Jeremaia 4:20 - Godigo dwagi yai po buku

²⁰ Augwaligo te tigidali tǫ kantri badu te we bidi dabe mu dolama, te tǫ kantri dwai mu pedelali. Polo mu tama, augwaligo te dago ugwa be dabe dolai dao.

Jeremaia 4:20 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 72:19

Te agai wiegi yai nogi te sesemane sesemane sogo ugwaba sao. Te agai Genuai nogigo te tigidali tǫ badu usu nai dao. Te mu tama dao.

Ma Dobola Sali 33:5

Tama Genuai Bidigo po Mosesgo te Israel we bidi augwalibolo omainogo te po wai, “Dage te hagoma ebo we bidi dabe mu dao. Te ena dage dali pobaso da, teda eno dage dolabuo. Te ena dage dali pęwadage sogo naga bidagasali goli, te eno dage tigidali dolabuo. Tialima, odiąo, te dagego tigide elalubo ring gol te nai dabe tigidali peda sąwai madi, tama eno mena tiwai kolesaga dagebolo yabo te eno homugo bugagia konemainogo yaibao.” Te po wai.

Aisaia 13:6

Dage gela bomonama wao. Magi baso meni. Te Genuai Bidigo aga tigidali we bidi po tųde dodolabo bodolu pąba polo yagasalio. Tama te sogo God Tigidali Bomo Elalubo Bidigo te genuai dolabo sę taga palaibao.

Aisaia 15:5

Eno Moap dabe hobede ebaso, gela obao. Magi baso meni. Augwali augwa bulu tagalama, wi te hanu Soarba peyu, te hanu Eklat Selisia wi peyu ebaso. Augwali gela genina mu olama, tama augwali te sunumidu ugwa hanu Luhitba holobao. Tama me, augwali gela elali te Holonaimba pabo sunumidu ugwaba holoyu, tama augwaligo geda genuai mu obao.

Aisaia 33:20

Dagego Jerusalemba toniąo. Te da dago genuai hanu, te da tigidali genuai lotu po wabo sogo dabe sisinagasabo hanu dao. Te da te da bugagia bidiyu, toma tuyu ebo bulu dao. Aga te sel ugwa be te bidi dabego bono togolama, ni dabe gudasa, pisąma yabo sel be tiwai dolaluaibao.

Aisaia 47:9

Tiali goli, hobede ya, te deli sogo naga te sę si nageba pedalaibao. Naga bidi dali, naga wai puluba tigidali me, te deli sogo naga isaibao. Nago te naga digi naga tonalubo haniani bomai pobi po elaluba homu yaibao, tiali goli te pobi pogo nage tau me sogobeo. Menio. Te dwai sęgo isaboba kegebao.”

Aisaia 54:2

Nago genuai tǫ pedai dąį elama, te nago ugwa be tede sę yao. Nago ugwa be ugwade eda si dedelasa pelama, te bono bobobage tagalama, te ni tǫba bomonama tulama, te bono dabe bomonama kekelama, te nide kęao.

Jeremaia 12:11

Tama te tǫ te bidi meniama, olo bulu mu elalueibao. Tama te tǫ hobede yai gela wedu, te eno agai gela odomainu tiaibao. Te bidi mego te tǫde sęgę homu kone me palogobeo.

Jeremaia 17:18

Tama megi eno homugo nago te enaba dwai posobo po sę ebo bidi dabeba hale ilama, te augwa homu dolomainao. Tialima, nago ena homu dolobo sę me isąyu, te ena hale me iligio. Eno homugo nago te dwai sę ebo sogo augwaliba pedalumainogo ilao, te nago augwali dwagila augwali mu doloyu da yao, ena Jeremaiago te po wai.

Jeremaia 4:21

Nisu sogo te boi bidi dabego da tagalama, te augwa buluba ma begasa peyu, tama dago te niba walobo ugwa plak ugwaba sabo kolesaga me, te biugel bu wabo me tagalaibawe?

Jeremaia 4:27

Genuai Bidigo te tama po wai, “Te tǫ tigidali te olo nai tama pedelaibao,” wali, “tiali goli, te eno aga tigidali mu me dologobeo.

Jeremaia 4:6

‘Te we bidi dabe te Saionba pomainu po walobo plak ugwa ugwaba sao,’ wali. ‘Dage me bidigio. Dage wi pelama, duala sigi pao. Magi baso meni, eno digi te tǫ boi bidi dabe not badu bidali tagalama, te dage mu dolagasomainu ebao,’ wali.

Jeremaia 9:18

Tialima, te we bidi dabego te tiwai po wali, “Awe, te augwali polo asesą aselama, te daba hobede ebo tęąbi wagasomainao, te da gela umagia weyu, te dago gedude gela guai tulaluyu, te dago gesabidiba dulumainu yaibao,” te po wali.

Te We Bidi Dabego Jerusalem Hagede Gela Wali 3:47

Te boi bidi dabego da elama, te da wi elama, me da tulalumainu yabo nai dabe ilalio. Tama da sese tama dolama, tagalainu yali.” Dago te tobage gedu haluasa po wainao.

Esekiel 14:21

“Tialima, ena God Genuai Bidi, eno tama po obao. Eno te tobage dwai nai me si me si tigidali te Jerusalemba tagala palama, te Jerusalemba dwai dene mabo sę elama, te augwali mu dolomainu ilaibao. Te boi bidi dabe eno augwaliba hwįgi pomainu tagala palama, te eno augwali nai sǫą palobo sę mu ilama, tama eno te bulu uni hasa dabego augwali elemainu tagala palaibao, tama eno te dwai gasi augwaliba tagala palaibao. Te tama tebo kolesagade eno te we bidi dabe augwali me, te hasa dabe dali, ela silaibao,” te po wai dao.

Joel 1:15

Magi baso meni, te Genuai Bidi asabo side bodolu te pąba yagasalio, tama te bodolu side te Tigidali Bomo Elalubo Godigo te dolabo genuai sę daba tagala palaibao. Hobede da, te side te dwai mu dao.

Pris Sę Ebo Bomai Po 26:18

“Tama eno te kolesaga dabego dageba te dwai dene mabo sę ebaso, te tudi, badu nosali dagego eno po wali me pisąbaso da, teda eno te dwai dene mabo sę dageba mu geninaibao.

Pris Sę Ebo Bomai Po 26:21

“Te tama sęgę dabe dageba pedalubaso, te dagego hagoma idu, te po me odisąbaso da, teda eno dagego te ebo dwai kolesagade homu kone paludama, te eno dageba dwai dene mabo sę me mu ela pidubadi geaibao.

Pris Sę Ebo Bomai Po 26:24

teda eno digi dagego te ebo sęgęde homu kone palama, te eno dage dwai dene mabo sę genugia mu idubadi, te dage posolo dwai mu yaibao.

Pris Sę Ebo Bomai Po 26:28

teda eno haliga sębę dwai mu eyu, te eno dagego dwai sę ebo umagia mu wei ponodu, te dageba dwai dene mu madubadi geaibao,” wali.

Habakuk 3:7

Te tǫ kantri Kusan name ugwa be dabe eno suali, te mu dolai elaluali. Te Midian dabego ugwa be dabe te degasa pai elalua palio.

Israel Hanigo Namba 16:21

“Dage si gedao. Te we bidi taga pao. Megi tama eno te we bidi ela silaibao,” wali.

Israel Hanigo Namba 16:45

“Dage si te we bidi pagede gediąo, pelama, te we bidi taga pelama, digibulu gana doligi piąo. Tama polo tama eno augwali dolaibao,” wali. Augwali sigo te po odama, augwali si gesabidi aiyaba begelama, tǫba degasa dulali.

Matyu 10:28

Dagego tigi naga ela mubo bidi dabe te dage wi egio. Augwaligo dagego po wabo mobo noma bidi te dali me ela mugobeo. Menio. Te Godigo dagego tigi me noma bidi dali te genuai dene sabo te siade mu dolobo bomo elalubaso, te dage agade naga wi yao.

2 Tesalonaika 1:9

Tama te bidi dabe augwali e tama dene saibao, augwali Genuai Bidi gesabidide digibulu bidaibao, tama agai genuai ula dali bomo dali digibulu bidada peyu, bidada paibao, tama tiyu augwali mu dwai bidaibao.