Jeremaia 34:16 - Godigo dwagi yai po buku

¹⁶ Tialima, megi da, dagego homu ma hasegelama, tama te we bidi dabe augwa homu wali pelama, te olo bilali, dagego augwali ma selama, te augwali dagego olo sę ebo bidi me sę ebo we ma pedelali. Te kolesaga yaligo te dagego eno genuai nogi aiyaba elaluali tiwai yali dao,” wali.

Jeremaia 34:16 Iomraidhean Croise

Ma Dobola Sali 20:7

“Nago eno nogi God dwai odolali nogi egio, te nago Genuai Bidi dao. Magi baso meni, ena nogi olo nogi ebo we bidi te eno augwali dene ilaibao.”

Jeremaia 34:11

Tialima, nosali augwa homu hasegelama, te bidi dabe me we dabe ma selama, tama augwali te olo sę ebo bidi me, olo sę ebo we pedalubo sę ma yalio.

Esekiel 13:22

“Dagego te tibo po hauwa weyu, te dagego wiegi yai bidi dabego homu kolesaga dolobao. Tama dagego te dwai bidi dabe tau sobaso, te augwaligo dwai kolesaga ebo me tagalobeo. Te augwaligo dwai kolesaga tagalobaso da, teda augwali bugagia bidigi dao.

Esekiel 18:24

“Tiali goli, te doloba pai bidi me deligo te doloba pai kolesaga tagalama, te tobage eno godolo menisąbo dwai dwai kolesaga eyu, te dwai bidi dabego ebo kolesaga tiwai ebaso da, teda aga bugagia bidaiba homu ebo da, agawe? Mu menio. Te eno agai wiegi yai kolesaga yalide homu kone munu ma palogobeo. Agai te enaba homugo kęą pai kolesaga togolama, tama ena tudiba munama, te dwai sę yali, tibaso te aga isimainao,” wai dao.

Esekiel 20:39

“Te dage Israel hani da, ena, God Genuai Bidi, eno te tama po te dageba obao, te dagego homu godolo ebo wida, dagego duga te tibo god dabe wali pao. Tegobao, te dagego godolo yali homu simina ela siminao. Tiali goli, dagego te tiwai ebaso da, teda nosali dagego eno po odoyu, mu wali paibao. Dagego te duga tibo god dabeba ofa eyu, eno nogi da aiyaba munu me elalugobe dao,” wali.

Esekiel 3:20

“Te eno magi usu sabo sę me deli te wiegi yai bidiba pedalumai hagede sula tagalabaso, tama agai te doloba pai kolesaga tagalama, te dwai kolesaga ebaso da, teda te tebo sogo nago te bidibolo te dwai kolesaga ebo tagala po walao. Te nago agaba wasiąbaso da, teda aga dolama isaibao. Eno agai polobadu te yali wiegi yai kolesagade homu kone me palogobeo. Menio. Te eno agai megi te ebo dwai kolesaga sulama, te eno aga dolomainu sula tagalobaso, te aga dolama isaibao. Tialima, eno gedude te aga isabo page te nagede elalubaso aga isali dao.

Esekiel 39:7

Te sę dabe eno ena we bidi Israel dabe dali yainogo ebo te sę dabe da, te augwaligo gasa we bidi hanigo eno wiegi yai nogi konemainu ola mawaibao. Tama augwaligo eno genuai nogi munu me aiyaba elalugobeo. Tama augwaligo e tama bugagia koneaibao, ena deli ena Genuai Bidi, tama ena te Israel dabe dali bidiba homu yaibao. Tama ena te tedali gasagi yai da, te eno kolesaga te wiegi yai doloba pai mu dao, augwaligo te homu yaibao.’ Te po me pusao,” wali.

Pris Sę Ebo Bomai Po 19:12

Te dagego bidi me deliba bomai po dąų walu, ena nogide te po dąų walai baso da, teda dagego te bomai po olo dali dąų walama, aga tibo po ola magio. Dagego duga te dąų wali bomai po wali pisąbaso da, teda dagego eno nogi aiyaba elalubao. Ena Genuai Bidigo, eno te po wai dao.

Malakai 1:12

Tiali goli, dagego eno alta te olo nai da po weyu, te dagego duga digi homugo godolo isąbo nai dabego enaba ofa yalio. Tialima dagego ena nogi ugwaba me sabeo.

Malakai 1:7

Woo, megi eno dagego ebo kolesagade po obao. Dagego eno altade dwai ofa yali. Te nosali dagego enaba hanalu, ‘Dago nago nogi magi ilama aiyaba elalubawe?’ wali. Tialima megi eno dagebolo obao. Dagego eno alta te olo nai tiwai da homu elama, tialima dagego eno nogi aiyaba elalubo dao.

1 Samuel 15:11

“Odao. Solgo ena tudiba munama, tama eno po sela sąwanio. Tama tibaso, eno aga te king pedalumainu ilali tama eno tede homu dene mu ebao,” wali. Samuelgo te po odama, tama aga homu sęgę eyu, tama haliga dwai yali. Tama te sogo hulide Samuelgo te Genuai Bidiba hanalu, te olo tau sabo wiegi yai homu kolesaga te Solba emainu yali, tama be posobo side te agai gedu haluasa wali po te silagasu, gedu haluasa po walio.