Jeremaia 33:11 - Godigo dwagi yai po buku

¹¹ tama augwa bugai haliga elama, pemene eyu, tama augwa te we bidi we sabode nai ulubo sogo te nai tuyu, wiegi yai homu pemene yaibao. Tama te we bidi dabego buba hwi wabo ofa selama, te Genuai Bidi, eno beba sesaibao. Tama augwa te ofa nai sela asobo sogo da, teda augwa tęąbi po e tiwai waibao, ‘Dago buba hwi te Tigidali Bomo Elalubo Genuai Bidiba wainao. Agai dabolo wiegi yai sę mu ebo dao. Sesemane sesemane sogo agai da godolo mu ebo dao.’ Augwaligo te tobage balia po te sogo waibao. Magi baso meni, te sogo ena Genuai Bidi, te eno te tǫ te polobadu elaluali tiwai wiegi yai ma elalueibao,” te po wai dao.

Jeremaia 33:11 Iomraidhean Croise

Tuni Bidi Dabego Po Elalubo Buku Deli 16:34

Dago Genuai Bidiba usu da po wao, magi baso meni, agai kolesaga te wiegi yai mu da, tama sesemane sogo agai da godolo homu mu ebo dao.

Tuni Bidi Dabego Po Elalubo Buku Deli 16:8

Te Asapgo hani augwaligo te tęąbi yalio, “Dago Genuai Bidi nogi olama, agaba i weyu te agabolo usu da po wao. Te dago po hanilama pusao, te tigidali we bidi haniba te agai yali genuai sę dabe po pusao.

Tuni Bidi Dabego Po Elalubo Buku Si 20:21

Tama kingo te we bidi augwaligo homu kolesaga po hanalu wali, tama nosali agai bidi meba te ami bidi dabe tudiba togolama polasa peyu tęąbi po dali pomainogo sa muani. Tama e tama tęąbi po dali pali, ‘Genuai Bidigo kolesaga wiegi yai mu elama doloba pai mu dao. Tama te kolesaga te aga wiegi yai aubo nai tiwai dao. Dago te kone palama, tama agai genuai nogi ugwaba sinao. Dago Genuai Bidibolo buba hwi po wainao. Magi baso meni, tigidali sogo agai da godolo mu idubo dao,’ tama wali.

Tuni Bidi Dabego Po Elalubo Buku Si 29:31

Tama nosali Hesekiago te sisinalubo digi bidali we bidibolo te po wali, “Megi dage duga digi duga Genuai Bidibolo te mani dao. Tama tialima, dagego Genuai Bidi dali homu deli ebo ofa siyu, me Genuai Bidibolo buba hwi wabo ofa siyu elama, Genuai Bidigo beba sesao,” wali. Tialima te we bidigo te kingo po wali pelama, augwaligo te ofa dabe sesali. Tama me badugo te isigo mu dela silibo ofa yainogo yali.

Tuni Bidi Dabego Po Elalubo Buku Si 7:3

Te Israel dabe augwaligo te isi dulubo suyu, me augwaligo Godigo ula genuai mu aga te be tomode ebo suali, tama augwaligo bogoli sugunama, tama augwaligo tobolu te masigi augwaligo Genuai Bidigo be tomo badu dąį elama wasilali masigiba tobolu munama, tama augwaligo agaba lotu po weyu, tama Genuai Bidigo nogi ugwaba siyu e tiwai po wali, “Genuai Bidi aga da dali wiegi yai mu ebo dao. Agai da godolo mu ebo kolesaga te sesemane sogo elalua paibao,” wali.

Esra 6:22

Augwa te wiegi yai homu pemene ebo te me sela, me sela, me deli, te 7 tama sogo elama, tama te bo disąwai nai bret tuali sogo, te genuai side yali kolesaga te wali palio. Augwaligo homu pemene yali te genuai mu yai, magi baso meni, Genuai Bidigo te Asiria king bidigo haliga wiegi yai ilibaso, tama agai augwali tau selama, te augwa Genuai Bidi Godigo tempel be ma sę yai dao.

Nehemia 12:43

Te side augwaligo te Godiba ofa hauwa eyu, tama augwa wiegi yai pemene genuai elaluali, magi baso meni, Godigo digi augwali te wiegi yai pemene ilali. Tama te we dabe me, wai puluba dabego me wiegi yai pemene yai. Tama te digibulu bidali we bidi, augwaligo te genuai i wabo me pemene ebo po odai dao.

Nehemia 8:12

Tama te we bidi augwa beba pelama, tama augwa homu wiegi yai pemene elama, te nai me wę tuyu yai. Tama augwaligo te nai dage te nai sǫą pali we bidi mawai. Megi da, augwaligo te Godigo po page bugagia koneama, tama tiyu augwaligo te sę dabe yai dao.

Godigo Nogi Ugwaba Sabo Tęąbi Po Wabo Buku Dabe 106:1

Genuai Bidigo nogi ugwaba sao. Dago agaba usu da waiyąo, magi baso meni agai te wiegi yai kolesaga sesemane ebo dao, tama agai da sesemane bidada peyu, bidada pabo wei mu ebo dao.

Godigo Nogi Ugwaba Sabo Tęąbi Po Wabo Buku Dabe 107:1

Dago Genuai Bidiba puba hwi po wao. Magi baso meni, agai daba te wiegi yai mu ebao. Sesemane sesemane sogo agai da wei mu ebo dao.

Godigo Nogi Ugwaba Sabo Tęąbi Po Wabo Buku Dabe 107:22

Augwa te agaba usu da wabo ofa emainu yao. Tama augwa te pemene ebo tęąbi po weyu, tama te we bidi dabeba te agai wiegi yai sę yali po pusao.

Godigo Nogi Ugwaba Sabo Tęąbi Po Wabo Buku Dabe 116:17

Te eno nageba usu da wabo ofa eyu, tama eno nageba gedu haluasa po waibao po wali.

Godigo Nogi Ugwaba Sabo Tęąbi Po Wabo Buku Dabe 147:13

Agai te nago Jerusalem obo bagulali sunumi te dąų walama elalu, tama te naga we bidi dabeba te wiegi yai nai mayu ebo dao.

Godigo Nogi Ugwaba Sabo Tęąbi Po Wabo Buku Dabe 85:7

Genuai Bidi, nago dabolo te nago da sesemane wei ebo ola mao, tama da ma selama, te da bugagia bidaibao.

Aisaia 35:10

Te Genuai Bidigo ma dobola sali we bidi dabe, te augwali wiegi yai pemene dali te Jerusalemba ma asaibao. Te augwa genuai po dagą weyu, balia weyu, te sunumidu aselawaibao. Te augwa wiegi yai bugagia mu dugulalu, te augwa pemene umabo mu yaibao. Augwa te wiegi yai pemene ebo munu me sia sogobeo. Te dene, me haliga sęgę, te augwalide munu ma me elalugobeo.

Aisaia 51:11

Te naga ma sali hani dabe tau sali, te augwa wiegi yai pemene elama, te Jerusalemba ma aselama, te augwa balia po weyu, genuai po dagą te sunumidu ola asaibao. Te augwa bugagia mu bidiyu, te augwa pemene umabo mu yaibao, augwa te pemene ebo me sia sogobeo. Te dene me haliga sęgę augwali dali me elalugobeo.

Aisaia 51:3

“Ena Genuai Bidi, eno te Jerusalemde homu dene mu yali, te taun dolai elaluali, te eno agai sęgę tigidali sia somainu yaibao wali. Megi te olo masigi sane pesage elaluai, tiali goli eno te wiegi yai sę hauwa pedalumainu elama, tama te tonobo gasa sawi mu eyu, te eno nigali Iden gi tonobo tiwai yaibao. Te wiegi yai homu genuai pemene ebo pesage pedelama, te sesemane sogo aga we bidigo te enaba usu da wabo balia po waibao.”

Aisaia 52:8

Te tonalubo bidi dabe te masigigo nigali bobobage be taua daide bidali, te Genuai Bidi te Saion badu ma asobo sueinu yali, te augwa tigidaligo te genuai pemene dali eyu, te i bomonama mu waibao.

Aisaia 52:9

Dage te Jerusalem badu dolalio, dagego te pemene elama, i waiąo, magi baso meni, Genuai Bidigo te Jerusalem ma selama, te agai aga we bidi dabego sęgę silalio.

Jeremaia 16:9

Magi baso meni, ena, dage Israelgo God dao, ena te Tigidali Bomo Elalubo Genuai Bidi, eno po dolo obao, te tǫde we bidi dabe me bidigobeo. Te bugai haliga ebo me, pemene homu ebo kolesaga me, te bidi dabego gesi we sabo kolesaga me, te tigidali mu silaibao. Dage megi tama bidibo we bidi hani, te dagego te sę pedalubo sueibao,” te po wai.

Jeremaia 17:26

Te we bidi dabego te tigidali tǫ kantri pedai taga soyu, te Genuai Bidi, eno beba ofa sela asaibao. Te Juda taun we bidi dabego, me te Jerusalem pąde, me te Benjamin hani tǫ bage me, te bulu du bagede bidibo bage me, te giliga degasa dulubo pedai dwasianu bulu du badu bidibo bage me, te Juda te saut pedai badu bidibo bage me, tigidali te enaba asaibao. Tama augwa te siaba tigidali domainogo ulubo ofa, me te gasa ofa dabe kibu hasa, me te wit ulubo ofa dabe, me te wiegi yai denami holomainogo ulubo ofa, me te enaba usu da wabo, te tama ofa dabe sesaibao.

Jeremaia 25:10

Tama eno te bugai haliga ebo me, pemene homu ebo kolesaga me, te bidi dabego we sabo kolesaga me mu silimainogo yaibao. Tama te wit halulu pabo sę ebo me meniama, te wit halubo masigi dabe kidagalo wali mu meni yaibao. Tama te pesagede te lam sole ula me egobeo.

Jeremaia 29:14

Ena Genuai Bidi, eno po dolo obao, te dage ena pąba asomainogo ilaibao. Te eno dage bugagia wiegi yai ma bidimainogo yaibao. Tama eno dage tigidali habu badu te dage eno sela sąnama, bidada pali tǫ kantri usu nama, sesa bilaibao. Tama eno dage ma oda selama, te duga polobadu bidali buluba odasa asaibao,” wali.

Jeremaia 30:19

Tama te Israel dabego enaba buba hwi wabo tęąbi po waibao. Te augwa tęąbi weyu, wiegi yai pemene yaibao. Te eno augwali hani genuai pedalumainogo elama, te augwali dwasianu hani me bidigobeo. Tama te gasa we bidigo augwali haniba te genuai nogi momainogo elama, tama te hani dabego augwali nogi aiyaba elalumainogo me egobe dao.

Jeremaia 30:3

Ena Genuai Bidi, eno te ena we bidiba yabo sę dąį ilali sogo elalubao, te Israel dabe me Juda te bugagia ma bidaibao. Te eno augwali te tǫ te augwa wąį nǫų dabeba polobadu mani tǫba ma odasa aselama, te augwa tǫ mu ma pedelaibao,” wali.

Jeremaia 32:44

Te bidi dabego tǫ abelama, te tǫ abelali dąų wabo bomo yai po asęaibao. Tama te bidi mebago gedude te augwa dąų wali po bebelama, te augwa dąį te mueibao. Te bidi dabego tǫ abelama, bidibolo mayu ebo te Benjamin hanigo tǫ me, te Jerusalem pąde tǫ me, Juda gasa taun dabe badu me, te bulu dude me, te Juda pedai saut badu me, te giliga degasa dulubo dwasianu bulu badu me, te tǫ abelama bidibolo mabo sę eyu yaibao. Te tama te sogo eno te Juda tǫ kantri bugagia ma bidimainu yaibao. Ena Genuai Bidigo, eno te po wai dao,” wali.

Jeremaia 33:26

Mu tamao, eno te dąų walali bomai po te eno togogisogo da, teda eno te Jekopgo hani me, te eno sę bidi Devitgo hani me, tudiba mugi da. Tiali goli, te kolesagamu egobeo. Menio. Te eno king te Devitgo hanidepedalumainogo elama, te Abraham, me Aisak, me Jekop, te hani dabe tonalumainogo yaibao. Te eno olo tau sabo wiegi yai kolesaga te hani dabeba eyu, te augwali bugagia ma bidimainogo yaibao,” wai dao.

Jeremaia 33:7

Te sogode, eno te Juda hani dabe me, Israel dabe me, bugagia ma bidimainogo yaibao. Tama eno augwali bomai hani pedalumainogo elama, te polobadu tiwai yaibao.

Jeremaia 7:34

Te Judago taun dabede te we bidi dabe me bidisiąyu, te Jerusalem sunumide me bidigobeo. Eno te tigidali sę pedalumainogo yaibao, te bugai haliga wiegi yai homu pemene ebo kolesaga, me te we sabo sogo genuai nai daa tubo dabe me, te dabe tigidali silaibao. Tama te tǫ kantri tigidali pedai badu dolama, olo elalueibao,” wali.

Amos 9:14

Eno te ena we bidi dabe augwa page bulu muba ma odasa paibao. Tama augwa te dolali taun dabe ma geselama, nigilama, tama augwa tede ma bidalueibao. Tama augwa te wain gi ma bulama, te tuabo wain ąį ma nigaibao. Tama augwa te gi nai dabe bulama, te gi dabede nai sela tueibao.

Jona 2:9

Tiali goli, eno te nago nogi ugwaba sabo balia olama, tama nagebolo ofa mawaibao. Te tigidali sę po eno nage dali dąų wali, te sę eno yaibao. Genuai Bidi, nagaduba deligo bomo eyu, naga te da ma dobola selama, tama da bidibo ulade bidibao!” Jonago te po wai.

Nahum 1:7

Genuai Bidi agai wiegi yai kolesaga da dali ebao. Aga te aga we bidi dabe te sęgę sabo sogo geme duala sabo tiwąį madi tiwai elalu, tama te agaba pabo we bidi dabe tau sabo dao.

Sefanaia 3:14

Dage Israel dabe, dage i olama, homu pemene ebo balia po waiąo. Dage Saionde bidibo bage, dwagi yai homu eyu, tęąbi po waiąo. Dage Jerusalem dabe, dage wiegi yai homu elama, homu pemene geninama mu iyąo.

Sekaraia 10:7

Te Israel we bidi dabe augwali te bomai ami bidi dabe tiwai pedalubaso, te augwali te wain ąį tubo bidi dabego homu pemene ebo tiwai yaibao. Te augwaligo nosali ame nabo wai dabego te wiegi yai sę Genuai Bidigo augwa bulai wąį dabede yali sę homu kone ma palama, te wiegi yai homu pemene mu yaibao,” wali.

Sekaraia 8:19

Agai te tama po wai, “Dagego me sogo side te polua me si me si 4 poluade, me te polua a nagade, me te polua a naga me si 7 poluade, me te nogo si poluade te nai tubo osogo habu selali, te dageba pedelali sęgę homu kone paliyu tiali. Tiali goli, te sęgę dabe kone palobo genuai side hasegelama, te tigidali Juda dabego wiegi yai homu pemene yabo si pedelaibao. Tialima dagego te mu po wabo godolo homu elama, te gasa we bidi dabe dali bugagia tegaluama bidibo kolesaga yao,” te po wai dao.

Sekaraia 9:17

Te tǫ da, wiegi yai mu elalueibao. Tama te gesi wegi ogwa dabego te wit nai me wain hauwa elalueibao, tama augwali te genuai hani te bomai we bidi mu pedelaibao.

Dwagi Yai Gesi Po Jongo Asęani 3:29

Tama tibaso, bidi me deligo we sobaso da, te we te bidigo sali we dao. Tama te bidi aga abagi dolaluyu, aga abagigo po odobao. Tama we sali bidigo po wabode, tama aga abagi megi tama dwagi yai homu ebo dao. Tama te tiwai, Jisas aga sę megi e baso, tama ena dwagi yai homu mu ebao.

Hibru 13:15

Tama tibaso, Jisasgo nogide Godibolo wiegi yai homu pemene elama, tama dago te aga nogi ugwaba sabo kolesaga te sesemane sogo agabolo mayu, te ofa tiwai yao. Awe, dago pedauwaligo aga dago Genuai Bidi dao te po wabogo dago Godibolo dena ofa tiwai mabo dao.

Kraisgo Geme Dualali Sę Pedelabo Po Jonbolo Ola Mani 18:23

Te lam sole ula ebo te ula nagebolo ma iligobeo. Tama te we sainogo ebo bidi me, te bidi dali painogo homu ebo we me, augwali si dwagi yai homu eyu po wabo te nage tomode ma wagobeo. Polobadu nago bisnis bidi dabe augwaligo te masigi sabo sę elama, tama augwali te tǫde genuai nogi yai bidi dabe bidai. Tama nago tigidali bidi hani dali te nago tibo pode haniani pobi po wabo sę elama, tama augwali dwai tųba kegasa pali.”