Jeremaia 40:2 - Godigo dwagi yai po buku

² Tama te sogo Nebusaradango Jeremaiabolo te tiwai po wali, “God, nago Genuai Bidigo, te po hanilama weyu, te dwai nai te tǫ kantriba pedelaibao wali.

Jeremaia 40:2 Iomraidhean Croise

Jeremaia 11:17

Ena Tigidali Bomo Elalubo Genuai Bidi dao, eno te ni bulali, tialima, megi eno te po obao, aga dolomainao. Dage Israel hani dabe me Juda hanigo te god Balba lotu weyu, te wiegi yai denami ebo ofa me ebao. Dagego te dwai kolesagago te ena haliga sębę dwai mu ilibo dao,” wali.

Jeremaia 50:7

Te subigila bidi hanigo augwali sulama, te augwali dolali. Tama te boi bidi dabego te tiwai po wali, ‘Te dago augwali dolabo page elalubaso, me dolobeo. Magi baso meni, augwa digi te Genuai Bidiba dwai sę yali. Genuai Bidi da, te augwali bugagia toma neyu, bidabo pesage tiwai elalubao. Te augwa wąį nǫų dabego konealubo homu dąų olama, te agai augwali tau somainogo tonaluai. Aga te augwaligo Genuai Bidi dao,’ te boi bidi dabego te po waibao,” wali.

Jeremaia 52:16

Tialima, meba Juda te tigidali nai mu sǫą paibaso, augwali bidalumainogo tagalama, te wain gi dabe me gasa gi dabe tonalumainogo yai dao.

Pris Sę Ebo Bomai Po 26:14

Genuai Bidigo po te tiwai ma wali, “Te dagego eno po sela sąyu, tama dagego te bomai po dabe sela sąbaso da, teda eno dagebolo te dene mabo sę yaibao,” te po wai.

Bomai Po 28:15

Tama Mosesgo po geninama weyu, te po wali, “Tiali goli, dagego Genuai Bidi dago Godigo po sela sąnama, tama dagego agai bomai po eno megi dagebolo mabo te po tigidali bugagia wali pisąma eyu da, teda e tama dwai sę dabe dageba pedelaibao,” wali.

Bomai Po 31:17

Te augwaligo te tama tibo sogo da, teda eno augwali sębę dwai mu yaibao. Tama tibaso, eno augwali tagalama, tama augwali tudi ola mawaibao. Tama augwali mu dolaibao, tama dwai sę dabe hauwa mu augwaliba pedelaibao. Tama augwaligo te po waibao, ‘Te God da dali bidibe yali bogo, tama te dwai sę dabe daba te pedalobo yabao,’ te po waibao.

Bomai Po 32:19

“Tiali, Godigo aga wai dabe augwaligo te dwai kolesaga ebo sulama, aga sębę elama, tama augwaliba tudi ola mani.