Jeremaia 4:23 - Godigo dwagi yai po buku

²³ Ena Jeremaia, eno te tǫ dolai olo mu tama elalubo suali. Te eno dagaluba tonono ebadi, te magi me deli ula me ebo subeo.

Jeremaia 4:23 Iomraidhean Croise

Tigidali Nai Gagalama Nigali Side 1:2

Te olo elaluyu, te gasagi yai tedali elaluali. Tama te megi te tǫde bidibo nai dabe augwali te sogo meni yai yai. Tama te be hulia saligo te genuai wę halua sai elalubadi, tama Godigo Mobo Bidi te daidu iba peyu, eda asu yai.

Aisaia 13:10

Te sogo te tigidali hǫ dabego ula sula saibao. Tama giliga pedalaibao, tiali goli agai ula hulia sigi paibao. Tama polua munu me nanogobeo.

Aisaia 5:30

Tama te sogo boi bidi dabe aselama, Juda bulu dolagasaibao. Tama augwaligo kulukulu genuai mu waibao, te tamu wę holama, wę kemi saneba asiyu, u wabo tiwai yaibao. Tama te bidi dabego te buluba tonagasobo si da, teda augwaligo te bulu sisi pǫgo mesega selama, giliga ula sininai suaibao. Tama te bulu mu hulia sai suaibao.

Jeremaia 2:12

Tialima, ena Genuai Bidi, eno te po obao, ‘Dagalu, nage te Israel dabego ebo dwai sę ebo kolesagade dwai midigi mu sao. Te nage hale elama, didibili eyu, te dwai haliga mu iduao,

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Te We Bidi Dabego Jerusalem Hagede Gela Wali 3:2

Agai ena mu hulia sai sunumidu mu pomainu ilalio.

Joel 2:10

Augwali pobadi, te tǫ dali, dagalu dali si mumunu yaibao. Tama giliga dali, polua si, te hulia saibao, tama te hǫ ula ma egobeo.

Amos 8:9

Te sogode eno te giliga tomo yagasu, te nai tubo belo dolo ebo side te giliga iba dega sigulubo tiwai ilama, te be hulia sabogo te giliga tomo elalubadi mu halueibao. Ena God, Genuai Bidi, eno te tama po obao.

Sekaraia 14:6

Tama te ula te giliga nanobo sogode naga me pedalubeo. Menio.

Matyu 24:29

“Te sogo te genuai sęgę yali te silai madi, tama polo te sia ge hulia selama, tama te polua ula me egobeo, tama te hǫ dabe dagalude tulaluaibao. Tama te dagalude bomai nai te tǫ mali tiwai elama, gęǫ page yaibao.

Matyu 24:35

Te dagalu de tǫ si da, te silaibao, tiali goli eno po da, te munu me sia sogobeo,” Jisasgo te po wai.

Kraisgo Geme Dualali Sę Pedelabo Po Jonbolo Ola Mani 20:11

Te eno suali, genuai tedela yai te tuni bidi duabo nai elaluali, tama bidi te duabo naide dulaluai. Tama tǫ dali dagalu si te agade wi pali, tama augwaligo bulu ma elalugobeo. Menio. Augwali si mu silalio.