Jeremaia 34:13 - Godigo dwagi yai po buku

¹³ “Ena Genuai Bidi, ena te Israelgo God dao, eno bomo yai po dagego wąį nǫų dabe dali dąų wali. Eno augwali te Isipde sali, te kalabus sę yali bulude, tama eno augwali odasa aselama, tama nosali eno te bomo yai po augwali dali dąų wali. Te dąų wali bomo yai pode te tiwai po wali,

Jeremaia 34:13 Iomraidhean Croise

Ma Dobola Sali 13:14

“Tama nosali dagego ogwa dabego dagebolo te tiwai hanaluyu, te po tiwai waibao, ‘Te kolesaga page mena tama dawe?’ Tama dagego augwalibolo te po wao, ‘Da Isip bulude kalabus sę ebadi, tama Genuai Bidigo bomai sę mu elama, tama da Isip bulude selama, da odasa asai dao.

Ma Dobola Sali 13:3

Mosesgo te we bidi augwalibolo te po wai, “Dage te Isipde bidali, te kalabus sę ebo bulu dao. Tama aga bomogo digi, Genuai Bidigo dage Isip bulude selama, odasa asai. Tama tibaso, tigidali kibu be dagego agai te tama tiali side homugo koneama, tama dagego te bo dai nai bret dali tugio.

Ma Dobola Sali 20:2

“Ena digi ena Genuai Bidi Yawe, ena dagego God dao. Eno dage Isipde sali, te bulude kalabus sę ebadi, tama eno dage selama, odasa asai.”

Ma Dobola Sali 24:3

Tama Moses pelama, te Genuai Bidigo bomai po tigidali te we bidi augwalibolo pusigi pai. Tama tigidaligo te po odolama, tama augwaligo pedauwali deliba munama, tama te po wai, “Dago te Genuai Bidigo po wali te sę tigidali yaibao.”

Jeremaia 11:4

Te dąų wabo bomai po te eno duga wąį nǫų dabe te Isipdu odasa asali sogo mawai dao. Augwaligo te Isip taga soali sogo, te sia posolo tiwai mu yali bulu, te eno augwaliba te tama po wali, “Dagego eno po tigidali wali pobaso da, teda dage eno we bidi hani bidiyu, te ena dagego God bidaibao.

Jeremaia 11:7

“Te eno duga wąį nǫų dabe te Isipde selama, odasa asali sogo, eno augwaliba bomai po mayu, te tiwai po wali, te eno po augwaligo wali pao wali. Te sesemane sogo eno te tobage deli po naga dagego hani dabeba udali, te megi e sogoba usu nagasobao.

Jeremaia 31:32

Te dąų wabo bomo yai po te polobadu eno duga wąį nǫų dabe dali yali tobage tiwai meni, te eno augwali te Isipde selama, te augwali nogo tolasa odasa asai. Augwali te eno we tiwai bidibaso, te ena, Genuai Bidi, ena te augwa bidi tiwai bidali. Tiali goli, augwaligo te polasa dąų wai elaluali bomo ya i po te bolai dao.

Jeremaia 34:12

Tialima, te sogo Genuai Bidigo po Jeremaiabolo te tiwai wali,

Jeremaia 7:22

Te eno duga wąį nǫų dabe te Isip bulu tagalama, odasa asali sogo, eno te tama po augwaliba weyu, te siago tigidali domainu ebo ofa yao po naga me wasiąwai, te tobage gasa ofa dabe me yao po naga me wabeo. Menio.

Bomai Po 13:10

Masigi sąnama, aga elama, isilao. Agai dage God dago Genuai Bidi pąde tagalama, digibulu mu pomainogo ili po olama, te kegeyu, te yali dao. Dagego kone palao, God aga digi dage Isip bulude olo sę ebo bidi bidibaso, oda sai dao.

Bomai Po 15:15

Dagego te dage me te Isipde olo sę ebo bidi bidali te kone paliąo, tama Genuai Bidi dago God agai dage oda selama, olo ma tagala palai dao. Te tama tiali po pagede eno megi te bomai po dagebolo te mobao,” wali.

Bomai Po 16:12

Dagego dage te Isip bulude olo sę bidi dabe bidiyu yali kone palao. Tialima, dagego te bomai po dabe tigidali bugagia wali piąo,” Mosesgo te po wali.

Bomai Po 24:18

Magi baso meni. Dagego te dage Isip bulude te olo sę ebo bidi dabe dwai madi bidali sogo yali, te kone paliąo. Genuai Bidi dago God agai dage wiegila olo bidimainogo iliyu, dage ma dobola sali, te koneiąo. Dage me te sogo te dwagila mu bidai dao. Tama tialima, eno dagebolo te bomai po te mobao,” Mosesgo te po wali.

Bomai Po 29:1

Te Genuai Bidigo Israel dabe dali te kantri Moapde dąų wali po page dabe te e dao. Agai te Israel dabe dali kontrak po dąų wali po wadolama, ma wali, te Sainai bulu dude polobadu wali po.

Bomai Po 5:27

Moses, nage ma pelama, God dago Genuai Bidigo wainogo ebo te po ma odigi pao. Tama odama, tama ma asama, nago te odali po dabolo pusao. Teda dago odama, wali paibao,’ dagego tobolu bidi dabego te po enabolo te sogo wali,” Mosesgo te po wai.

Bomai Po 5:6

‘Ena Genuai Bidi, ena dagego God dao. Dage olo sę ebo bidi te Isip bulude bidibaso, eno dage oda selama, eno dage odasa asai dao.’”

Bomai Po 6:12

teda dage dua mu dao, tiyu dagego Genuai Bidi gegeda palabuo. Agai digi dage Isipde olo kalabus sę ebo bidi tiwai bidibaso, dage odasa asai dao. Tama agai digi dage Isip bulu tagalama, odasa asai dao.

Bomai Po 7:8

Tiali goli, Genuai Bidigo dage godolo mu elama, tama agai dago wąį dali te dąų wali te po wali peyu te ebao. Te page delide tama agai genuai bomogo dage tau sali dao. Tama teyu, dage te Isip tuni bidigo olo sę ebo bidi dabe bidibadi, agai dage te Isip tuni bidigo nogode ma dobola sai dao.

Bomai Po 8:14

teda dage dila pelama, tama hagoma homu elama, tama God dago Genuai Bidi gegeda pelamuo. Agai dage Isip bulude oda sai dao, te dage te olo sę ebo bidi bididuali pesagede.

Josua 24:17

Te Genuai Bidi deli naga te dago God, tama agai te da dali, te dago aya dede dali, te Isip kalabus sęde bidibadi, te da ma dobola selama, odasa asali. Tama dago te agai te ebo bomai sę suali. Te da gasa hani dabego tǫde bilaluali sogo, tama da te mena pabo sogo me, te Godigo da bugagia tonalualigo te da bugagia bidali.

Te Israel Tobolu Bidi Dabe 6:8

Tama Genuai Bidigo profet me deli te augwaliba tagala palali. Te profetgo Godigo te po sali, te Israel bagego Genuai Bidi dao. Tama agai te po wali, “Eno dage odasa asaligo tama dage te Isipde kalabus sę yali taga soai dao.