Jeremaia 4:1 - Godigo dwagi yai po buku

¹ Genuai Bidigo te tama po wai, “Dage Israel, te dage ma begasa asabo homu ebaso da, teda dage enaba naga asiąo. Dagego te dwai kugumini yai tibo god eno gedude mubo te sela sąyao. Tama dagego ena sesemane sogo wali asiąo,” wai dao.

Jeremaia 4:1 Iomraidhean Croise

Tigidali Nai Gagalama Nigali Side 35:2

Tialima, Jekopgo te aga we waibolo, me te augwali dali bidaluali we bidi tigidalibolo wai, “Dagego duga tibo god dabe tigidali te sela sąyao. Dage te wę bugagia paluama, tama meda meni yai ugwa naga muao,” wai.

Te Israel me Juda Hani Sigo Tuni Bidigo Po Elalubo Buku Si 23:13

Tama te polobadu king Solomongo nigali ofa nai mubo alta sai te giliga asobo pedai badu elaluali alta sai, te king Josaiago dolali, te saut pedai badu te Oliv Bulu Du elalubo bulu du pedai badu elaluai. Te king Solomongo te nigali alta sai dabe te tibo god we Astarte teba ofa nai ula maiabo alta sai nigai, te Saidon hanigo te dwai we god da, tama me te Moap hanigo te dwai god me nogi da, tama te nogi te Kemos da, me te god Molek, te god te Amon hanigo te dwai god da, tama te tibo dwai god dabe augwali te Genuai Bidigo gedude te dwai olo bage mu tonani.

Te Israel me Juda Hani Sigo Tuni Bidigo Po Elalubo Buku Si 23:24

Tama te king Josaia agai te isali we bidi dabe noma dali po mibo we bidi dabe me agai augwali sela sąyani, tama me te agai te augwaligo bede munalua pali te tibo dwasianu god dabe agai sela sąsą pali, tama me te augwaligo nogogo nigali god noma me. Tama te Jerusalem bulude elaluali me, tama me te tigidali Juda bulu pedaide me elaluali doado bage me, te bulu badu Genuai Bidi Godibolo lotu po wasiąwai we bidi hani dabego lotu po wabo dwai haniani doado bage dabe buluba tigidali agai buluba sela sąyani. Agai tama tiali, magi baso meni, agai homugo augwaligo te tobolu pris bidi Hilkiago te Genuai Bidigo tempel be tomode munalubo ma suali bukude te Godigo tigidali Bomai Po elalubo podu wali pomainu, tama kolesaga yai.

Tuni Bidi Dabego Po Elalubo Buku Si 15:8

Te Asago te Odetgo ogwa Asariago te po wabo odali, tama te pogo agai homu kolesaga dąų walali. Tama tialima agai te Juda hanigo tǫde me Benjamin hanigo tǫde agai te tibo god dabego piksa dabe sese sela sąyani. Tama me aga te Efraim hanigo tǫde bulu du dabeba me agai te boide sali, te taun dabeba pelama, tama agai te tibo god dabego piksa sela sągi pali. Te god dabe te Genuai Bidigo gedude te dwai nai mu dao. Tama Asa agai te sę bidi dabebolo olama, tama te Genuai Bidigo tempel bede elalubo alta bugagia dodolao po walali, te Genuai Bidigo tempel be gesabidi badu elalubo pesagede.

Tuni Bidi Dabego Po Elalubo Buku Si 33:8

Tama dage eno we bidigo eno po wali peyu, me eno tigidali po me bomai po sese, eno sę bidi Mosesgo pedauwalidu mani po sese wali peyu da, teda dage eno polobadu duga wąį dabebolo menama tama dage megi bidibo te tǫde sela sągobeo,” te po wali. Genuai Bidigo te po wai goli, tama Manasego te tibo god piksa noma te tempel be tomode muani.

Tuni Bidi Dabego Po Elalubo Buku Si 34:33

Te Israel bulu tigidali badu te tibo god dabego piksa dabe sese me elaluali. Tama te nai dabe te Genuai Bidigo gedude dwai nai mu elaluali. Tialima Josaia agai te tibo god dabego nai dabe sese tama sela sąyani. Tama agai bomo elama, te Israel dabe augwaligo Genuai Bidi augwa God wali pao po wali. Tama aga king bidibo sogo da, te we bidi augwaligo Genuai Bidi augwa wąįgo God wali bomo elama mu wali pali. Tama augwaligo Genuai Bidi me tagalobeo.

Aisaia 31:6

O dage Israel dabe, dagego Genuai Bidigo po sela sąbo dao. Tiali goli, dage mu begelama, tama agaba ma asiąo.

Jeremaia 15:19

Tialima, Genuai Bidigo enabolo po wei ponoyu te tiwai wali, “Te nage haliga begelama, enaba ma begasa asobaso da, teda nage eno ma selama, te nago eno sę ma yagameo. Te nago dwai po pusubo tagalama, te nago wiegi yai po naga pusubaso da, teda nage eno pedauwalide po sabo bidi bidagameo. Tama te we bidi dabe nage wali pomainogo yaibao, tialima nage augwali wali me pelamu dao.

Jeremaia 15:4

Te gasa tǫ kantri we bidi dabego eno te sę te Juda dabeba yali po odama, te augwali wi elama, dwai noma mu saibao. Eno te dwai sę te bidi Manasego yali wei ponaibao, te Hesekiago ogwago, te Jerusalemde te sę yali, te aga Juda king bidali sogo tama tiai dao.”

Jeremaia 18:11

“Tama tiyu, Jeremaia, nago te Juda dabe me Jerusalemba te tama po walao, ‘Ena Genuai Bidi, eno te po obao, odiąo. Eno te dageba dwai sę yabo sisi ela mubao, awe, tede eno homu kone palobao. Tama tiyu, dage deli deligo te duga dwai kolesaga ebo tagalama, te wiegi yai kolesaga naga wali pao,’ te po wao.

Jeremaia 24:9

Te gasa bulu tǫ kantri tigidali we bidigo te sę eno te Juda dabeba yali po odolama, te augwali wi elama, nogo hogwayu, te dwai noma saibao. Tama eno te boi bidi dabe tagala palama, te augwali ela muagasaibao, te augwali nasigo isiyu, me te dwai gasigo augwali dolama isaibao. Tama eno augwali meba te tǫ kantri dabeba tedela palaibao. Te tama tebo kolesagago te eno augwaliba me te augwa wąį nǫų dabeba mani tǫde bidibadi mu silaibao. Tama eno te Juda dabe sela sąbo te tǫ kantri we bidi dabego, te augwali Juda dabeba dolama posobo po waibao. Me te gagali po wabo tiwai yaibao. Tama te we bidi dabego te augwa boi bidiba digi i ola mabo po wabo sogo, te augwa te tiwai po waibao, ‘Dage te Juda dabe dolali tiwai gilama dolomainao,’ te po waibao,” wali.

Jeremaia 25:5

Te profet dabego te tiwai po wali, ‘Dage deli deligo homu begelama, te dagego dwai sunumi wali pabo tagalama, te dagego dwai kolesaga ebo me tagalao. Dagego te kolesaga tagalobaso da, teda Genuai Bidigo duga wąį nǫų dabeba te polobadu mu mani tǫde bugagia bidimainogo ilaibao, te tǫ te dage Israelgo tǫ sesemane sogo elaludaibao, te po wai dao.

Jeremaia 3:1

Genuai Bidigo te tiwai po wai, “Te bidigo aga we sela sąbaso, te wego aga tagalama, te gasa bidiba pali, teda te polasa sali bidigo te we ma sogobeo. Te we agai ma siyu da, teda agai bulu kantri te dwai meda mu eno gedude pedelaibao. Israel, nage te bidi hauwa dali penani ela bilama, tama megi da, te nage enaba ma asainogo, ebawe?

Jeremaia 3:12

“Tama Jeremaia, nage dolugulama, te not badu bidibo Israel haniba i wao. Nago Genuai Bidi eno po te tiwai pusao, ‘Israel, nage da, te aga bidiba homu kęą pabo kolesaga tagalobo we da,’ wao, ‘nage enaba begasa ma asao. Ena Genuai Bidi, eno te po obao, eno nageba haliga sębę munu ma egobeo. Magi baso meni, ena te olo mu tau sabo wiegi yai homu kolesaga ebo God dao, te eno haliga sębę ebo te sesemane sogo elalua pidugobeo.

Jeremaia 3:14

“Ena Genuai Bidi, ena digi eno te po dolo obao. Dage ena tagalali we bidi, dage enaba ma begasa asao, magi baso meni, dage da, dage te eno Kęąni we tiwai elaluyu, tama ena da, te dagego bidi tiwai dao. Te dage deli deli eno te boi bidi dabego hanu taun dabede, te duga hanide selama, te eno dage Saionba ma odasa asaibao, te eno bulu dao.

Jeremaia 3:22

Genuai Bidigo te po wai, “Dage te hagoma ebo wai puluba dabe, dage enaba ma asiąo. Te eno dagego ena te duga tudiba mubo kolesaga dodolama, te dage ena dali bugagia bidimainu yaibao.” Tama te we bidi dabego po wei ponoyu, te po wai, “Awe, megi da, da nageba ma asaibao, magi baso meni, nage God, te dago Genuai Bidi dao.

Jeremaia 35:15

Hauwa sogo eno sę bidi, te profet dabe, te dageba tagala palidu geai. Tama augwa te po wali, dage deli deligo te duga homu begelama, dwai kolesaga tagalama, te duga kolesaga dodolao. Te dagego tibo godiba tibo po ola mayu, te augwaliba lotu me wagimio. Dagego eno te po wali pobaso da, teda dage te eno duga wąį nǫų dabeba me dugaba me mani tǫde bugagia bidaibao. Te profet dabego te tobage po pusali, tiali goli, dagego eno po me odisąyu, te wali me pabeo.

Jeremaia 36:3

Te tigidali Judago eno te dwai sę augwaliba yaiba po wabo odobaso da, teda augwa homu begelama, te bidi deli deli augwa dwai kolesaga tagalomainao. Tama tiyu da, eno te augwa yali dwai sę yali sęgę elaluali sela sąwaibao,” po wai dao.

Jeremaia 7:3

Ena duga Israelgo God dao, ena te Tigidali Bomo Elalubo Genuai Bidi, eno po obao, dagego duga bilibo, me duga kolesaga dolasa elalubaso da, teda eno dage te duga bulu tǫde bugagia bidimainu yaibao.

Jeremaia 7:5

Dagego bilibo me ebo kolesaga bugagia dola sao. Te dagego duga abagi dabeba doloba pai kolesaga yao.

Jeremaia 7:7

Te dagego eno te tobage po tigidali wali pobaso da, teda dage eno te duga wąį nǫų dabeba mani tǫde bugagia bidimainu ilama, te augwa hani dabego tǫ sesemane elalua pomainu yaibao,” te po wai.

Esekiel 11:18

Te dage ma asobo sogo, teda dagego te tibo god tigidali sela sąbadi, te tǫde elaluali dwai kugumini yai gasa nai tigidali sela sąyagameo.

Esekiel 18:13

Tama aga abagi dabego te negeli wei ponobo sogo, agai te gasa ugadu daganobo mone dali sabo dao. Te tobage bidi da, te bugagia bidaibao homu eba, agawe? Mu menio. Agai te yali kolesaga dabe eno godolo homu mu isąbaso, te aga isimainao,” wali. “Te aga yali kolesaga pagede te aga isaibao po wai dao,” wali.

Esekiel 43:9

Megi da, te Israel dabe augwaligo tibo godiba lotu me wabo tagalao. Tama augwaligo augwa king eno be pąde isimainu sula tagalamo dao. Tialima, augwaligo eno po wali peyu da, teda ena augwali dali tigidali sogo mu bidaibao,” te po wali.

Hosea 14:1

Te Israel dabe, dage te Godiba ma asiąo, te duga Genuai Bidi dao, magi baso meni, te duga dwai sęgęgo dage tulalumainu yali dao.

Hosea 2:2

Godigo te tiwai po begelama, te aga we bidiba wali, “Eno wai dabeo, dagego ida te eno we da homu me elalugobeo, tama ena te agai bidi ma elalubeo. Tiali goli, dagego aga dali konila po weyu, agaba bomonama hanalu, te penani ebo kolesaga tagalao po wao.

Hosea 7:16

Ena da te Ugwadu Mu Bidibo God mu dao. Te sęgę pedalubo sogo te augwali enaba aselama, te eno augwali tau somainu ebeo. Menio. Augwa te bomo meni yai nai dabeba naga pali. Augwali te dwai enego te nai enani geda mubo tiwai yali. Te augwa polalubo tobolu bidi dabego te augwa bomogo digi te boi bidi aiyaba elalueibao tiwai po wai. Tiali goli, te menio. Te hwįbo side augwali isibaso, te Isip dabego augwali dwai gisugu mawaibao,” Genuai Bidigo te po wai dao.

Joel 2:12

Tialima, Genuai Bidigo te po wai, “Mu dao, te tigidali sę pedelaibao, tiali goli megi dage haliga begelama, enaba ma asiąo,” wai. “Tama duga te nai habu selama, tama haliga hobede elama, gela weyu, enaba ma asiąo.

Sekaraia 1:4

Dagego duga wąį dabego yali sę tiwai igimio. Te eno poloba profet dabego augwalibolo te dwai kolesagaba tudi ola mao po obadi, augwaligo te dwai kolesagaba tudi ola mawai menio. Tiali goli augwaligo eno po odai menio.

Bomai Po 27:15

Te Livai dabego e tama wao, ‘Te bidi mego te tibo god te masigigo nigilama, ma te nigo nigilama, ma aingo nigilama, tama agai geme dualama, tama agai geme teba lotu po odubaso da, teda Godigo te bidi dolaibao. Te nai dabe da, te bidigo digi nigai nai dabe dao. Tama Godigo te tibo godiba lotu po wabo we bidi godolo ebo menio,’ wao. Tama te we bidi sesego te po wei ponoyu, e tama po waibao, ‘Te mu tama dao, Godigo te tama timainao,’ waibao.”

Bomai Po 4:30

Tiali goli, dage genuai sęgę tomode bidibo sogo da, me te dwai nai dabe dageba pedalobo sogo me, teda dage homu begelama, ma geasa asama, Genuai Bidigo po wali paibao.

Josua 24:14

Tama Josuago po ma weyu, te po wai, “Tialima, megi da, dagego te Genuai Bidi dologode bidiyu, agaba lotu po weyu, tama sesemane sogo dagego agade sę te dagego bomo tigidali teba munama, sę yao. Dagego te tibo godiba homu kone ebo tagalama, te duga wąį dabego te Mesopotemiade me te Isip pedai badu side bidali sogo augwalibolo te lotu po wali. Dagego te Genuai Bidiba naga lotu po wao.

Te Israel Tobolu Bidi Dabe 10:16

Tialima, augwaligo augwa te tibo godiba lotu wali te tiali te sę dabe sela sąnama, tama augwaligo Genuai Bidiba lotu po wali. Tama agai te Israel dabe homu dene elama, tama agai homugo augwali te sęgę ma tolidali homu yai.

1 Samuel 7:3

Tama nosali Samuelgo te Israel dabebolo te tiwai po wai, “Te dage homu mu begelama, tama Genuai Bidiba ma begasa asabo homu ebaso da, teda duga te tibo god, me tama te tibo god we Astarte piksaba lotu wabo, te dagego sela sąyao. Tama dage Genuai Bidi dologode mu bidiyu, tama aga deliba naga lotu waiąo, tama teyu da, agai dage tau selama, tama te Filistia ami bidi dabe sela sąyu, te augwaligo dage ma tonalumainu me egobeo,” wali.