Jeremaia 38:11 - Godigo dwagi yai po buku

¹¹ Tialima, Ebetmelekgo te bidi dabe te kingo beba sela pelama, tama augwali te kingo mone mubo be habu me deli te dologode elaluali teba pali. Tama augwa te poloba badi ugwa selama, tama augwa te Jeremaia bidibo tǫ dedageba pali. Ebetmelekgo te ugwa nami dabe te baklain bonode kęnama, te Jeremaia bidibo madi aiyaba tagalaluali.

Jeremaia 38:11 Iomraidhean Croise

Jeremaia 38:10

Kingo te po odama, te agai Ebetmelekbolo te tiwai po wali, “Nago te ena dali bidibo bidi dabe bidi sese deli olama, nogo si bidi selama, te dagego Jeremaia te tǫ dagede ugwaba kekegi pao. Tiyu, aga isiamu dao,” wali.

Jeremaia 38:12

Tama aga Jeremaiabolo te tiwai po wali, ‘Te ugwa nami dabe nago nogo auguli dologoba munama, te baklain bono nago tigiba keka sao. Te dago nage ugwaba kekebo sogo, te baklaingo nage tigi togoidali weyu obao,” wali. Tama Jeremaiago Ebetmelekgo wali po tiwai yalio.

Jeremaia 38:6

Tialima, te ofisa dabego Jeremaia te ąį ulu me deliba sela pali. Tama augwaligo aga nogode te baklain bono gebelama, tama te baklain bono te dedage pageba tatagalo dulali. Tialima, te dedagede wę meni yai elaluai, tǫ pu naga elaluali. Tama Jeremaia te dedagede dolaluali sogo, agai sągą te tǫ tomoba pali. Te Malkiago dedage, te kingo ogwa, te ami dabe pedai badu te kingo obo tomode elaluai.

Jeremaia 38:7

Ebetmelek, te tǫ kantri Sudan bidi, aga te kingo bede ofisa bidi me deli da, agai odali, augwaligo Jeremaia te dedageba muani po wali. Te sogo king aga te moni obo sunumi me delide bidali, augwaligo te Benjamingo sunumi wabo, aga tede dugulalu, te we bidi dabego po tų odolubadi dao.

Josua 6:19

“Te tigidali nai augwaligo te silvago me gol me bras me ain, tego nigali nai dabe, te Genuai Bidigo nai dabe naga dao. Dagego te Genuai Bidigo mone mubo beba naga sela asao,” Josuago te po wai.