Jeremaia 4:19 - Godigo dwagi yai po buku

¹⁹ Eno haliga dwai mu ebao. Eno te genuai dene tologobeo. Agai ena aiyaba mu elalubao, te eno homu kolesaga tigidali me dologobeo. Eno pedauwali me pania sogobeo, magi baso meni, eno odali, te ami bidi dabego te bu wabo biugel bu weyu, te i bomonama wabo odobao.

Jeremaia 4:19 Iomraidhean Croise

Tigidali Nai Gagalama Nigali Side 49:6

Eno te augwali sigo geme ebo sęde te eno usu da po me wagobe. Ena te augwali si sisinama bidibo pesagede me bidigobeo, magi baso meni, te augwali sigo te wado ebo sogo te bidi dabe ela muyu yali. Tama hagoma eyu, augwali sigo te dodolama bilibo kolesagago te bulmakau sągą babi kigibili tologobo da.

Te Israel me Juda Hani Sigo Tuni Bidigo Po Elalubo Buku Si 4:19

Te waigo augwali sę eyu bidibadi, te augwali tonono bilali, polo tama agai aga ayabolo i weyu, e tiwai wali, “E, aya, eno tobolude dene dwai mu ebo. Dene me elalubo.” Tibaso, aga ayago te aga sę bidi me delibolo wali, “E wai aga ida pageba auwasa pao,” wali.

Te Israel me Juda Hani Sigo Tuni Bidigo Po Elalubo Buku Si 8:11

Elisago te po tama ola silama, tama agai te Hasael aga bomo mu elama, gedugo tonaluai, tama tibaso, te Hasael aga te moni homu sęgę mu eyu bididubaso, tama Elisa gela mu wali.

Godigo Nogi Ugwaba Sabo Tęąbi Po Wabo Buku Dabe 103:1

Eno Genuai Bidigo nogi ugwaba saibao. Ao, eno tigi me homu kolesaga tomode elalubo nai tigidaligo Genuai Bidigo dwagi yai nogi ugwaba sainogo ebo dao.

Godigo Nogi Ugwaba Sabo Tęąbi Po Wabo Buku Dabe 116:7

Megi da, eno homu dua digi ma tegalubao, magi baso meni, Genuai Bidigo enaba wiegi yai sę mu yalio.

Godigo Nogi Ugwaba Sabo Tęąbi Po Wabo Buku Dabe 119:136

Eno gela hauwa weyu, tama eno gedu ąį gela gigua umagi mu yaibao, magi baso meni, te bidi dabe augwaligo nago bomo yai po wali pisąbaso, te ena gela wabo dao.

Godigo Nogi Ugwaba Sabo Tęąbi Po Wabo Buku Dabe 119:53

Eno suali, dwai bidi dabego nago dwagi yai po bolai, tama eno augwali dali wado po wabo dao.

Godigo Nogi Ugwaba Sabo Tęąbi Po Wabo Buku Dabe 146:1

Te Genuai Bidigo nogi ugwaba sao. Ena digi eno te aga nogi ugwaba sabo dao.

Godigo Nogi Ugwaba Sabo Tęąbi Po Wabo Buku Dabe 16:2

Eno Genuai Bidi Godibolo te po wai, “Nage eno genuai bidi dao. Tigidali dwagi yai nai eno tolalubo, te nai nago naga mabo nai dao,” wali.

Aisaia 15:5

Eno Moap dabe hobede ebaso, gela obao. Magi baso meni. Augwali augwa bulu tagalama, wi te hanu Soarba peyu, te hanu Eklat Selisia wi peyu ebaso. Augwali gela genina mu olama, tama augwali te sunumidu ugwa hanu Luhitba holobao. Tama me, augwali gela elali te Holonaimba pabo sunumidu ugwaba holoyu, tama augwaligo geda genuai mu obao.

Aisaia 16:11

Tama tibaso, ena te Moap dabe me hanu Kirheres we bidide haliga dene genuai mu ebao. Ena hobede e tama tibo, te bidigo hobede ebaso, gita eliyu, te hobedai balia wabo tiwai ebao.

Aisaia 21:3

Te nade suali naigo ena wi ilama, didibili ilali. Tama eno tigide dene genuai me yali, te we sibigo wai sainu dene ebo tiwai yali. Eno wi mu elama, eno homu mu doali. Tama eno magi nai me suyu, me po me odoyu yabo homu me ebe.

Aisaia 21:4

Eno tobolu gęǫ elama, tama wigo eno tigi didibili yali. Eno te pio giliga iba dega siyu, hulia sagasabode, eno godolo mu ebo dao. Tiali goli, te sogo hulide te naigo ena wi mu ilalio.

Aisaia 22:4

Tama tibaso, eno dagebolo te walobao. Dagego eno haliga nagame elama bidimainu igimio. Dagego enaduba deli naga bidimainu tagalao. Magi baso meni. Eno we bidi mu dolai baso, ena homu sęgę elama, ena gela weyu ebao.

Jeremaia 13:17

Tialima, te dagego po odisąma, te dagego hagoma idubaso da, teda te boi bidi dabego dage Genuai Bidigo we bidi sagaselama, te gasa tǫ kantriba kalabus mugi paibao. Tama tibaso, ena Jeremaia, te enaduba bididu, te dagede gela wedu gedubadi, te eno gedude gela guai gealuama, te eno gesabidiba dualibao wali.

Jeremaia 20:9

Te ena digi eno te nageba homu kone me egobe weyu, tama eno nago nogide po me pusugobe obaso da, teda eno koneani, te nago po te genuai isi tiwai eno haligade elalu, te eno dili dogwai tomode te isi bogoli edubo tiwai ebao. Eno nago po paliabo sę ebadi goli, tiali te eno usu meni ebo dao.

Jeremaia 23:9

Jeremaiago te tiwai po wali, “Eno te Genuai Bidigo wiegi yai doloba pai po eno koneai, tama eno te profet dabede homu kone palobo sogo, eno homu doloyu, te ena wi elama, te eno dili dabe didibili mu ebo dao. Ena te bomai ąį wain hauwa tuai bidi tiwai pedelama, te gęǫ elama, te wabo pabo tiwai ebo dao.

Jeremaia 4:21

Nisu sogo te boi bidi dabego da tagalama, te augwa buluba ma begasa peyu, tama dago te niba walobo ugwa plak ugwaba sabo kolesaga me, te biugel bu wabo me tagalaibawe?

Jeremaia 4:5

Genuai Bidigo enabolo te po weyu, te Juda dabeba me, Jerusalemba me, te po pusao wali. Agai po e tiwai, “Dage pelama, te tigidali tǫ habu kantri pedaiba te biugel bu ola biligi pao,” wali. “Te we bidi dabeba te tiwai i omainu yao, ‘Dage sisinagaselama, te dage bomai obo elalubo taunba geme duala sigi piąo,’ wai dao.

Jeremaia 42:14

Menio. Da Isipba paibao. Da te Isipde naga bidibadi, te boi bidi dabego da dali me hwįagasogobeo. Te bidi dabego hwįgi painogo biugel bu weyu da, i me wagobeo. Te nai me da me sǫą pogobeo.”

Jeremaia 49:2

Ena Genuai Bidi, eno te po obao, mu tama eno bodolu muani sogo me deli elalubao, tama te sogo eno te boi bidi dabego te taun Raba teba hwįgi pomainogo tagala palaibao, te kantri Amongo genuai taun dao. Augwaligo te taun dolama, te olo pobele bage du holali tiwai elalueibao. Te boi bidi dabego te genuai taun pąde elalubo bulu dabe siago ulaibao. Tama nosali, te Israel dabego te Amon dabego sali tǫ ma saibao. Te Genuai Bidi, eno po dao.”

Jeremaia 50:22

Odao! Te hwįbo u wabo genuai pedaluali, te tǫ kantri mu dolobao.

Jeremaia 6:24

Te Jerusalem we bidi dabego te tiwai po wali, “Dago te boi bidi asabo po sabilibo po odolama, te da wi eyu, te dago nogo sągą dili kimi meni ebao. Da hobede mu elama, dwai dene mu ebao, te wego aga wai ame nainu ebo sogo te genuai tigi dene ebo tiwai gilama ebo dao.

Jeremaia 8:18

Eno hobede elama, tama haliga sęgę dwai mu elama, tama eno homu kolesaga tigidali dolalio.

Jeremaia 8:21

Ena Jeremaia, eno suali, ena hani dabe dolali, tibaso eno homu dwalio. Eno haliga sęgę dwai mu elama, te eno gela umagia mu wai dao.

Jeremaia 9:1

Idao! Te eno tobolu te ulu wę me deli tiwai elaluyu, tama te eno gedu sidu te ąį hauwa geligi da, teda eno homu dene dwai mu eyu, gela wabo usu igi da. Te eno giligade me hulide gela udigi da, magi baso meni, te boi bidi dabego te eno hanigo we bidi dabe ela muai dao.

Jeremaia 9:10

Tialima, ena, Jeremaia, eno te bulu du dabe, me te kala elaluali pesage dolali, tede homu kone ebao, tama ena dwai gela weyu, hobede ebo balia obao. Te pesage badu te bidi munu me bilisiąma, te bulmakau dabe te kala pesageba te nosai me tugi pogobeo. Te ba dabe me hasa dabe wi pela siliyu, te pesage taga pai dao.

Te We Bidi Dabego Jerusalem Hagede Gela Wali 1:16

Te tialigo eno gela uga selama, aiyaba dulumainu ilali. Tama ena dali hobede elama, tama ena ma dili ilabo bidi menio. Te boi bidi dabego ena aiyaba polo elaluai madi. Tama tibaso, eno wai puluba augwali dodolama mu bidibao,” Jerusalemgo te po obao.

Te We Bidi Dabego Jerusalem Hagede Gela Wali 1:20

“Genuai Bidi, ena suao. Ena genuai sęgę mu selama, tama ena dolama mu bidibao. Tama eno homu dwai mu elalubao. Magi baso meni, eno hagoma genuai mu elama, tama nago po sese tama sela sąwai dao. Te boi bidi dabe augwaligo eno we bidi dabe eno sunumi dabede ela wiala silalio. Tama me te bede bidaluali we bidi augwali nasi eyu, gasi me eyu, isai dao.

Te We Bidi Dabego Jerusalem Hagede Gela Wali 2:11

Eno te Jerusalemde pedelali nai dabe homu kone palama, tama ena gela waligo eno gedu dene mu ebao. Eno te hobedai we bidi dolama elalubo sulama, ena gasa homu dwai mu ebo dao. Eno homu dene dwai mu yalio. Magi baso meni, eno suali, te nai tusiąwai wai puluba dali, wai bǫų dabe dali suali. Augwaligo bomo kimi meniama, tama didibili elama, te Jerusalem sunumi dabede tuloluama, munalua pabo sualio.

Daniel 4:19

Danielgo te na page koneai, tama agai te homu si eyu, tama te kingba pusabo wiegi yai homu pemene isąwani. Tama aga te po polo wei ponebeo. Tiali goli, kingo agaba te po wai, “Beltesasar, tama nago homugo te na elalumaina homu elama, tama te na yali pagede nago haliga sęgę emainu egio,” wali. Tialima, Beltesasargo te po wai, “King o, eno homude te nade yali sę nageba pedalubo te eno hagela homu yai. Eno homugo te nago boi bidi dabe augwaliba naga pedalumainu homu yai dao.

Daniel 7:15

Eno te nai dabe te nade sulama, tama ena midigi mu selama, tama homu hauwa dogia palio.

Daniel 7:28

Te eno nade suali po tigidali te tama dao. Ena Daniel, ena wi dwai mu elama, tama eno gesabidi te hasegelama, tedela yali. Tama eno te nai dabede homu kone palobo homu mu yalio.

Daniel 8:27

Eno te po oda selama, tama ena haliga sęgę mu yali, tama meba sogode ena gasi tiwai yali. Gasi silama da, te ena hogodama, tama ena te king Belsasargo mani sęba ma palio. Tama te nade eno homu hauwa ebo sę yali, tiali goli eno te na page kuna koneabo usu meni yanio.

Amos 3:6

Te bu wabo nai biugel te taun me deli tomode bu obaso, te boi hwįabo bidi asobao po pusubo tiwai ebo si da, te hanu we bidi augwa wi homu yaibao, agawe? Magia, wi yaibao. Te tiwai naga, te taun me deli dolobaso, dagego homugo Genuai Bidi Godigo te dolabo nai tagala palai dao homu ebo da, agawe? Magia, tagala palai dao.

Habakuk 3:16

Eno te sę yali po tigidali odama, te ena midigi salio. Ena wi elama, te eno pedauwali me didibili yali. Eno nogo sągą bomo kimi meniama isali, te ena bomo meni yanio. Eno koneani, te God aselama, te da dolobo bidi dabe te dwai dene ilaibao, tibaso ena dua digi bidiyu, tama te sogo pedalubo tonalubao.

Israel Hanigo Namba 10:9

Te boi bidi dabego dagego tǫba dage dali hwįainu asobaso da, teda dagego te biugel elama, bidi dabe hodolama, hwįgi pomainao, te boi bidi dabe dali. Dagego te tama tiyu da, teda ena God, dagego Genuai Bidi, eno dage homu koneama, tama te boi bidi dabe dolaibao, te augwaligo dage aiyaba elalugobeo.

Polgo Po Pas Rom Dabeba Asęani 10:1

Eno ama dede dabeo, eno homu dene eyu tama te Godigo te eno hani Israel bage augwali ma dobola somainogo ebo homu godolo mu elama, tama sesemane sogo eno Godibolo gedu haluasa po tede bomonama wabo dao.

1 Korin 14:8

Ma, te ami enesigi bidi dabe augwaligo te bu wabo nai biugel bu wabo odobo si, augwaligo konebo dao, te hwįabo sogo asai dao, te homu yaibao. Tiali goli ami bidi me deligo te biugel naigo dolo hwa wasiąbaso da, teda dego te wąbi hwįabo sisi elaluaibawe? Bidi meni.

Galesia 4:19

Eno wai puluba, polobadu dagego homu kolesaga Kraisde dąų wasiąbadi, te sogo dagede ena moni homu eyu dene sai dao. Tama te tiwai megi me ena te dene ma sabo dao. Te wego wai ame nainogo dene ebo tiwai, dene megi eno ebo dao. Tama ena te dene sesa pidubadi tama dagego homu kolesaga te Kraisgo homu kolesaga tiwai ebo side te eno homu wiegi yai eyu usu yaibao.

Te Israel Tobolu Bidi Dabe 5:21

Te wę Kison me aga bomo elama asiyu, te hwįbo bage augwali tolasa pali. Te węgo asobo te bomo mu yali. Te eno dili mobo selama, tama bomo elama paibao!