Jeremaia 34:1 - Godigo dwagi yai po buku

¹ Genuai Bidigo po Jeremaiabolo mani, te Babilon king Nebukatnesar aga ami dabe daligo te Jerusalemba me Judago taun dabe hwįagasali. Nebukatnesargo amigo te tigidali tǫ kantri bidi dabe dali, te tigidali we bidi dabe dali, te king Nebukatnesargo tonaluai. Tialima, Genuai Bidigo Jeremaiabolo te tiwai po wali,

Jeremaia 34:1 Iomraidhean Croise

Jeremaia 1:15

“Magi baso meni, ena Genuai Bidi, megi da, eno te not badu tigidali king i olama, augwali te augwa ami bidi dabe dali asaibao. Te king dabe aselama, te augwa king dugabo sia sai te Jerusalem taun tomoba pabo sunumi pąba muagasaibao, tama augwaligo bomogo te taun bagua saibao. Tama augwaligo te tobage deli kolesaga naga te Juda dabego gasa taun dabeba me te tama tiwai yaibao.

Jeremaia 21:2

“Nebukatnesar, te Babilon kingo, te da dali hwįbo sę ebao. Tama tialima, dago homugo te nago Genuai Bidiba hanaluama, te da tau somainogo yao. Te Genuai Bidigo bomai sę te da tau siyu emainogo homu yaibao, te agai dago hani dabeba polobadu yali sę tiwai emainao. Tama tibaso, te Nebukatnesargo da tagalama pomainogo yaibao,” augwali sigo te po wai dao.

Jeremaia 32:1

Te kibu be nogo si te Sedekaia Juda king bidali side, Genuai Bidigo Jeremaiabolo po mawai. Te sogo te Nebukatnesar te Babilon king bidali, te 18 yia bidai elalubo sogo dao.

Jeremaia 32:2

Te sogo te Babilon kingo ami bidi dabego te Jerusalem taun bagulubo sę yali, tama profet Jeremaia te ami dabe badu kalabus elama bidibadi, te Juda kingo genuai obo tomode bidai dao.

Jeremaia 34:7

Te sogo te Babilon kingo ami bidi dabego te Jerusalemba hwįagasobo sę elama, te taun Lakis me Aseka taun side hwįani. Te boi bidi dabego te tǫ kantri Judade te tigidali gasa taun te bomai obo elaluali te salio, tama te taun sela naga elaluai dao, te Jerusalem, me Lakis, me Aseka, te taun dabe.

Daniel 4:1

Te King Nebukatnesargo po te tigidali bulu tǫ pedai we bidi dabeba me, te tigidali haniba me, te tigidali haniani po wabo bidi haniba te po ola tolali. Agai po te tiwai, “Dage tigidali bugagia bidaluiąo,” walio.

Daniel 4:22

King o, te ni da, te nage tama dao. Nago genuai nogi mu te we bidi tigidaligo gedude elalubao, tama nago bomogo te tigidali bulu tǫ habu usu nama tonalubo dao,” wali.

Daniel 5:19

Agai bomo genuai mu elaluali, tama teyu te tigidali bulu tǫ kantri we bidi dabe, me te tigidali hani, me te tigidali haniani po wabo hani bidi dabe te agade wi mu elama, tama augwali didibili yai. Te agai bidi me deli ela muabo homu eyu da, agai elai dao. Tama te bidi me deli aga bidibo ula elalumainu homu eyu da, agai te bidimainu sula tagalali. Te agai bidi me deligo nogi ugwaba sabo homu ebaso da, agai te tama tiali. Te agai aiyaba elalu, te bidi me deli dolainu homu ebaso da, teda agai te tama tiai dao.