Jeremaia 39:7 - Godigo dwagi yai po buku

⁷ Te kingo po obaso, te augwaligo Sedekaiago gedu si gudama, te augwaligo aga nogo sągą te brasgo nigai sengo kęąnio, te augwaligo aga te Babilonba sela painogo tiai dao.

Jeremaia 39:7 Iomraidhean Croise

Te Israel me Juda Hani Sigo Tuni Bidigo Po Elalubo Buku Si 25:7

Te Babilon hani ami bidi dabego te king Sedekaiago ogwa dabe me oda sali, tama augwaligo te Ripla hanuba augwali odasa asali. Tama te bulude te king Nebukatnesargo te po wai, tama te augwaligo te king Sedekaiago ogwa dabe te augwaligo te augwa aya Sedekaiago gedugo tonalubadi yaide, augwaligo ela muani. Tama te kingo te po wali, tama augwaligo te king Sedekaiago gedu ge si dia sąyani. Tama augwaligo aga nogo sągą dabe te aligabo bonogo dunama, tama te Babilon buluba kalabusiba mugi pali.

Godigo Nogi Ugwaba Sabo Tęąbi Po Wabo Buku Dabe 119:8

Eno nago bomo yai po tigidali wali pabo homu ebao. Tama nago ena tagaligio.

Jeremaia 20:4

Tama Genuai Bidigo nage dali te tiwai po elalueibao, ‘Te eno dwai sę nageba pedalumainogo ilama, tama nage dali, te naga abagi dabe dali, te wi dwai mu yaibao. Te nago naga abagi dabe te boi bidi dabe aselama, elagasobo sueibao. Te eno Juda dabe tigidali te Babilon kingo nogoba mueibao. Te agai meba ela muyu, te meba sela pelama, te Babilonba kalabus igi paibao.

Jeremaia 34:3

Sedekaia, te nage agade wi me pogobeo. Menio. Te augwaligo nage pageabi elama, te nage agaba sela pelama, te duga si dolalu, po miaibao. Tama augwaligo nage te Babilonba odasa paibao.

Jeremaia 44:30

Te sę te ena Genuai Bidi, eno yabo homu ebao, te e tiwai dao. Eno te Isip king Hofra te aga ela muabo boi bidigo nogoba mawaibao, te eno Juda king Sedekaiade yali tobage kolesaga tiwai yaibao. Te Babilon king Nebukatnesargo te Sedekaiade boi bidi elama, ela muainogo ebaso, te eno Nebukatnesar aga nogoba muai dao.’ Te po da, te Genuai Bidigo po dao,” Jeremaiago te po wali.

Jeremaia 52:11

Te kingo po obaso, te augwaligo Sedekaiago gedu si guda sąwai. Te augwaligo aga nogo sągą te bomai aligabo bono sengo dunama, te aga Babilonba sela palio. Te augwaligo aga tede kalabusiba munama, te aga kalabuside bididubadi, te aga isibo sogoba usu nai dao.

Esekiel 12:13

“Tiali goli, eno ba bono gaga kekelama, tama king tego tola saibao. Tialima, eno aga te Babilon taunba sela paibao, tiali goli agai e bulu gesabidi me sugobeo. Aga te Babilonde bididubadi aga isibo sogoba usu naibao.

Te Israel Tobolu Bidi Dabe 16:21

Tialima, te Filistia dabego aga pageabi elama, tama agai gedu si guda sąwani. Tama augwaligo aga te Gasaba sela pelama, tama augwaligo aga te brasgo nigai sengo gebelali. Tama augwaligo aga te sia me wit te nai sę ebo be te kalabus be tomode agaga pabo sę emainu ilali.