligo penane nisi me badu togolama, tama me badu te elalubadi, tagalali. Tama agai te augwaligo bobage gudali ugwa te togolama, pęwadage mu igulali, te gasa bidi dabego augwaligo tigi habu mi sumainu ebo tiwai ilama, tama agai augwali te augwa buluba tagala palalio.

Te Israel me Juda Hani Sigo Tuni Bidigo Po Elalubo Buku Deli 12:1

Te bidi Rehoboam aga te Sekem hanuba pali, magi baso meni, te tigidali Israel hani we bidi dabe, te not badu bidali hani we bidi dabe, augwali te taun Sekemba sisinama bidibaso, te bidi Rehoboam aga augwa king bidi nigilaiongo yali.

Te Israel me Juda Hani Sigo Tuni Bidigo Po Elalubo Buku Deli 12:25

Te king Jeroboamgo te taun Sekem masigigo nigai obo ma geselama, dąų walama, te Efraim bulu dudu gagalama, tama te taun Sekem bagulama dąų wali. Tama tilama, me badu sogo aga te taunde bidali. Tama nosali te hanu tagalama, tama aga te Penuel hanuba pelama, tama te hanu te Gileat bulu pedaide elalubo hanu da, tama agai te hanu me obo masigi bagulama, te hanu bugagia dąų walali, magi baso meni, te boi bidi dabego te hanu sidali weyu yali.

Te Israel me Juda Hani Sigo Tuni Bidigo Po Elalubo Buku Deli 16:24

tama nosali te king Omri agai te dwasianu bulu du me deli elalubo tǫ dobu elama sai, tama te bulu dude te agai homugo te hanu taun nigilama, tama te dila pai obo mu masigigo nigai. Agai te dobu yali tǫ te bidi me deligo tǫ da, te bidi nogi Semer, tama agai te tǫ dobu yali silva mone te 60,000 kina agai te bidi Semerbolo mawai. Omri agai homugo te bidi Semer nogi koneama, tama te agai te hanu taun nogi te Samaria taun nogi poai da.

Te Israel me Juda Hani Sigo Tuni Bidigo Po Elalubo Buku Deli 16:29

Asa aga te Juda hani dali king bidi bidibadi, aga e tama kibu be usu nama bidai, 38 yia bidali, Ahap aga te Omrigo ogwa da, aga te Israel hanigo king bidi nigilama bidali. Tama aga te Samaria bulude king bidi nigilama bidali kibu be, te 22 yia usu bidali.

Te Israel me Juda Hani Sigo Tuni Bidigo Po Elalubo Buku Si 25:9

Tama agai te Genuai Bidigo tempel be me, tama me te Juda hanigo king bidigo be me, tama me te Jerusalemde bidibo genuai bidi dabego be dabe tigidali sia tulama, tama siago dela pela silali. Te Babilon hani augwaligo mu te be me tulube.

Tuni Bidi Dabego Po Elalubo Buku Deli 19:4

Hanungo te po odama tama agai po obaso agai sę ebo bidi dabego te Devitgo tagala palali te hani bidi dabe pageabi elama, te augwaligo penane nisi me badu poa yalio. Tama me augwaligo gudali bobobage ugwa te togolama pęwadage ilali, te gasa bidi dabego augwaligo habu mi sulama hale yabo sę ilalio, tama tilama agai te bidi dabe tagala palalio.

Godigo Nogi Ugwaba Sabo Tęąbi Po Wabo Buku Dabe 102:14

Te Saion taun dolali, tiali goli te nago we bidi dabego aga wei mu ebao. Megi da, aga dolali, tiali goli augwaligo aga homu dene mu yai dao.

Godigo Nogi Ugwaba Sabo Tęąbi Po Wabo Buku Dabe 78:60

Tama agai te aga Silode elaluali ugwa be tagalalio. Te bede aga te we bidi dabe tomode bidali.

Aisaia 15:2

Tama tibaso, te genuai hanu Dibon we bidi augwali te augwa tibo god dabeba lotu wabo pesageba dabe pelama, tama gela wagi pali. Te Moap dabego te hanu Nebo, me hanu Medeba polo dolai yaibaso, gela wali. Augwali hobede mu elama, tama augwa tobolu nisi me penane nisi poala sąyanio.

Jeremaia 16:6

Te kantri tǫde bidali tigidali genuai bidi me, olo bidi me, te isaibao. Te augwali pubulabo bidi menia saibao. Te augwalide homu dene eyu, gela wabo bidi meniama, te aga digi aga tigi wali tologoyu, te aga tobolu nisi poawaibao, te aga homu dene ebo ola mayu, te tama tegobeo.

Jeremaia 41:4

Te nosali side, te bidi dabego te Gedalia isali konesiąwani sogo,

Jeremaia 47:5

Te Gasa hanude bidibo bidi dabe augwa haliga sęgę dwai mu elama, augwa tobolu nisi pola sąwaibao. Tama te taun Askelon mu dolaibao. Dage te odo malu bulude bidalubo dwasianu hani, nisu sogo dagego homu dene ebo silama, te dagego duga tigiwali togobo kolesaga tagalaibawe?

Jeremaia 48:37

Augwa homu dene mu elama, augwa tobolu nisi me penane nisi poawaibao. Te augwa nogo dabe togoyu elama, te hobede ebo ugwa gudaibao.

Jeremaia 7:12

“Dage te Siloba pelama, eno te taunde yali sę suao. Hasia eno te Silo dąį ilali, te enaba lotu wabo pesage elalumainu yali, tiali goli, nosali eno suali, te Israel dabego dwai kolesaga ebaso, eno te taun dolai dao.

Jeremaia 7:14

Mu dao, eno te tempel be dąį ilali, te dagego enaba lotu weyu, te dagego konealubo homugo te bego dage tau selama, bugagia bidimainu homu yali. Tialima, ena, Genuai Bidi, eno po dolo dagebolo obao, eno te be dolaibao, eno te Silode ena te be dolali tobage kolesaga tiwai yaibao. Tama me, te eno duga wąį nǫų dabeba mani tǫ me dolaibao.

Joel 2:13

Te duga homu dene ebo ola mayu, te dagego ugwa dabe olodali pisagimio. Te duga haligade digi te duga yali dwai sęde homu dene mu yao,” Genuai Bidigo te po wali. Dage te Godiba ma asiyu, te dena Genuai Bidi dao. Agade te olo mu tau sabo wiegi yai pemene ebo homu kolesaga pągąnalubao, te dade wiegi yai sę ebao. Godigo dabolo te dua dua eyu, sębę polo egobeo, te da sesemane sogo godolo mu ebao. Sesemane sogo agai dago dwai sęgę sela sąyabo sisi idu, te dabolo dwai dene ilabo homu ebe dao.

Bomai Po 14:1

Mosesgo po geninama weyu, te po wali, “Dage da, te Genuai Bidi dago God agai wai puluba dao. Tialima, dage te isai bidide gela weyu da, te usu dao. Tiali goli, dagego duga tigi wali me togoyu, o duga tobolu nisi gebo badu me poayu me igio. Teda te wani yaibao, te Godigo po wali pisąbo bagego ebo gilama yaibao.

Josua 18:1

Te Israel dabe augwaligo boi hwįnama, te tigidali bulu bidi dabe aiyaba elaluama, tama augwa hani tigidali te Siloba sisinani. Tede augwaligo te God dali sisinabo lotu be, te ugwa be, te augwaligo dodolama muai.

Josua 24:32

Te Josepgo dili te we bidigo Isipdu tolasa asali, te augwaligo te Sekemde pubulali, augwaligo te Jekopgo te mone 100 silvago te Hamorgo ogwa dabe dali polobadu abelali, te tǫde pubulali. Hamor te Sekemgo aya dao. Tama Josepgo hani augwaligo te tǫ sali.

Te Israel Tobolu Bidi Dabe 18:31

Tama te Maikago tibo god dabe tede elalubadi, te Godigo ugwa be te Silo bulude elaluai dao.

Te Israel Tobolu Bidi Dabe 9:1

Te Abimelek, te Jerubalgo ogwa, te Sekem hanuba pali, te bulude te aga idago deli kanemede ame nani abe dede te bulude bidali. Tama Abimelekgo te aga deli kanemego nigali bagebolo olama,

1 Samuel 1:7

Te hauwa kibu bede Peninago te tobage kolesaga te Hana dali yali. Tigidali sogo augwali te Genuai Bidigo beba pabo sogode, Peninago te Hanaba posobo po obaso, tama Hana aga te pode homude dwai dene ebaso, tama gela weyu yali, tama tiyu, aga nai tusiąma, nai gisiliyu yai.