Jeremaia 32:41 - Godigo dwagi yai po buku

⁴¹ Tama eno me te homu kolesaga deli naga elalu, te eno augwalide wiegi yai pemene elama, te augwaliba wiegi yai sę eyu, tama eno augwali te tǫde bugagia bidimainogo ilaibao,” wali.

Jeremaia 32:41 Iomraidhean Croise

Godigo Nogi Ugwaba Sabo Tęąbi Po Wabo Buku Dabe 80:8

Polobadu nago te ni wain deli te Isipdu selasa asali. Tama nago gasa hani dabe te tǫde sela sąnama, tama nago te ni wain te augwaligo tǫde bulai dao.

Aisaia 60:21

Te sogo te nago we bidi tigidaligo doloba pai kolesaga naga eyu, te eno augwa tǫ da olama, sa muani tǫ te augwa saibao, tama augwa tede sesemane bidada paibao. Te ena nogogo digi eno augwali te deli hani we bidi pedalumainu ilali, tama augwali te eno bulai ni nologo tiwai pedelali. Eno tama tiali, te gasa hani we bidi dabego sulama, te enaba genuai nogi momainogo tiai dao.

Aisaia 62:4

Tama te bidi dabego nageba te tiwai nogi ma nogisąyu, “Genuai Bidigo aga tagalai da,” me wagobeo. Te nago tǫ augwaligo te tiwai nogi me wagobeo, “Hobede ya, te tǫ dolama, olo elalubao,” wagobeo. Menio. Te augwaligo nage gesi nogi te tiwai waibao, “Eno wiegi yai homu pemene agaba ebo dao.” Te nago tǫ augwaligo te tiwai nogi yaibao, “We bidigo salio,” magi baso meni, Genuai Bidigo bugai haliga eyu, wiegi yai pemene umabo nageba ebao. Te nago tǫ bugagia ma elalu, te we tiwai, te bidigo aga ma sabo tiwai yaibao.

Aisaia 62:5

Te naga wai dabego nage selama, te nage dali bugagia bidibo tiwai yaibao, te gesi ogwa bidigo te gesi wegi selama, te augwa si bugagia mu bidibo tiwai ebao. Te Genuai Bidigo wiegi yai pemene nageba yaibao, te gesi noma sogo bidigo we selama, te aga weba wiegi yai homu pemene ebo tiwai ebo dao.

Aisaia 65:19

Ena digi me eno wiegi yai pemene te Jerusalemba elama, te ena we bidi dabeba bugai haliga yaibao. Te gesi nigali Jerusalemde te bidi dabe gela wabo kulukulu munu me elalugobeo, te genuai dene elalubo bidi dabego te i wabo sę me elalugobeo.

Jeremaia 18:9

Me ma, te me sogo eno te we bidi hani me deliba po hanilama weyu, ma te tǫ kantri me deli eno te augwali dąų waliyu, bomo mayu, tama augwali bugagia bidaibao po hanilama wabo dao.

Jeremaia 24:6

Te eno augwali bugagia tonalu, te augwaliba wiegi yai sę yaibao. Tama augwali eno te e tǫba ma odasa asaibao. Te eno augwali dąų walama, te eno augwali aiyaba me elalugobeo. Te eno augwali bulama, te eno augwali me digągobeo.

Jeremaia 31:28

Polobadu augwali enotonaluali, te gudumainu, me augwali alumainogo eyu, meaugwali aiyaba elalumainogo eyu, augwali dolomainuelama, te dwai sę augwaliba emainogo yai. Tialima, megi da, ena Genuai Bidi, eno te po obao, te augwali enotonalu, te augwali nigilama, te augwali bulama, te augwalibugagia bidaibao wai dao.

Esekiel 36:36

Tama dage Israel dabe duga tǫde ma bidibo sogo da, te meba gasa hani dage pąde bidibo bidi dabe auwaligo e tama bugagia koneaibao, ena Genuai Bidi ena digi te dolali taun ma nigiyu, me eno te dasu dwai mu holai gi ma eyu yai dao. Ena Genuai Bidi eno te sę yabo po dąų walaio, tama eno te tama sę yaibao.’ Te po tigidali nago te Israel bagebolo pusao,” Genuai Bidigo enabolo te po wai.

Hosea 14:5

Te eno Israel dabeba wiegi yai sę ilaibao, te tulubage segeni te wa pai tǫba tulama, te telabo tiwai yaibao. Te augwali te gasa wiegi yai sawi yai plauwa tiwai pedaliyu, tama te tǫ kantri Lebanonde te genuai bomai ni dabe tiwai pedaliyu yaibao. Te ni dabe sele te tǫ aya tomoba mu dulali tiwai ebo dao.

Amos 9:15

Te bidigo aga gide nai bulubo tiwai eyu, eno ena we bidi dabe te eno augwaliba mani tǫde bugagia tegaluama, dugulalumainu sula tagalaibao, te mena bidi deligo augwali ma ela gudulabo usu me egobeo.” God, dagego Genuai Bidi, agai te tiwai po wai dao.

Maika 7:18

Genuai Bidi, te god me deli nage tiwai me menio. Nago te naga we bidi dabe, te augwali kalabus igi peyu, meba ma asali bage, te augwaligo sęgę nago sela sądubadi gebao. Nago wado po wabo homu sębę te sesemane me elaludubeo. Menio. Sesemane sogo nago wiegi yai pemene eyu, te da godolo mu eyu, tau sabo dao.

Sefanaia 3:17

God, duga Genuai Bidi, aga dage dali bidibao. Agai bomogo dage tau selama, tama dagego te boide dagego tobolu ela holali dao. Genuai Bidi aga dagede wiegi yai homu pemene elama, tama balia po waibao, te we bidigo lotu wabo genuai sogo ebo tiwai yaibao. Agai dage godolo mu ebao, tama agai po deli me wagobeo,” augwaligo te tobage po waibao.

Bomai Po 28:63

Hasia da, Godigo dage godolo mu elama, dage wiegi yai pedalama, tama dagego nai dabe hauwa elalumainogo ilai goli dao, te dage hauwa pedalama. Tama tiali goli, megi da, Genuai Bidigo dage dolama, silibo godolo mu yaibao. Tama agai dage megi te bidigi painu ebo te tǫde gudulama, sela sąwaibao,” wali.

Bomai Po 30:9

Tama Genuai Bidigo dagego tigidali sę dabe wiegi yai pedalomainu yaibao. Tama dagego wai bǫų dabe hauwa mu elama, me kau kibu dabe hauwa mu yaibao. Tama me dagego gide nai dabe hauwa mu holaibao. Tama Genuai Bidigo dagebolo nai hauwa mabo agai wiegi yai homu pemene mu yaibao, te agai dagego wąį dabe dali polobadu yali gilama.