Jeremaia 33:3 - Godigo dwagi yai po buku

³ Te nago enaba i wao, tama eno nago te gedu haluasa po wabo wei ponaibao. Te geme dualalubo genuai nai dabe, te nago konesiąwani nai dabe po te nagebolo pusaibao.

Jeremaia 33:3 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 145:18

Tigidali we bidigo homu agaba mu munama, i weyu da, teda aga augwali pąde bidibo dao.

Godigo Nogi Ugwaba Sabo Tęąbi Po Wabo Buku Dabe 25:14

Genuai Bidi God aga te aga dologode bidibo we bidi dabe augwaligo abagi mu dao, tama augwali dali te dąų wali bomai po kontrak te augwaliba ma ola mabo dao.

Godigo Nogi Ugwaba Sabo Tęąbi Po Wabo Buku Dabe 50:15

Dagego tama tibo si, tama te sęgę pedalubo sogo, dagego enaba i waiyą, tama te eno dage tau mu siyu, tama dagego eno nogi ugwaba sagameo,” po wali.

Godigo Nogi Ugwaba Sabo Tęąbi Po Wabo Buku Dabe 91:15

Te augwaligo enaba gedu haluasa po wabo sogo, te eno augwaligo wabo po odaibao. Tama te sęgę augwaliba pedalubaso da, te ena augwali dali bidaibao. Tama eno augwali ma selama, tama augwaliba te genuai nogi mawaibao.

Aisaia 45:3

Eno te mone nageba mayu, te hani dabego te bidigo susąyabo pesagede dualali wiegi yai dila pai nai dabe te nageba mawaibao. Tama tialima, te nago koneaibao, ena naga Genuai Bidi da waibao. Te nago koneyu, te Israelgo Godigo naga te nago nogi olama, te nage i wabo da homu koneaibao.

Aisaia 48:6

“Te nai dabe te eno polobadu te pedelaibao po wali, te augwali pedalubo dagego sualio. Te megi dagego te tama po waiyąo, ‘Genuai Bidigo mu po wabo da po wao.’ Tialima, megi te eno dageba te gesi noma nai pedelali po obao, te geme dualaluali nai dabe, te nai po eno polobadu me wabeo.

Aisaia 65:24

Te augwa godolo homu eyu, te sabo homu ebo nai po te enaba gedu haluasa po weyu, hanalusiąbadi, te eno augwaligo hanalubode wei ponaibao. Te augwa gedu haluasa po wabo sogo da, teda eno te nai dabe augwaliba mawaibao.

Jeremaia 23:35

Te dagego duga abagi dabe dali, me duga ama dabe dali, po mibo sogo da, teda duga te tama po wao, ‘Genuai Bidigo mena po wei ponaniwe?’, ma ‘Genuai Bidigo mena po pusaliwe?’ te po wao.

Jeremaia 29:12

Te sogo te dage ena pąba aselama, te enaba i weyu, enaba gedu haluasa po waibao, te eno dagego gedu haluasa po odaibao.

Jeremaia 32:17

“O God, Genuai Bidi, te nago genuai bomogo nago te dagalu me tǫ nigai dao. Te nago isą yabo sę deli me elalube dao.

Jeremaia 32:27

“Ena digi ena Genuai Bidi, ena te tǫde we bidi hani tigidaligo God dao. Eno tigidali sę ebo usu dao.

Daniel 2:18

Tama agai augwaliba te tiwai po wai, “Dago te dagalude bidibo Godiba gedu haluasa po wainao, te Godigo olo tau mabo wiegi yai kolesagago te dabolo te geme dualali nai page ola momainu elama, tama da te gasa po page koneani bidi te Babilon bulu bidi dabe dali isidali weyu, te dago tama tinao,” wai.

Daniel 2:22

Te nai hauwa geme dualalubo te bidi dabego konesiąwai. Tiali goli, God, nago te nai dabe te bidi mebabolo ola mabo dao. Te nanobo ula te nagede elalubao, tama nago te be hulia side elalubo nai te konea pai dao.

Daniel 2:23

Te eno wąį nǫų dabego God, eno nageba gedu haluasa po weyu, usu da olama, te nage nogi ugwaba sobao. Magi baso meni, nago enabolo te konebo kolesaga me te bomo enaba mawai, tama nago eno gedu haluasa po wabo odolama, tama enabolo te dago nageba hanalu wali nai ola mawai. Tama nago dabolo te dago te kingba aga nade pusabo po meba mawai dao,” Danielgo te gedu haluasa po wai.

Joel 2:32

Tialima, niwai we bidi te augwali tau somainu enaba hanalubaso, teda te eno augwali tigidali ma saibao,” wali. “Ena Genuai Bidi da, eno te sęde te tiwai po walio, te Jerusalemde bidibo we bidi meba te me hagagobeo. Te we bidi dabe ena digi te sa munama dąį ilali, te augwali bugagia bidaibao wai dao,” wali.

Amos 3:7

Mu tamao, tigidali sę God Genuai Bidigo yabo homu ebo sę, agai aga sę bidi dabebolo hasia po pusaibao, te profet dabeba waibao, tama nosali agai wali po gilama te sę ebo dao.

Maika 7:15

Genuai Bidigo te po wei ponoyu, te po wai, “Te eno dage tau siyu, te bomai sę meba yaibao, te dagego sueibao, te eno dage Isipde selama, odasa asiyu yali sę tiwai yaibao,” po wai.

Matyu 13:35

te Godigo po pusali bidi profet me deligo pedauwalide pusali po usu numainogo. Te profet bidi agai polobadu te po wai, “Te eno augwalibolo po weyu, tama eno te po digi po wabo tiwai yaibao. Te eno augwalibolo te polobadu mu geme dualaluali po te megi e sogo me geme dualaluali po te po eno augwalibolo pusaibao,” te po wai.

Godigo Sęba Tagala Palai Bidigo Po 2:21

Tama te side Genuai Bidi nogi elama i wabo bidi dabe da, teda Godigo augwali tau selama, aga we bidi dabe yaibao,” Godigo te po wai,’ Joelgo tama po wai,” Pitago te po wali.

Efesus 3:20

Te dago Godigo nogi ugwaba mu sinao. Tama agai te wiegi yai kolesaga ebo bomogo da we bidi tomode genuai sę ebo dao. Te sę ebo bomogo te da Godibolo hanaluyu gedu haluasa po wabo me, te dago homude ebo kolesaga te tigidali agai aiyaba elaluyu, tama agai wiegi yai kolesagade sę ebo te genuai mu ebo dao.

Bomai Po 4:29

Tama te sogo dagego homu hogodama, tama dagego duga dago God Genuai Bidiba ma asabo homu mu hogodaibao. Te dagego sese homugo me sese homu kolesagago aga gegabo homu yali da, teda dage aga pąba mu asiagameo.

Bomai Po 4:7

“Dagego meba we bidi dabe kone paliawe? Augwaligo genuai bomo da elalubadi goli, tagalao, augwali tau sabo god menio, te God dago Genuai Bidi da dali ebo tiwai. Tigidali sogo Genuai Bidi aga da dali pąde mu bidiyu, tama dago agaba i wabo si da, teda agai da polo tau sabo dao.

Kraisgo Geme Dualali Sę Pedelabo Po Jonbolo Ola Mani 2:17

“Olo elalubo bidi, agai te Godigo Mobo Bidi agai Godigo po odobo we bidi hani dabebolo e wabo po bugagia odao: ‘Niwai bidi agai bomogo te dwai sę ebo kolesagago bomo aiyaba elalubo bidi, te bidibolo eno megi geme dulalubo tubo nai nogi mana meba mayu, tama eno te tedela yai dwasianu masigi me agabolo mawaibao. Tama te masigide gesi nogi asęai, tama niwai bidi mego te nogi konegobeo. Te masigi sali bidi, aga naga te nogi koneaibao.’”